മലയാളി മിനിസ്‌ക്രീൻ പ്രേക്ഷകരുടെ ഇഷ്ട പരിപാടിയായ ബിഗ്‌ബോസ് സംഭവ ബഹുലമായി തന്നെ മുന്നേറുകയാണ്. ബിഗ് ബോസിലെ ഫൈനലിസ്റ്റുകളെ കുറിച്ചുള്ള മുൻവിധികളൊക്കെ മാറി മറിയുകയാണ് പലപ്പോഴും. അപ്രതീക്ഷിതമായിട്ടുണ്ടാവുന്ന ട്വിസ്റ്റുകളിലൂടെ പ്രേക്ഷകരുടെ നിഗമനങ്ങൾ പോലും തെറ്റി. കഴിഞ്ഞ ആഴ്ച പുറത്തായ നവീനും ഡെയ്സിയും ഫൈനൽ സാധ്യതയുള്ളവർ ആയിരുന്നു.
ഈ ആഴ്ചയിലും ശക്തരായ താരങ്ങളാണ് നോമിനേഷനിൽ എത്തിയിട്ടുള്ളത്. അവരിൽ ഒരാൾ പുറത്ത് പോവുമെന്നും പകരം വൈൽഡ് കാർഡ് എൻട്രി ഉണ്ടാവുമെന്നുമാണ് വിവരം. ആരൊക്കെ വന്നാലും പോയാലും ലക്ഷ്മിപ്രിയയെ ഇനി വെല്ലാൻ സാധിക്കില്ലെന്നാണ് ആരാധകരുടെ അഭിപ്രായം. കഴിഞ്ഞ കാലങ്ങളിൽ ലക്ഷ്മിയുടെ ഭാഗത്ത് നിന്നും ഉണ്ടായ വളർച്ചയെ കുറിച്ചും ഫൈനൽ വരെ എത്താൻ സാധിക്കുമെന്നും ചിലർ ഉറപ്പിച്ച് പറയുന്നു. അതിനുള്ള ചില കാരണങ്ങളും സോഷ്യൽ മീഡിയയിലൂടെ പങ്കുവെച്ച കുറിപ്പിലൂടെ ഒരു ആരാധകൻ പങ്കുവെച്ചു.
ALSO READ
‘വെറുപ്പിച്ച് വെറുപ്പിച്ച് അവസാനം ആ വെറുപ്പിക്കൽ വരെ പ്രേക്ഷകർ ഏറ്റെടുത്തിരിക്കുന്നു. വലിയ ഗെയിമറോ കണ്ടന്റ് മേക്കറോ ഫിറ്റ്നസ് ഉള്ള ആളോ അല്ല ലക്ഷ്മിപ്രിയ. പക്ഷേ ബിഗ് ബോസ് ഹൗസിൽ തന്റെ കഴിവിന്റെ പരമാവധി കൊടുക്കുന്ന ഒരാളായി ലക്ഷ്മിപ്രിയ മാറിയിരിക്കുന്നു’. ഡോക്ടർ റോബിന് ശേഷം സീസൺ 4 ൽ ഏറ്റവും കൂടുതൽ സ്‌ക്രീനിൽ കണ്ട മുഖം. സീരിയസ് ആയാൽ പോലും കോമഡി രീതിയിൽ പ്രേക്ഷകരെ സന്തോഷിപ്പിക്കുന്ന മുതൽ, നിമിഷ പിണങ്ങിയോ? അഖിലെ നിർത്തെടാ നിർത്തൂ, എന്ന് പറയുന്നതും പരിപ്പ് കഴിച്ച് കഴിച്ച് മടുത്തു എന്ന് പറയുന്നതും തുടങ്ങി കുന്തിരിക്കം കിട്ടാതെ പുകക്കുന്നതും റൂമിൽ ഒറ്റക്ക് ഭജന ഇരിക്കുന്നതും എല്ലാം ഒത്തിരി ഒത്തിരി ഹാസ്യം ഉളവാക്കുന്നതാണ്.
അന്യം നിന്നുപോകുന്ന കുറെ മലയാള ശൈലികൾ ബിഗ് ബോസ് ഹൗസിൽ ലച്ചുമ്മ കാണിച്ചു തന്നു. അൽപം ഓവറായി തോന്നുമെങ്കിലും മലയാളിയായ ശരാശരി വീട്ടമ്മമാരുടെ പ്രതീകമായി കൊണ്ട്, അമ്മയെ പോലെ മൂത്ത ചേച്ചിയെ പോലെ സഹോദരിയെ പോലെ അൽപം വാശിയും കുശുമ്പും ദേഷ്യവും കരച്ചിലും വിഷമവും എല്ലാം ഉൾക്കൊണ്ട് ലച്ചുമ്മ മുന്നേറുന്നു.
റോബിനും ബ്ലെസ്ലിക്കും ശേഷം ആര് എന്ന ചോദ്യത്തിന് ഒറ്റ ഉത്തരം. ലക്ഷ്മി ചേച്ചി, കാരണം ഫേക്ക് പ്രണയം ഉണ്ടാക്കി കണ്ടന്റ് ഉണ്ടാക്കുന്നവരേക്കാളും വായ തുറന്നാൽ ആവശ്യത്തിനും അനാവശ്യത്തിനും അസഭ്യം പറയുന്നവരേക്കാളും എന്തുകൊണ്ടും ഫിനാലെ വരെ എത്താൻ ഏറ്റവും യോഗ്യത ചേച്ചിക്ക് തന്നെ.
വലിയ മാസ് ഡയലോഗ് അടിച്ചില്ലേലും പറയേണ്ടത് മുഖത്ത് നോക്കി അന്തസായി പറയുന്നുണ്ട്. ഒറ്റപ്പെടൽ സ്ട്രാറ്റജി ഇല്ലാതെ തന്നെ താൻ അറിയാതെ ഒറ്റപ്പെട്ടു പോയ ഏക കണ്ടസ്റ്റന്റ്.
ALSO READ
സീരിയൽ ഗ്രൂപ്പ് ആണ് ലക്ഷ്മിപ്രിയ എന്ന് പറയുന്നവർ ഒന്നോർക്കണം, വാക്പോര് ടാസ്‌കിൽ ഗ്രൂപ്പ് ചേർന്ന് ലക്ഷ്മിപ്രിയയെ ആദ്യം പുറത്താക്കിയില്ലായിരുന്നേൽ ടാസ്‌ക് തീ പാറിയേനെ, ആരൊക്കെ നെഗറ്റീവ് അടിച്ചാലും എന്ത് പറഞ്ഞാലും ഒരു കാര്യം ഉറപ്പാണ്. റോബിനും ബ്ലെസ്ലിക്കുമൊപ്പം ഫിനാലെയിൽ ചേച്ചി ഉണ്ടായിരിക്കും.. എന്നുമാണ് ലക്ഷ്മിയെ കുറിച്ച് ആരാധകർ പറയുന്നത്.
