മലയാളിയായ തെന്നിന്ത്യൻ താരസുന്ദരിയാണ് കീർത്തി സുരേഷ്. മലയാളത്തിലെ മുൻകാല നായിക നടി മോനകയുടേയും നിർമ്മാതാവ് സുരേഷ് കുമാറിന്റെയും മകളായ കീർത്തിക്ക് തെന്നിന്ത്യ മുഴുവൻ ആരാധകരും ഉണ്ട്.
തെന്നിന്ത്യയിലെ ഒട്ടുമിക്ക സൂപ്പർതാരങ്ങൾക്കും ഒപ്പം അഭിനയിച്ചിട്ടുള്ള നടിയുടെ സിനിമകൾ എല്ലാം സൂപ്പർഹിറ്റുകളും ആയിരുന്നു. അതേ സമയം സോഷ്യൽ മീഡിയ പലപ്രാവശ്യം വിവാഹം നടത്തിയ താരം കൂടിയാണ് കീർത്തി സുരേഷ്. ഏറ്റവും ഒടുവിൽ കീർത്തിയുടെ വിവാഹം സോഷ്യൽ മീഡിയ നടത്തിയത് പ്രശസ്ത സംഗീത സംവിധായകൻ അനിരുദ്ധ് രവിചന്ദ്രനും ആയിട്ടായിരുന്നു.
Also Read
അതിന്റെ ഒക്കെ പിറകേ പോയി എന്റെ സമാധാനം കളയാൻ താൽപര്യമില്ല: തുറന്നു പറഞ്ഞ് അനിഖ സുരേന്ദ്രൻ
കീർത്തിയും അനിരുദ്ധും വിവാഹിതരാകുന്നു എന്ന വിധത്തിൽ വാർത്തകൾ പ്രചരിച്ചിരുന്നു. ഇക്കഴിഞ്ഞ ഫെബ്രുവരി മാസത്തിലായിരുന്നു ഇത്തരത്തിൽ ഒരു വാർത്ത എത്തിയത്. ഇരുവരും ഒരുമിച്ചുള്ള ഒരു ചിത്രമായിരുന്നു ഇത്തരം വാർത്തകൾക്ക് കാരണമായത്.
എന്നാൽ അധികം വൈകാതെ ഈ വാർത്ത വ്യാജമെന്ന് വ്യക്തമായി. കീർത്തിയുടെ പിതാവും നിർമ്മാതാവുമായ സുരേഷ് കുമാർ വാർത്ത നിഷേധിക്കുകയായിരുന്നു. ഇപ്പോഴിതാ അനിരുദ്ധുമായുള്ള തന്റെ വിവാഹ വാർത്തയെ കുറിച്ച് കീർത്തി തന്നെ പ്രതികരിക്കുകയാണ്. പുതിയ സിനിമയായ രംഗ് ദേയുടെ പ്രൊമോഷനുമായി ബന്ധപ്പെട്ട് നടന്ന പത്രസമ്മേളനത്തിൽ ആയിരുന്നു കീർത്തിയുടെ വെളിപ്പെടുത്തൽ.
കീർത്തി സുരേഷിന്റെ വാക്കുകൾ ഇങ്ങനെ:
വാർത്തകൾ വ്യാജമാണ് എന്റെ വിവാഹത്തെ കുറിച്ചുള്ള പോസ്റ്റുകളും ചിത്രങ്ങളുമെല്ലാം കണ്ടപ്പോൾ ഞാൻ ഞെട്ടിപ്പോയി. ഞാൻ കല്യാണം കഴിച്ചെന്ന് മൂന്നോ നാലോ തവണ വാർത്തകൾ വന്നിട്ടുണ്ട്. ഓരോ തവണയും വേറെ വേറെ ആളുകളുമായിട്ടായിരിക്കുമെന്ന് മാത്രം. എല്ലാത്തിനും സോഷ്യൽ മീഡിയയോടാണ് നന്ദി.
തന്റെ കല്യാണത്തിന് ഇനിയും സമയമുണ്ട്. നടക്കുമ്പോൾ താൻ തന്നെ ആരാധകരുമായി വാർത്ത പങ്കുവെക്കുമെന്നും കീർത്തി സുരേഷ് വെളിപ്പെടുത്തി. അതേ സമയം നേരത്തെ രാഷ്ട്രീയ നേതാവിന്റെ മകനുമായി കീർത്തിയുടെ വിവാഹം ഉറപ്പിച്ചെന്നും ബിസിനസുകാരനെ വിവാഹം ചെയ്യുകയാണെന്നുമടക്കം നിരവധി വ്യാജ വാർത്തകൾ കീർത്തിയുമായി ബന്ധപ്പെട്ട് എത്തിയിരുന്നു.
പ്രിയദർശൻ മോഹൻലാൽ ടീമിന്റെ ഗീതാഞ്ജലി എന്ന മലയാള ചിത്രത്തിത്തിലൂടെ ആയിരുന്നു കീർത്തിയുടെ സിനിമ അരങ്ങേറ്റം. മഹാനടി എന്ന ചിത്രത്തിന് ദേശീയ പുരസ്‌കാരവും കീർത്തിയെ തേടി എത്തിയിരുന്നു. യുവസൂപ്പർതാരം മഹേഷ് ബാബു നായകനായ സർക്കാരു വാരി പാട എന്ന ചിത്രത്തിലാണ് കീർത്തി ഇപ്പോൾ അഭിനയിക്കുന്നത്.
സ്റ്റൈൽ മന്നൻ രജനികാന്ത് ചിത്രം അണ്ണാത്തെ, ക്രൈം ത്രില്ലർ സാനി കയിദം, ഗുഡ് ലക്ക് സഖി എന്നീ ചിത്രങ്ങളാണ് നടിയുടേതായി പുറത്തിറങ്ങാനുള്ളത്. മലയാളത്തിന്റെ താരരാജാവ് മോഹൻലാലിനെ നായകനാക്കി പ്രിയദർശൻ ഒരുക്കുന്ന ബ്രഹ്മാണ്ഡ ചിത്രം മരക്കാർ അറബിക്കടലിന്റെ സിംഹത്തിലും നടി ഒരു പ്രധാന വേഷത്തിൽ എത്തുന്നുണ്ട്.
