മലയാള സിനിമയിലെ ഹാസ്യ സാമ്രാട്ടുമാരിൽ ഒരാളായിരുന്നു നടൻ മാളാ അരവിന്ദൻ. വർഷങ്ങളോടും മലയാളികളെ പൊട്ടിച്ചിരിപ്പിച്ച മാള വിടപറഞ്ഞത് മലയാളികളെ ആകെ ദുഖത്തിലാഴ്ത്തിയിരുന്നു. ഹാസ്യ വേഷങ്ങൾ മാത്രമല്ല ക്യാരക്ടർ വേഷങ്ങളിലും മാള തിളങ്ങിയിരുന്നു.
മലയാളികളുടെ എക്കാലത്തെയും പ്രിയപ്പെട്ട കലാകാരന്മാരിൽ ഒരാളായിരുന്നു മാള അരവിന്ദൻ. ചില ഗംഭീര മാനറിസങ്ങളിൽ തളച്ചിട്ടു പോയ ഒരു അസാധ്യ നടൻ ആണ് മാള അരവിന്ദൻ എന്ന് പറയാം. എഴുത്തുകാരും സംവിധായകരും ഒരു പരിധി വരെ അദ്ദേഹം സ്വയമായും അതൊക്കെ ആവർത്തിക്കുകയും അതിന് ആക്കം കൂട്ടുകയും ചെയ്തിട്ടുമുണ്ട്.
മറിച്ചായിരുന്നുവെങ്കിൽ ഒരുപക്ഷേ ഇതിലും ഒരുപാട് മികച്ച റോളുകൾ ചെയ്യാനും ചർച്ച ചെയ്യപ്പെടാനുമുള്ള ഒരു കരിയർ ഗ്രാഫ് ഉണ്ടായേനേ. മീശമാധവനും സല്ലാപവും സന്ദേശവുമടക്കമുള്ള പല സിനിമകളും അതിന് അടിവരയിടുന്ന സിനിമകൾ കൂടിയാണ്. ആണി രോഗം വന്ന് പെൻഷൻ പറ്റിയ കള്ളൻ മുള്ളാണി പപ്പനെന്ന കഥാപാത്രത്തെ മാള അരവിന്ദനല്ലാതെ മറ്റാർക്കും അവതരിപ്പിക്കാൻ സാധിക്കില്ല എന്ന് പ്രേക്ഷകർക്ക് തോന്നുന്നത് അതുകൊണ്ടാണ്.
കാലു വലിച്ചു വെച്ചുള്ള നടത്തവും സല്ലാപത്തിലെ കുഞ്ഞൂട്ടൻ ആശാരിയുടെ തനി ആശാരി സ്‌റ്റൈലിലുള്ള ഉളി പിടുത്തവും സന്ദേശത്തിലെ പോലീസും കൂടെയായ ചൊറിയൻ അളിയന്റെ സ്വഭാവവുമൊക്കെ സ്ഥിരം ചേഷ്ടകൾ എല്ലാം കുടഞ്ഞു കളഞ്ഞ് പൂർണ്ണമായും കഥാപാത്രമായി മാറുന്ന അപാര റേഞ്ചും തനിക്ക് ചുറ്റുപാടും ഒരു നടന് വേണ്ട നിരീക്ഷണപാടവവുമൊക്കെ വ്യക്തമായി കാട്ടി തരുന്നുണ്ട്.
Also Read
സ്വപ്നത്തിൽ പോലും അങ്ങനെ ചിന്തിച്ചിരുന്നു, പുതിയ വിശേഷം പങ്കുവെച്ച് മിയ, ആശംസകളുമായി ആരാധകർ
ചെറു പ്രായത്തിൽ തന്നെ നാടകത്തിൽ നിന്നും സിനിമയിൽ എത്തി. ഹാസ്യ കഥാപാത്രങ്ങളിലൂടെയാണ് മാള അരവിന്ദൻ തിളങ്ങിയത്. നല്ലൊരു തബലിസ്റ്റ് ആയിരുന്ന വളരെ സാധാരണ നിലയിൽ നിന്ന് സിനിമയിലെത്തി തന്റെ നാടായ മാളയെ കൂടെ പേരിന് മുന്നിൽ ചേർത്ത് ഒരു നാടിനെ കൂടെ അടയാളപ്പെടുത്തിയ കലാകാരൻ കൂടിയായിരുന്നു മാള അരവിന്ദൻ.
