സൂപ്പർഹിറ്റായ പൊറിഞ്ചുമറിയം ജോസിന് ശേഷം ജോഷി സംവിധാനം ചെയ്യുന്ന ചിത്രത്തിന് ഓണ് എയര് എന്ന് പേരിട്ടു. ദിലീപാണ് ഈ ചിത്രത്തിലെ നായകന്. ഒരു മാദ്ധ്യമ പ്രവര്ത്തകന്റെ വേഷമാണ് ദിലീപിന്.
നവാഗതരായ അരുണും നിരഞ്ജനും ചേര്ന്ന് രചന നിര്വഹിക്കുന്ന ഈ ചിത്രം നിര്മ്മിക്കുന്നത് ജാഫേഴ്സ് പ്രൊഡക്ഷന്സിന്റെ ബാനറില് സജിന് ജാഫറാണ്. താരനിര്ണയം പൂര്ത്തിയായി വരുന്ന ചിത്രത്തിന്റെ ഷൂട്ടിംഗ് ജനുവരി അവസാനം തുടങ്ങാനാണ് തീരുമാനം. എറണാകുളമായിരിക്കും ലൊക്കേഷന്.
മലയാളത്തിലെ താരങ്ങളെല്ലാം ഒരുമിച്ച് അഭിനയിച്ച ജോഷി ചിത്രം ട്വന്റി 20 നിര്മ്മിച്ചത് ദിലീപാണ്. റണ്വേയും ലയണുമാണ് ദിലീപിനെ നായകനാക്കി ജോഷി ഇതിന് മുമ്ബ് ഒരുക്കിയ ചിത്രങ്ങള്. റണ്വേയുടെ രണ്ടാംഭാഗമായ വാളയാര് പരമശിവവും ജോഷിയുടെ പരിഗണനയിലുള്ള മറ്റൊരു ദിലീപ് പ്രോജക്ടാണ്. ഉദയകൃഷ്ണയാണ് ഇൗ ചിത്രത്തിന് രചന നിര്വഹിക്കുന്നത്.
ഇപ്പോള് ഊട്ടിയില് സുഗീത് സംവിധാനം ചെയ്യുന്ന മൈ സാന്റയിലഭിനയിച്ച് വരികയാണ് ദിലീപ്. ഈ മാസം അവസാനം വരെ മൈ സാന്റയുടെ ചിത്രീകരണമുണ്ടാകും.മൈ സാന്റയ്ക്ക് ശേഷം നാദിര്ഷ സംവിധാനം ചെയ്യുന്ന കേശു ഈ വീടിന്റെ നാഥനിലാണ് ദിലീപ് അഭിനയിക്കുന്നത്. ഉര്വശിയാണ് ചിത്രത്തിലെ നായിക. സജീവ് പാഴൂരിന്റേതാണ് രചന.