തുടരന്വേഷണത്തിന് കോടതി നൽകിയ സമയം അവസാനിച്ചു! കാവ്യയെ ഇതുവരെയും ചോദ്യം ചെയ്യാൻ കഴിഞ്ഞില്ല ; ദിലീപിന്റെ അനിയൻ അനൂപിനും സഹോദരി ഭർത്താവ് സുരാജിനും വീണ്ടും നോട്ടീസ് നൽകി ക്രൈം ബ്രാഞ്ച്

നടിയെ ആക്രമിച്ച കേസിൽ നടി കാവ്യ മാധവനെ ചോദ്യം ചെയ്യാൻ വീണ്ടും കാലതാമസം നേരിടുമെന്നാണ് റിപ്പോർട്ടുകൾ. അതോടൊപ്പം നടൻ ദിലീപിന്റെ അനിയൻ അനൂപിനും സഹോദരി ഭർത്താവ് സുരാജിനും വീണ്ടും നോട്ടീസ് കൊടുത്തിട്ടുണ്ട്. ചൊവ്വാഴ്ച ഹാജരാകാൻ ആവശ്യപ്പെട്ടാണ് നോട്ടീസ് നൽകിയത്. രാവിലെ 11മണിക്ക് ആലുവ പോലീസ് ക്ലബ്ബിൽ ഹാജരാകണമെന്നാണ് നിർദ്ദേശം.

ALSO READ

ഉള്ളിലൊന്ന് വെച്ച് പുറത്ത് വേറെയായി പെരുമാറാൻ അദ്ദേഹത്തിന് അറിയില്ല ; ബിഗ് ബോസ് വീട്ടിൽ ഏറെ അടുപ്പമുള്ളയാളെ കുറിച്ചും സഹമത്സരാർത്ഥികളുടെ ഗെയിം പ്ലാനുകളെക്കുറിച്ചും പുറത്തായതിന് ശേഷം തുറന്ന് പറഞ്ഞ് ശാലിനി

നേരത്തെ നിരവധി തവണ ഇവരെ ഫോണിൽ വിളിച്ചിട്ടും സംസാരിക്കാൻ സാധിച്ചിരുന്നില്ല. തുടർന്ന് നോട്ടീസ് കൊണ്ടുപോയി വീട്ടിൽ പതിക്കുകയും ചെയ്തിരുന്നു. എന്നിട്ടും ഇവർ ഹാജരായിരുന്നില്ല എന്നാൽ ക്രൈംബ്രാഞ്ച് തുടർ നടപടികളിലേക്ക് കടക്കാനിരിക്കെ എപ്പോൾ വേണമെങ്കിലും ഹാജരാകാമെന്ന് കാണിച്ച് ഇപ്പോൾ മറുപടി കത്ത് നൽകുകയായിരുന്നു. ദിലീപിന്റെ ഭാര്യയും നടിയുമായ കാവ്യയെ ചോദ്യം ചെയ്യുന്നത് വൈകുമെന്നാണ് നിലവിലെ വിവരം.

അതേസമയം കേസിൽ സൈബർ വിദഗ്ദൻ സായ് ശങ്കറിന്റെ മൊഴിയും നാളെ രേഖപ്പെടുത്തും. തിങ്കളാഴ്ച ഉച്ചയ്ക്ക് രണ്ടു മണിയ്ക്ക് ആലുവ പൊലീസ് ക്ലബിൽ ഹാജരാകാൻ ആവശ്യപ്പെട്ടു സായ് ശങ്കറിന് ക്രൈം ബ്രാഞ്ച് നോട്ടീസ് നൽകി. ദിലീപിന്റെ ഫോണിൽ നിന്ന് നടിയെ ആക്രമിച്ച കേസുമായി ബന്ധപ്പെട്ട വിവരങ്ങൾ നശിപ്പിച്ചത് സായ് ശങ്കർ ആണെന്ന് ക്രൈംബ്രാഞ്ച് കണ്ടെത്തിയിരുന്നു. വധഗൂഡാലോചന കേസിലെ ഏഴാം പ്രതിയാണ് സായ് ശങ്കർ.

ALSO READ

അഞ്ചാം മാസത്തിലെ ചടങ്ങിനായി യുവയുടെ കുടുംബം പലഹാരവുമായി മൃദുലയുടെ വീട്ടിൽ ; ചടങ്ങൊക്കെ പേരിന് വേണ്ടി മാത്രമാണ് , ഏഴാം മാസത്തിലെ ചടങ്ങ് ഗംഭീരമാക്കാമെന്ന് മൃദ്‌വ

നടിയെ ആക്രമിച്ച കേസിലെ അന്വേഷണ പുരോഗതി ക്രൈം ബ്രാഞ്ച് നാളെ വിചാരണ കോടതിയെ അറിയിക്കാനിരിക്കുകയാണ്. തുടരന്വേഷണത്തിന് കോടതി നൽകിയ സമയ പരിധി അവസാനിച്ചുവെങ്കിലും ക്രൈം ബ്രാഞ്ച് അന്വേഷണം അവസാനിപ്പിച്ചിട്ടില്ല. തുടരന്വേഷണത്തിന് മൂന്ന്മാസം കൂടി നൽകണമെന്ന് ആവശ്യപ്പെട്ടുള്ള ഹർജി ഹൈക്കോടതിയുടെ പരിഗണനയിൽ ഇരിക്കുകയാണിപ്പോൾ.