മലയാളം ടെലിവിഷൻ ആരാധകരായ കുടുംബപ്രേക്ഷരുടെ പ്രിയപ്പെട്ട പരമ്പരയാണ് സാന്ത്വനം എന്ന സീരിയൽ. റേറ്റിങ്ങിലും മുൻപന്തിയിലുള്ള ഈ സീരിയൽ ഒരു കുടംബകഥയാണ് പറയുന്നത്. നടി ചിപ്പി രഞ്ജിത്തും ഭർത്താവ് രഞ്ജിത്തും ചേർന്ന് നിർമ്മിച്ചിരിക്കുന്ന ഈ പരമ്പരയിലെ പ്രധാന കഥാപാത്രത്തെ അവതരിപ്പിക്കുന്നതും ചിപ്പിയാണ്.
പരമ്പരയിൽ കണ്ണൻ എന്ന കഥാപാത്രത്തെ അവതരിപ്പിക്കുന്നത് നടൻ അച്ചു സുഗന്ധ് എന്ന നടനാണ്. സാന്ത്വനം വീട്ടിൽ ഒട്ടേറെ കുസൃതികളും ചിരിയും കളിയുമൊക്കെയായി കടന്നുപോകുന്ന ഇളയ കുടുംബാംഗമാണ് കണ്ണൻ. പൊതുവെ പ്രേക്ഷകർക്കെല്ലാം ഏറെ ഇഷ്ടപ്പെട്ട ഒരു കഥാപാത്രം കൂടിയാണ് അച്ചു അവതരിപ്പിക്കുന്ന ഈ കഥാപാത്രം.
ഏഷ്യാനെറ്റിൽ സംപ്രേഷണം ചെയ്തിരുന്ന വാനമ്പാടി എന്ന സൂപ്പർഹിറ്റ് സീരിയലിൽ ഒരു ചെറിയ കഥാപാത്രത്തിന് ജീവൻ നൽകിയും ഒപ്പം ആ സീരിയലിന്റെ സഹ സംവിധായകരിൽ ഒരാളായി പ്രവർത്തിച്ച് കൊണ്ടുമാണ് അച്ചുവിന്റെ ഈ രംഗത്തേക്കുള്ള തുടക്കം. ഇപ്പോഴിതാ നടി അനു ജോസഫിന്റെ യൂ ടൂബ് ചാനലിൽ അതിഥിയായി എത്തിയ അച്ചു പങ്കുവെച്ച ചില വിശേഷങ്ങളാണ് ആരാധകർ ഏറ്റെടുത്തിരിക്കുന്നത്.
സ്വന്തം പേര് തനിക്കിഷ്ടമല്ല എന്നാണ് അച്ചു പറയുന്നത്. പൊതുവെ പെൺകുട്ടികളുടെ പേരാണ് അച്ചു എന്ന തോന്നൽ മനസ്സിൽ പണ്ടേ ഉണ്ടായിരുന്നു. യഥാർത്ഥജീവിതത്തിൽ ഒരു അനിയത്തിയാണ് ഉള്ളത് നഴ്സാണ്. കുട്ടിക്കാലം മുതലേ ചേട്ടന്മാർ ഉണ്ടായിരുന്നെങ്കിൽ എന്ന് ആഗ്രഹിച്ചിരുന്നു. എവിടെപ്പോയാലും ചേട്ടന്മാരെ കിട്ടും.
സാന്ത്വനത്തിൽ എത്തിയപ്പോൾ കഥയിലും അങ്ങനെ തന്നെ മൂന്ന് ചേട്ടന്മാർ. റിയൽ ലൈഫിൽ അവർ ചേട്ടന്മാർ തന്നെ. സിനിമയിൽ അഭിനയിക്കണമെന്ന് മുന്നേ കുറെ ആഗ്രഹിച്ചിരുന്നു. അവിടെ നിന്നാണ് അസിസ്റ്റന്റ് ഡയറക്ടറുടെ വേഷം എടുത്തണിയുന്നത്. അച്ഛൻ തനിക്ക് വേണ്ടി കുറെ പേരുടെ അടുത്ത് അവസരങ്ങൾ ചോദിച്ചിരുന്നു.
ഇപ്പോൾ സാന്ത്വനത്തിൽ കണ്ണനാകുമ്പോൾ തനിക്കൊപ്പം ഏറെ സന്തോഷിക്കുന്നത് അച്ഛൻ തന്നെയാണ്. സോഷ്യൽ മീഡിയയിൽ താൻ ഏറെ ആക്ടീവാണെന്ന് അച്ചു പറയുന്നു. ആരാധികമാരാണെന്ന് പറഞ്ഞ് ഇൻസ്റ്റാഗ്രാമിൽ കുറെ മെസ്സേജുകൾ വരാറുണ്ട്. എല്ലാവർക്കും താൻ സഹോദരനാണ്.
Also Read
കല്ല്യാണം കഴിഞ്ഞ ആളാണല്ലോ എന്ന് പറഞ്ഞ് എന്നെ ഒഴിവാക്കിയ സിനിമകളുണ്ട്: നടി ശിവദ പറയുന്നു
സാന്ത്വനം ലൊക്കേഷനിൽ ചിപ്പിച്ചേച്ചി ശരിക്കും വിസ്മയിപ്പിക്കാറുണ്ട്. സീരിയൽ തുടങ്ങുന്ന സമയത്ത് ചേച്ചിയോട് പറഞ്ഞിരുന്നു, എനിക്ക് നല്ല പേടിയുണ്ടെന്ന്. അന്ന് ചേച്ചി പറഞ്ഞത് ചേച്ചിക്കും പേടിയുണ്ടെന്നാണ്. ഒരു നിർമ്മാതാവ് കൂടിയായിരുന്നിട്ടും എത്രയോ ഹബിൾ ആണ് ചിപ്പിച്ചേച്ചിയെന്നും അച്ചു സുഗന്ധ് പറയുന്നത്.
