മലയാളത്തിന്റെ ജനപ്രിയനായകൻ ദിലീപിന്റെ അനിയൻ അനൂപ് സംവിധായകനായി അരങ്ങേറ്റം കുറിക്കുന്ന ചിത്രത്തിന് കൊച്ചിയിൽ തുടക്കമായി.
പൂജാ ചടങ്ങിൽ സിനിമാ രംഗത്തുനിന്നുളള നിരവധി പേർ പങ്കെടുത്തു. ദീലിപിന് ഒപ്പം മകൾ മീനാക്ഷിയും ചടങ്ങനെത്തിയിരുന്നു.
ഗ്രാൻഡ് പ്രൊഡക്ഷൻസിന്റെ ബാനറിൽ ദിലീപ് തന്നെയാണ് സിനിമ നിർമ്മിക്കുന്നതെന്നാണ് റിപ്പോർട്ട്. സന്തോഷ് ഏച്ചിക്കാനമാണ് സിനിമയുടെ തിരക്കഥ എഴുതിയിരിക്കുന്നത്.
പുതുമുഖ താരങ്ങളാണ് സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നതെന്നാണ് റിപ്പോർട്ടുകൾ സൂചിപ്പിക്കുന്നത്. മുമ്പ് സിനിമയിലേക്ക് പുതുമുഖ താരങ്ങളെ തേടികൊണ്ടുളള കാസ്റ്റിംഗ് കോൾ അണിയറ പ്രവർത്തകർ പുറത്തുവിട്ടിരുന്നു.
മലർവാടി ആർട്‌സ് ക്ലബിന് ശേഷമാണ് ഗ്രാൻഡ് പ്രൊഡക്ഷൻസ് പുതിയ നടീനടന്മാരെ തേടികൊണ്ടുളള കാസ്റ്റിംഗ് കോളുമായി എത്തിയിരുന്നത്. നിവിൻ പോളി, അജു വർഗീസ്, ഭഗത് മാനുവൽ തുടങ്ങി നിരവധി പുതിയ താരങ്ങൾ മലർവാടി ആർട്‌സ് ക്ലബിലൂടെ മലയാളത്തിലേക്ക് കടന്നുവന്നിരുന്നു.
