കൊല്ലം: നൂറു പവന്റെ ആഭരണവും ആഡംബര കാറുമായി ഓണ്‍ലൈന്‍ ചാറ്റിങ്ങിലൂടെ പരിചയപ്പെട്ട യുവാവുമായി പ്രവാസിയുടെ ഭാര്യ മുങ്ങി. ഭര്‍ത്താവ് ഗര്‍ഫില്‍നിന്നും മടങ്ങിയെത്തിയ വ്യാഴാഴ്ച രാത്രിയിലാണ് ഭാര്യ കടുംകൈ ചെയ്തത്. കരുനാഗപ്പള്ളി സ്വദേശികളായ ദമ്പതികള്‍ വിവാഹം കഴിച്ചിട്ട് ഒരു വര്‍ഷമേ ആയുള്ളു. എന്‍ജിനിയറിംഗ് ബിരുദധാരിയാണ് യുവതി.
വിവാഹശേഷം വിദേശത്തുപോയ ഭര്‍ത്താവിന് തന്റെ ഭാര്യ ഇടക്കാലത്ത് മറ്റൊരു ബന്ധം ആരംഭിച്ചതായി സൂചന ലഭിച്ചു. ഇതോടെ ഭാര്യയെ അറിയിക്കാതെ അടിയന്തരമായി വീട്ടിലെത്തുകയായിരുന്നു. ഭര്‍ത്താവിന്റെ വരവില്‍ സംശയം തോന്നിയ യുവതി തിരുവനന്തപുരം സ്വദേശിയായ വിഷ്ണു എന്ന കാമുകനുമായി ബന്ധപ്പെട്ട് ആഭരണങ്ങളും കാറുമായി കടക്കുകയായിരുന്നു.
ഭാര്യയെ കാണാനില്ലെന്ന് കാണിച്ച് പ്രവാസി കരുനാഗപ്പള്ളി പൊലീസില്‍ പരാതി നല്‍കി. കഴിഞ്ഞദിവസം കരുനാഗപ്പള്ളി കോടതിയില്‍ കമിതാക്കള്‍ ഹാജരായി. കാമുകി കാമുകനൊപ്പം പോയി, കാറും സ്വര്‍ണ്ണവും ഇപ്പോഴും യുവതിയുടെ പക്കലാണ്. ഭര്‍ത്താവ് വെറും കയ്യോടെ മടങ്ങുകയായിരുന്നു