എറണാകുളം ജില്ലയിൽ, വടവുകോട് പ്രദേശത്ത് എക്സൈസ് ഉദ്യോഗസ്ഥനായ താനാട്ട് അയ്യപ്പന്റേയും സ്‌കൂൾ അധ്യാപികയായ പൊന്നമ്മയുടെയും മൂത്ത മകനായിട്ടാണ് അരവിന്ദൻ ജനിച്ചത്. ചെറുപ്പകാലത്ത് തബലിസ്റ്റ് ആയിരുന്ന അരവിന്ദൻ നാടകത്തിലൂടെയാണ് അഭിനയരംഗത്തേക്ക് എത്തുന്നത്.
ആദ്യം നാടകങ്ങളിൽ അണിയറയിൽ തബലിസ്റ്റ് ആയിരുന്നു. ഏഴാം ക്ലാസിൽ പഠിക്കുമ്പോൾ അച്ഛനെ നഷ്ടപ്പെട്ട ശേഷം സംഗീതാധ്യാപികയായ മാതാവിന്റെ ഒപ്പം മാളയിലെ വടമയിൽ വന്നു താമസമാക്കിയ അരവിന്ദൻ പിന്നീട് മാള അരവിന്ദൻ എന്ന പേരിൽ പ്രശസ്തനാവുകയായിരുന്നു. 2015 ജനുവരിയിൽ ഹൃദയാഘാതത്തെ തുടർന്നായിരുന്നു മാള അരവിന്ദന്റെ മരണം.
12 വർഷം നാടകത്തിലും 40 വർഷം സിനിമയിലും പ്രവർത്തിച്ച മാള അരവിന്ദൻ 650 ലേറെ സിനിമകളിൽ അഭിനയിച്ചിട്ടുണ്ട്. അരവിന്ദനെ കൊച്ചിന് മുഹമ്മദ് ഉസ്താദിന്റെ കീഴിൽ തബല അഭ്യസിച്ച അരവിന്ദൻ മികച്ച് തബലിസ്റ്റ് കൂടിയായിരുന്നു. സിനിമാ രംഗത്തേക്ക് പോവാതെ തബല അഭ്യസനം തുടർന്നിരുന്നെങ്കിൽ ഇന്ത്യയിലെ മികച്ച തബലിസ്റ്റുകളിലൊരാളായ അരവിന്ദൻ മാറുമായിരുന്നുവെന്ന് പല പ്രമുഖരും അഭിപ്രായപ്പെട്ടിരുന്നു.
ഇപ്പോഴിതാ വർഷങ്ങൾക്ക് മുൻപ് മാള അരവിന്ദൻ പങ്കെടുത്ത ഒരു പരിപാടിയുടെ വീഡിയോ വീണ്ടും സോഷ്യൽ മീഡിയയുടെ ശ്രദ്ധ കവരുകയാണ്. ജെബി ജംഗ്ഷൻ എന്ന പരിപാടിയുടെ വീഡിയോ ആണ് വൈറലാകുന്നത്. വീഡിയോയിൽ തന്റെ വിപ്ലവകരമായ പ്രണയത്തെ കുറിച്ചും വിവാഹത്തെ കുറിച്ചുമൊക്കെ താരം തുറന്ന് പറയുന്നുണ്ട്.
ക്രിസ്ത്യൻ പെൺകുട്ടിയെ പ്രണയിച്ചതിനെ കുറിച്ചും ഒടുവിൽ വിവാഹ ശേഷം പേര് മാറ്റിയതിനെ കുറിച്ചും മാള അരവിന്ദൻ മുൻപ് വെളിപ്പെടുത്തുന്നതിന്റെ ഒരു വീഡിയോ ആണ ഇപ്പോൾ സോഷ്യൽ മീഡിയയിൽ വൈറലായി മാറുന്നത്. കുറേ പേരെ പഞ്ചാര അടിച്ചിട്ടുണ്ടെങ്കിലും അന്നക്കുട്ടിയോട് തന്റെ ആദ്യ പ്രണയമായിരുന്നു, അന്നക്കുട്ടിയാണ് ഭാഗ്യം കൊണ്ട് വന്നതെന്നാണ് മാള പറയുന്നത്.
സ്‌നേഹം എന്ന് പറഞ്ഞാൽ അന്നും ഇന്നും അത് ഗീതയോട് മാത്രമാണെന്നും മരിക്കുന്നത് വരെയും അങ്ങനെ ആയിരിക്കും എന്നും ഭാര്യയെക്കുറിച്ച് മാള അരവിന്ദൻ പറയുന്നു. അന്ന് ദിവ്യ പ്രണയമായിരുന്നു. ഭയങ്കര ദൈവീക സ്‌നേഹമാണ്. ഒറ്റ നോട്ടത്തിലൂടെ തന്നെയായിരുന്നു. അന്ന് പ്രണയമല്ല ഇഷ്ടമാണ്. അന്ന് ഫോൺ ഇല്ലാത്തത് കൊണ്ട് കത്തിലൂടെയായിരുന്നു.
