ലോകം മുഴുവൻ പടർന്നു പിടിച്ച കോവിഡ് മഹാമാരിയെ തടുത്ത് നിർത്താൻ കേരളത്തിലും ലോക്ക്ഡൗൺ പ്രഖ്യാപിച്ചതോടെ സിനിമ തിയേറ്ററുകൾ അടഞ്ഞു കിടക്കുകയാണ്. താരങ്ങൾ വീടുകളിലാണ്. ഇതിനിടെ പുതിയ ഒരു ചിത്രവുമായി എത്തുകയാണ് ഫഹദ് ഫാസിൽ.
മഹേഷ് നാരയണൻ സംവിധാനം ചെയ്യുന്ന സി യു സൂൺ ആണ് പുതിയ ചിത്രം. ലോക്ഡൗൺ കാലത്ത് ഒരു ബിൽഡിംഗിൽ മാത്രം ഷൂട്ട് ചെയ്ത ചിത്രത്തെ കുറിച്ച് പറയുകയാണ് ഫഹദ് ഫാസിൽ.
ഫഹദിന്റെ വാക്കുകൾ ഇങ്ങനെ:
എന്റെ ബിൽഡിങ്ങിന്റെ ഒരു ബ്ലോക്ക് അപ്പുറത്താണ് മഹേഷ് താമസിക്കുന്നത്. ഈ കാലത്തെ സിനിമയിലെ പുതിയ സാധ്യതകളെ കുറിച്ച് ഞാൻ സംസാരിച്ച് തുടങ്ങി. നമ്മുടെ ചുറ്റുപാടുമുള്ള പരിസരത്ത് തന്നെ സാങ്കേതിക വിദ്യയുടെ സഹായത്തോടെ സിനിമ ചിത്രീകരിക്കാനും ഒരു എഡിറ്റിങ് ടേബിളിൽ അത് പൂർത്തീകരിക്കാനും സാധിക്കും.
അങ്ങനെ മഹേഷിന്റെ ആശയവുമായി ഞങ്ങൾ സഹകരിച്ചു. ലോക്ഡൗൺ ഇല്ലാത്തപ്പോൾ ഞാൻ ഈ സിനിമ ഷൂട്ട് ചെയ്യുകയാണെങ്കിൽ അതേ രീതിയിൽ തന്നെ ഞാൻ ചെയ്യുമായിരുന്നു എന്നും ഒരു അഭിമുഖത്തിൽ ഫഹദ് പറയുന്നു. പക്ഷേ ഈ സിനിമയുണ്ടാക്കാൻ കാരണം ലോക്ഡൗൺ ആണ്. അല്ലാത്തപക്ഷം നമ്മളാരും ഇത്രയും കാലം വീട്ടിൽ താമസിക്കുമായിരുന്നില്ല.
ഞങ്ങൾക്ക് ശരിയായ സ്‌ക്രിപ്റ്റ് നൽകി, മൂന്ന് ദിവസത്തെ വർക്ക് ഷോപ്പിൽ പങ്കെടുത്തു. ഒരു ബിൽഡിങ്ങിൽ താമസിച്ചു. വൈകുന്നേരങ്ങളിൽ കണ്ടുമുട്ടി. ഒരു ജോലി ചെയ്യുന്നുവെന്ന് തോന്നിപ്പിക്കാതെ അത് ആസ്വദിക്കാൻ ഞങ്ങൾ ആഗ്രഹിച്ചു.
സിനിമയിലും ജീവിതത്തിലും തന്റെ കരുത്ത് ജീവിത പങ്കാളി നസ്രിയ ആണെന്ന് കൂടി ഫഹദ് പറയുന്നുണ്ട്. ഞാൻ ചെയ്യുന്ന കാര്യങ്ങളുടെ പിന്നിലെ ശക്തി അവളാണ്.വീട്ടിൽ പിന്തുണയില്ലങ്കിൽ എനിക്ക് ഇവയൊന്നും ചെയ്യാൻ കഴിയുമെന്ന് ഞാൻ കരുതുന്നില്ല.
പുറത്ത് പോയി അത് ചെയ്യാനുള്ള പ്രേരണ അവൾ എനിക്ക് തരുന്നു. മറ്റേയാൾ എന്താണ് ചെയ്യുന്നതെന്ന് നിരന്തരം പരിശോധിക്കുന്നില്ല. എന്നാൽ ഞങ്ങൾ ഒരുമിച്ചാണ്. എന്നെക്കാൾ കൂടുതൽ മഹേഷുമായി സംവദിക്കുന്നത് അവളാണ്. ഞങ്ങൾ കുമ്പളങ്ങി നൈറ്റ്സ് നിർമ്മിക്കുമ്പോഴും അവളായിരുന്നു ടീമിനോട് കൂടുതൽ സംസാരിച്ചിരുന്നത്.
പക്ഷേ ഞങ്ങളുടെ കിടപ്പു മുറിയിൽ സിനിമ ചിത്രീകരിക്കാൻ സമ്മതിക്കില്ലെന്ന് അവൾ തീർത്ത് പറഞ്ഞു. അത്ര മാത്രമേ അവൾ പറഞ്ഞിട്ടുള്ളു. കിടപ്പുമുറി ഒഴികയെുള്ള എന്റെ കെട്ടിട്ടത്തിന്റെ എല്ലാ കോണിലും ഞാൻ ഷൂട്ട് ചെയ്തിട്ടുണ്ടെന്നും ഫഹദ് വ്യക്തമാക്കി.
