മലയാളത്തിലെ ആദ്യ 50 കോടി ക്ലബ്ബ് സിനിമയായിരുന്നു താരരാജാവ് മോഹൻലാലിനെ നായകനാക്കി ജീത്തു ജോസഫ് ഒരുക്കിയ ദൃശ്യം. ഇപ്പോഴിതാ ഏഴു വർഷത്തിനു ശേഷം രണ്ടാം ഭാഗം ഒരുങ്ങുകയാണ് ദൃശ്യത്തിന്.
മോഹൻലാൽ വീണ്ടും ജോർജ്ജുകുട്ടിയായി എത്തുന്ന ബ്ലോക്ക്ബസ്റ്റർ ചിത്രത്തിനായി കാത്തിരിക്കുകയാണ് ആരാധകർ. ജിത്തു ജോസഫ് സംവിധാനം ചെയ്യുന്ന രണ്ടാം ഭാഗത്തിൽ ഒന്നാം ഭാഗത്തിൽ അഭിനയിച്ച ഒട്ടുമിക്ക താരങ്ങളും അണിനിരക്കുന്നുണ്ട്. രണ്ടാം ഭാഗത്തിൽ ചെറിയൊരു ട്വിസ്റ്റ് ഉണ്ടെന്നാണ് ജിത്തു ജോസഫ് പറയുന്നത്.
മീന, അൻസിബ ഹസൻ, എസ്തർ അനിൽ തുടങ്ങിയവർക്കൊപ്പം സിദ്ധിഖ്, ആശാ ശരത്ത് തുടങ്ങിയവരും തങ്ങളുടെ കഥാപാത്രങ്ങളായി തിരിച്ചെത്തുന്നു. ദൃശ്യം 2 വിന്റെതായി അടുത്തിടെ പുറത്തിറത്തിറങ്ങിയ ലൊക്കേഷൻ ചിത്രങ്ങളെല്ലാം സോഷ്യൽ മീഡിയയിൽ വൈറലായിരുന്നു.
ദൃശ്യത്തിൽ പോലീസ് കോൺസ്റ്റബിളിന്റെ വേഷത്തിൽ നിർമാതാവ് ആന്റണി പെരുമ്പാവൂരും. ദൃശ്യം രണ്ടാം ഭാഗത്തിൽ ആന്റണിക്ക് സബ് ഇൻസ്പെക്ടർ ആയി പ്രൊമോഷൻ കിട്ടിയെന്ന സൂചനയാണ് ലഭിക്കുന്നത്. ലൊക്കേഷനിൽ നിന്നും പുറത്ത് വരുന്ന ചില ചിത്രങ്ങൾ ഈ സംശയം വലുതാക്കുന്നു.
ചിത്രീകരണം ആരംഭിച്ചതു മുതൽ ദൃശ്യം 2’സിനിമയുടെ കഥയെ കുറിച്ചും കഥാപാത്രങ്ങളെ കുറിച്ചുമുള്ള ചർച്ചകളാണ് സോഷ്യൽ മീഡിയയിൽ നിറയുന്നത്. ലൊക്കേഷൻ ചിത്രങ്ങളും ആഘോഷത്തോടെയാണ് ആരാധകർ ഏറ്റെടുക്കുന്നത്.
ദൃശ്യത്തിന്റെ ആദ്യ ഭാഗത്തിൽ ഉണ്ടായിരുന്ന മിക്ക താരങ്ങളും രണ്ടാം ഭാഗത്തിലും ഉണ്ടാകും, കൂടാതെ മറ്റ് താരങ്ങളും ചിത്രത്തിന്റെ ഭാഗമാകുമെന്ന് ജീത്തു ജോസഫ് വെളിപ്പെടുത്തിയിരുന്നു. ദൃശ്യം 2വിൽ നിർമ്മാതാവ് ആന്റണി പെരുമ്പാവൂരും പ്രധാന വേഷത്തിൽ എത്തുന്നു എന്ന വാർത്തകളാണ് ഇപ്പോൾ പുറത്തുവരുന്നത്.
ദൃശ്യത്തിന്റെ ആദ്യ ഭാഗത്തിൽ സ്ഥലമാറ്റം കിട്ടിയെത്തുന്ന കോൺസ്റ്റബിൾ ആയാണ് ആന്റണി പെരുമ്പാവൂർ വേഷമിട്ടത്. രണ്ടാം ഭാഗത്തിൽ ആന്റണിക്ക് പ്രൊമോഷൻ കിട്ടി, എസ്ഐ ആയെന്ന റിപ്പോർട്ടുകളാണ് വരുന്നത്.
ചിത്രത്തിന്റെ ലൊക്കേഷനിൽ നിന്നുള്ള ഫോട്ടോയാണ് ഈ റിപ്പോർട്ടുകൾക്ക് ആക്കം കൂട്ടുന്നത്. സെപ്റ്റംബറിലാണ് ദൃശ്യം 2വിന്റെ ഷൂട്ടിംഗ് ആരംഭിച്ചത്. ഗണേഷ് കുമാർ, മുരളി ഗോപി, സായ് കുമാർ തുടങ്ങിയ താരങ്ങളും ഇത്തവണ സിനിമയുടെ ഭാഗമാകുന്നുണ്ട്.
ദൃശ്യത്തിന്റെ കഥ അവസാനിച്ചിട്ടില്ല എന്നും ജോർജുകുട്ടിക്കും കുടുംബത്തിനും പിന്നീട് എന്ത് സംഭവിച്ചു എന്ന ചോദ്യവുമാണ് രണ്ടാം ഭാഗത്തേക്ക് എത്തിച്ചത് എന്നാണ് മോഹൻലാലും ജീത്തു ജോസഫും പറയുന്നത്. രണ്ടാം ഭാഗം ഒരു ഇമോഷണൽ ഫാമിലി ഡ്രാമ ആണെന്നും ജീത്തു ജോസഫ് വ്യക്തമാക്കിയത്.
