ബാലതാരമായി സീരിയൽ രംഗത്തെത്തി ഇപ്പോൾ നായിക വേഷം ചെയ്യുന്ന താരമാണ് പ്രകൃതിയെന്ന് അറിയപ്പെടുന്ന അനുശ്രീ. അനുശ്രീ എന്നാണ് യഥാർഥ പേര് പ്രകൃതിയെന്നാണ് സീരിയൽ ലോകത്ത് താരം അറിയപ്പെടുന്നത്.
നാലാം വയസ്സുമുതലാണ് അഭിനയം തുടങ്ങിയത്. ഓമനത്തിങ്കൾ പക്ഷി, ദേവീമാഹാത്മ്യം, ശ്രീ മഹാഭാഗവതം, പാദസരം, എഴുരാത്രികൾ, അമല തുടങ്ങിയ പരമ്പരകളിലാണ് ആദ്യ കാലത്ത് അഭിനയിച്ചത്.
ഓമനത്തിങ്കൾ പക്ഷി എന്ന പരമ്പരയിൽ ജിത്തു മോൻ എന്ന ആൺകുട്ടിയുടെ വേഷത്തിൽ അഭിനയം തുടങ്ങിയ താരം ഇതുവരെ അമ്പതോളം സീരിയലുകളുടെ ഭാഗമായി കഴിഞ്ഞു.
15ാം വയസ്സിലാണ് ആദ്യമായി ലീഡ് റോളിൽ ഏഴുരാത്രികൾ എന്ന പരമ്പരയിൽ അഭിനയിച്ചത്. അമലയിലെ ശീതൾ എന്ന കഥാപാത്രവും ഏറെ ശ്രദ്ധിക്കപ്പെട്ടിരുന്നു. അരയന്നങ്ങളുടെ വീട് എന്ന പരമ്പരയിലെ ശ്രീദേവി എന്ന കഥാപാത്രം ഏറെ ശ്രദ്ധിക്കപ്പെട്ടു. നടൻ റോൺസണിനോടൊപ്പം മികച്ച പ്രകടനമാണ് താരം കാഴ്ചവെച്ചത്.
2005 മുതൽ സീരിയൽ അഭിനയരംഗത്തുള്ള താരം സീ കേരളയിലെ പൂക്കാലം വരവായി’ എന്ന പരമ്പരിയിലാണ് ഇപ്പോൾ അഭിനയിച്ച് കൊണ്ടിരിക്കുന്നത്. ബാലതാരമായി അഭിനയം തുടങ്ങിയ താരമിപ്പോൾ നായികാ വേഷങ്ങളിലാണ് അഭിനയിക്കുന്നത്.
ഇപ്പോൾ പൂക്കാലം വരവായ് എന്ന പരമ്പരയിൽ സംവൃത എന്ന കഥാപാത്രമായാണ് അനുശ്രീ അഭിനയിക്കുന്നത്. ഇതിനിടെ നടി അനുശ്രീ രഹസ്യമായി വിവാഹിതയായെന്ന വാർത്തയാണ് പുറത്ത് വരുന്നത്. എന്റെ മാതാവ് എന്ന സീരിയലിന്റെ ക്യാമറമാൻ വിഷ്ണു സന്തോഷാണ് വരൻ.
തൃശൂർ ആവണങ്ങാട്ട് ക്ഷേത്രത്തിൽ വച്ച് ലളിതമായി വിവാഹം കഴിച്ച ഇരുവരുടെയും ഫോട്ടോസ് സോഷ്യൽ മീഡിയ വഴി വൈറലായതോടെയാണ് വിവാഹക്കാര്യം പുറംലോകം അറിയുന്നത്. എന്റെ മാതാവ് സീരിയലിന്റെ ലൊക്കേഷനിൽ ഇരുവർക്കും സർപ്രൈസ് ഒരുക്കിയിരുന്നു. പുതിയ ജീവിതത്തിലേക്ക് കടന്ന താരദമ്പതിമാർക്ക് ആശംസകൾ അറിയിച്ച് പ്രിയപ്പെട്ടവർ എത്തിയിരിക്കുകയാണ്.
ഏറ്റവുമൊടുവിൽ പൂക്കാലം വരവായി സീരിയലിലെ സംവൃത എന്ന കഥാപത്രത്തെയാണ് നടി അവതരിപ്പിച്ച് കൊണ്ടിരിക്കുന്നത്. മലയാള ടെലിവിഷൻ ആരാധകരുടെ ഇടയിൽ അടുത്തിടെ ഏറെ ശ്രദ്ധിക്കപ്പെട്ട പരമ്പരയാണ് പൂക്കാലം വരവായി. ഒരു അമ്മയും നാല് പെൺമക്കളും അടങ്ങുന്ന ഒരു സാധാരണ കുടുംബത്തിൻറെ ജീവിതമാണ് പരമ്പരയിൽ കാണിക്കുന്നത്.
ആദ്യ കാലങ്ങളിൽ ഇവർ ജീവിക്കാൻ ക്ലേശിക്കുന്ന നിമിഷങ്ങളിലൂടെയായിരുന്നു പരമ്പര മുന്നേറിയിരുന്നത്. കുറച്ച് നാളായി പ്രണയ നിമിഷങ്ങളാണ് പരമ്പരയിലുള്ളത്. സപ്തതി, ഹർഷൻ പ്രണയവും സംയുക്ത, അഭിമന്യൂ പ്രണയവും അതോടൊപ്പം സംവൃതയും അശോകനും തമ്മിലുള്ള പ്രണയവും പ്രേക്ഷകർ ഏറ്റെടുത്തിരുന്നു. സംവൃതയായി മികച്ച പ്രകടനമാണ് അനുശ്രീ പരമ്പരയിൽ കാഴ്ചവെച്ചിട്ടുള്ളത്.
