മെഗാസ്റ്റാർ മമ്മൂട്ടി നായകനായ മധുരരാജയിലൂടെയാണ് മഹിമ നമ്പ്യാർ മലയാളികളുടെ മനസ്സിൽ ഇടം പിടിച്ചത്. ദിലീപ് ചിത്രം കാര്യസ്ഥനിലൂടെ പതിനഞ്ചാമത്തെ വയസ്സിൽ മലയാള സിനിമയിൽ അരങ്ങേറ്റം കുറിച്ചെങ്കിലും മധുരരാജയാണ് മഹിമയ്ക്ക് ബ്രേക്ക് നൽകിയത്.
മമ്മൂട്ടിയുടെ മാസ്റ്റർ പീസിലും, മധുരരാജയിലും മഹിമ അഭിനയിച്ചിട്ടുണ്ട്. ഇപ്പോൾ താനൊരു കടുത്ത മമ്മൂക്ക ഫാൻ ഗേൾ ആണെന്ന് തുറന്നുപറയുകയാണ് നടി മഹിമ നമ്പ്യാർ. മാതൃഭൂമി സ്റ്റാർ & സ്റ്റൈലിന് നൽകിയ അഭിമുഖത്തിലാണ് മഹിമ ഇക്കാര്യം വ്യക്തമാക്കിയത്.
ഞാനൊരു മമ്മൂക്ക ഫാൻ ആണ്. മാസ്റ്റർപീസിൽ കോമ്പിനേഷൻ സീനുകൾ ഒന്നും ഉണ്ടായിരുന്നില്ല. അദ്ദേഹത്തിന്റെ സിനിമയെന്ന എക്സൈറ്റ്മെന്റിലാണ് സിനിമയിൽ എത്തിയതെങ്കിലും കൂടെ അഭിനയിക്കാൻ ആയില്ല.
ചിത്രത്തിലെ ഡബ്ബിംഗ് സമയത്താണ് ആദ്യമായി മമ്മൂക്കയെ കാണുന്നത്. അന്ന് അദ്ദേഹത്തിന് ഷേക്ക് ഹാൻഡ് കൊടുത്ത ഷോക്കിൽ ഞാൻ ഞെട്ടിയിരുന്നു പോയി. ശരിക്കും ഫാൻ ഗേൾ മൊമെന്റ്. പിന്നീട് മധുരയിലാണ് ഒരുമിച്ച് അഭിനയിക്കാൻ കഴിഞ്ഞത്.
എന്റെ ആദ്യത്തെ സീനിൽ തന്നെ അദ്ദേഹത്തെ കളിയാക്കിചിരിച്ചു കടന്നുപോകുന്നതായിട്ടാണ്. പേടിച്ചാണ് അത് ചെയ്തത്. അദ്ദേഹം ഒരുപാട് കാര്യങ്ങൾ തിരുത്തിത്തന്നു സെറ്റിൽ തമാശയൊക്കെ പറഞ്ഞ് അദ്ദേഹം എപ്പോഴും കൂളാണെന്നും മഹിമ പറയുന്നു.