മൂന്നാലഞ്ച് വർഷം പ്രണയലേഖനങ്ങൾ കൊടുത്തതിന് ശേഷം പോയി വിവാഹം രജിസ്റ്റർ ചെയ്തു. അന്നക്കുട്ടി യുടെ വീട്ടുകാർ ആദ്യം സമ്മതിച്ചിരുന്നില്ല. അവൾ ക്രിസ്ത്യനും ഞാൻ ഹിന്ദുവും ആയിരുന്നു. ആദ്യമങ്ങനെ പിണക്കം ഉണ്ടായിരുന്നെങ്കിലും പിന്നെ എല്ലാം ശരിയായി. ഇപ്പോൾ അങ്ങനത്തെ പ്രശ്‌നങ്ങളൊന്നും ഇല്ലെന്നു മാള അരവിന്ദൻ പറയുന്നു.
1971 ലായിരുന്നു ഈ സംഭവം. അന്നത്തെ സാമൂഹ്യ സാഹചര്യത്തിൽ ക്രിസ്ത്യൻ പെൺകുട്ടിയെ വളച്ചെടുത്ത് കല്യാണം കഴിച്ച ആൾ കൈയ്യടി അർഹിക്കുന്നുണ്ട് എന്നായിരുന്നു അവതാരകന്റെ മറുപടി. അഭിനയിക്കാൻ പോവുന്നതിനെ പറ്റി ഭാര്യയുടെ അഭിപ്രായത്തെ കുറിച്ചും അവതാരകൻ ചോദിച്ചു. ജീവിക്കണ്ടേ, അതിനെ പറ്റി അഭിപ്രായം പറഞ്ഞിട്ട് എന്താ കാര്യം. പട്ടിണി ഇരിക്കേണ്ടി വരും.
നാടകത്തിൽ ആയിരുന്നപ്പോൾ ഒത്തിരി പട്ടിണി കിടന്നിരുന്നിട്ടുണ്ട്. ആരെങ്കിലും പേര് ചോദിക്കുമ്പോൾ അന്നക്കുട്ടി എന്ന് പറയും ങ്ങേ അന്നക്കുട്ടിയോ എന്നാവും അടുത്ത ചോദ്യം. അതോടെ ഗീത എന്നാക്കി പേര്. ആ പേര് എനിക്ക് പണ്ടേ ഇഷ്ടമാണ്. അങ്ങനെ ആ പേരങ്ങ് ഇട്ടു. അതിലെന്താണ് കുഴപ്പം നടൻ അവതാരകനോട് ചോദിക്കുന്നു.
അന്നക്കുട്ടിയോട് തന്റെ ആദ്യ പ്രണയമായിരുന്നു. കുറേ പേരെ പഞ്ചാര അടിച്ചിട്ടുണ്ടെന്നും മാള അരവിന്ദൻ പറയുന്നു. സ്‌നേഹം എന്ന് പറഞ്ഞാൽ അന്നും ഇന്നും അത് ഗീതയോട് മാത്രമാണെന്നും മരിക്കുന്നത് വരെയും അങ്ങനെ ആയിരിക്കുമെന്നും മാള അരവിന്ദൻ പറയുന്നു. അന്നക്കുട്ടിയാണ് ഭാഗ്യം കൊണ്ട് വന്നത്. അവരെ കെട്ടിയതിന് ശേഷമാണ് സിനിമയിൽ സജീവമായത്.
പിന്നീട് തിരിഞ്ഞ് നോക്കേണ്ടതായി വന്നിട്ടില്ല. ഇത് പലരും പറയാറുണ്ട്. പക്ഷേ ഞാനങ്ങനെ വിളിച്ച് കൂവണ്ടല്ലോ എന്ന് വിചാരിച്ചിരുന്നതാണ് എന്നും മാള അരവിന്ദൻ പറയുന്നു. പ്രേക്ഷകരുടെ പ്രിയപ്പെട്ട നടന്റെ പഴയ കാല ഇന്റർവ്യൂ സിനിമാപ്രേമികളുടെ കൂട്ടായ്മയിലും വൈറലായി മാറിയിട്ടുണ്ട്.
