എന്റെ ദയയെ ദൗർബല്യമായി കാണരുത്, ദയയ്ക്കും കാലാവധിയുണ്ട് ; ശ്രദ്ധ നേടി സാമന്തയുടെ വാക്കുകൾ

തെന്നിന്ത്യൻ സിനിമയിലെ സൂപ്പർ നായികയാണ് സമാന്ത. തമിഴിലേയും തെലുങ്കിലേയും നിറ സാന്നിധ്യമായ സമാന്ത ഇപ്പോൾ ഹിന്ദിയിലും സാന്നിധ്യം അറിയിക്കാനുള്ള ഒരുക്കത്തിലാണ്. ദ ഫാമിലി മാൻ വെബ് സീരീസിന്റെ രണ്ടാം സീസണിലൂടെയാണ് സമാന്തയ്ക്ക് ബോളിവുഡിലും ആരാധകരുണ്ടാകുന്നത്. ഇപ്പോഴിതാ താരം ബോളിവുഡിലേക്ക് ചേക്കേറാനുള്ള തയ്യാറെടുപ്പിലാണ്.

സോഷ്യൽ മീഡിയയിലും വളരെ സജീവമാണ് സമാന്ത. താരത്തിന്റെ പോസ്റ്റുകളും സ്റ്റോറികളുമെല്ലാം സോഷ്യൽ മീഡിയയിൽ വൈറലായി മാറാറുണ്ട്. ഇപ്പോഴിതാ സമാന്തയുടെ ഒരു ട്വീറ്റ് സോഷ്യൽ മീഡിയയുടെ ശ്രദ്ധ നേടുകയാണ്. കഴിഞ്ഞ ദിവസം സമാന്ത പങ്കുവച്ച ട്വീറ്റാണ് ശ്രദ്ധ നേടുന്നത്. ക്ഷമയെക്കുറിച്ചും നിശബ്ദതയെക്കുറിച്ചുമൊക്കെയാണ് സമാന്ത പറയുന്നത്, കൂടുതലാറിയാം…

ALSO READ

എനിക്ക് മഞ്ജുവിനെ ഓർത്തായിരുന്നു ഭയം, കാറിൽ പോകുമ്പോൾ പ്രത്യേകം സൂക്ഷണിക്കണമെന്ന് പറഞ്ഞിരുന്നു ; പക്ഷേ അതി ജീവിതയ്ക്കാണ് അങ്ങനെയൊരു ദുര്യോഗം വന്നത് : ഭാഗ്യലക്ഷ്മി

”എന്റെ മൗനത്തെ അജ്ഞതയായി കരുതരുത്. എന്റെ ശാന്തതയെ അംഗീകാരമായി കാണരുത്. എന്റെ ദയയെ ദൗർബല്യമായി കാണരുത്” എന്നായിരുന്നു താരം കുറിച്ചത്. ദയയ്ക്കും കാലാവധിയുണ്ടെന്നും സമാന്ത പറയുന്നുണ്ട്. താരം എന്തിനെക്കുറിച്ചാണ് പറയുന്നതെന്നോ എന്താണ് താരത്തെ പ്രതികരിക്കാൻ പ്രേരിപ്പിച്ചതെന്നോ ട്വീറ്റിൽ നിന്നും വ്യക്തമാകുന്നില്ല.

അതേസമയം നിരന്തരം സോഷ്യൽ മീഡിയയുടെ അധിക്ഷേപങ്ങൾക്കും വിമർശനങ്ങൾക്കും ഇരയാകുന്ന സമാന്തയുടെ പ്രതികരണമായിരിക്കാം ഇതെന്നാണ് സോഷ്യൽ മീഡിയയുടെ വിലയിരുത്തൽ.

ഫാമിലി മാന്റെ വിജയത്തിന് ശേഷം സമാന്തയെ കണ്ടത് പുഷ്പയിലെ സൂപ്പർ ഹിറ്റ് പാട്ടിലായിരുന്നു. ചിത്രത്തിലെ സമാന്തയുടെ ഡാൻസ് നമ്പർ ട്രെന്റായി മാറിയിരുന്നു. കാത്തു വാക്കുള രണ്ട് കാതൽ ആണ് സമാന്തയുടെ പുതിയ സിനിമ. നയൻതാരയും വിജയ് സേതുപതിയുമാണ് ചിത്രത്തിലെ മറ്റ് പ്രധാന താരങ്ങൾ. ചിത്രത്തിന്റെ ട്രെയിലർ കഴിഞ്ഞ ദിവസം പുറത്ത് വന്നിരുന്നു. ഏപ്രിൽ 28 നാണ് സിനിമയുടെ റിലീസ്. കോമഡി ബേസ് സിനിമയുടെ സംവിധാനം വിഘ്നേഷ് ആണ്. ചിത്രത്തിലെ പാട്ടുകളും പുറത്ത് വന്നിരുന്നു. പ്രതീക്ഷയോടെയാണ് ആരാധകർ സിനിമയ്ക്കായി കാത്തിരിക്കുന്നത്.

ALSO READ

പാടാത്ത പൈങ്കിളി താരം മനീഷയുടെ പുതിയ വീഡിയോ കണ്ട് കണ്ണുതള്ളി ആരാധകർ, വീഡിയോ വൈറൽ

തെലുങ്കിൽ സമാന്തയുടേതായി പുറത്തിറങ്ങാനുളളത് ശാകുന്തളം ആണ്. പിന്നാലെ വിജയ് ദേവരക്കൊണ്ട നായകനായി എത്തുന്ന പേരിടാത്ത സിനിമയും അണിയറയിലുണ്ട്. ബോളിവുഡിലും സമാന്ത സജീവമായി മാറുകയാണ്. വരുൺ ധവാൻ നായകനായി എത്തുന്ന സിനിമയിലൂടെയാണ് സമാന്ത എത്തുന്നത്. പിന്നാലെ താപ്സി പന്നു നിർമ്മിക്കുന്ന സിനിമയിലും സമാന്ത അഭിനയിക്കുന്നുണ്ട്. സ്ത്രീകേന്ദ്രീകൃത സിനിമയായിരിക്കും ഇതെന്നാണ് സമാന്തയും താപ്‌സിയും ഒരു അഭിമുഖത്തിൽ പറഞ്ഞത്. ഹിന്ദി സിനിമയിലേക്കുള്ള സമാന്തയുടെ അരങ്ങേറ്റത്തിനായി ആരാധകരെല്ലാം കാത്തിരിപ്പിലാണ്.