ശ്യാം സിംഗ റോയ് എന്ന ചിത്രത്തിനു വേണ്ടി ഗംഭീര മേക്കോവർ ആണ് നടി സായ് പല്ലവി നടത്തിയിരുന്നത്. ചിത്രത്തിൽ മൈത്രി എന്ന ദേവദാസിയായാണ് താരം എത്തിയത്. കഥാപാത്രത്തിന്റെ വാർദ്ധക്യ കാലം അവതരിപ്പിക്കാനായി മണിക്കൂറുകളോളം മേക്കപ്പ് ചെയ്യുന്ന സായ്യുടെ വീഡിയോ വൈറൽ ആയിരുന്നു.
ഡബിൾ റോളിലാണ് സായ് പല്ലവി ശ്യാം സിംഗ റോയിൽ വേഷമിട്ടത്. നാനി നായകനായ ചിത്രത്തിൽ കൃതി ഷെട്ടി, മെഡോണ സെബാസ്റ്റിയൻ എന്നിവരാണ് മറ്റ് രണ്ട് നായികമാർ. സത്യദേവ് ജംഗയുടെ യഥാർത്ഥ ജീവിത കഥയാണ് ശ്യാം സിംഗ റോയ്. രാഹുൽ സംകൃതൻ ആണ് ചിത്രം സംവിധാനം ചെയ്തിരിയ്ക്കുന്നത്.
ALSO READ
എന്നാൽ ദേവദാസി വേഷത്തിൽ എത്തിയ സായ് പല്ലവി സുന്ദരിയല്ലെന്ന തമിഴ് പോസ്റ്റ് വൈറലായിരുന്നു. ഇതിനെതിരെ വലിയ വിമർശനമുയരുകയും ചെയ്തിരുന്നു. തെലങ്കാന ഗവർണറും ബിജെപി നേതാവുമായ തമിഴിസൈ സൗന്ദരാജനും സായ് പല്ലവിക്കെതിരെ വന്ന പോസ്റ്റിൽ പ്രതിഷേധം ഉയർത്തിയിരിക്കുകയാണ്.
ബോഡി ഷെയ്മിംഗിന് എതിരെയാണ് തമിഴിസൈ സംസാരിച്ചത്. ”ഇത്തരത്തിലുള്ള ആക്രമണങ്ങൾ നേരിട്ടവർക്കേ അതിന്റെ വേദന എന്താണെന്ന് മനസിലാവുകയുള്ളൂ. ഈ കമന്റുകൾ ബാധിക്കാതിരിക്കാൻ ഞങ്ങൾ മഹാത്മാക്കളൊന്നുമല്ല. ഞാൻ അതെല്ലാം അവഗണിച്ചു.”
ALSO READ
”പക്ഷേ അത് വേദനിപ്പിച്ചോ എന്ന് ചോദിച്ചാൽ തീർച്ചയായും വേദനിപ്പിച്ചിട്ടുണ്ട്. പൊക്കം കുറഞ്ഞ് ഇരുനിറത്തിൽ ഇതു പോലെയുള്ള മുടിയുമായി ജനിച്ചത് എന്റെ തെറ്റല്ല. മാത്രമല്ല അതിലെല്ലാം സൗന്ദ്യര്യവുമുണ്ട്. അതുകൊണ്ടാണ് ‘കാക്കയ്ക്കും തൻ കുഞ്ഞ് പൊൻ കുഞ്ഞ്’ എന്ന ചൊല്ല് തന്നെയുള്ളത്.”
”അത് കറുപ്പായിട്ടിരിക്കുന്നതു കൊണ്ട് കാക്ക അതിന്റെ കുഞ്ഞിനെ ഉപേക്ഷിക്കുന്നില്ല. സ്ത്രീകളാണ് നിരന്തരമായി ബോഡി ഷെയിമിംഗ് ചെയ്യപ്പെടുന്നത്. 50 വയസായ പുരുഷന്മാരെ ഇപ്പോഴും യുവാക്കളായി പരിഗണിക്കുന്ന സമൂഹമാണ് സ്ത്രീകൾക്കെതിരെ വിവേചനത്തോടെ പെരുമാറുന്നത്” എന്നാണ് തമിഴിസൈ ഒരു തമിഴ് ചാനലിനോട് പ്രതികരിച്ചത്.
In a live TV interview today, highlighted on Body-Shaming & its impact on women.
No woman should be discriminated on basis of their appearances/looks, color complexion & other physical characteristics.@PMOIndia @HMOIndia @MoHFW_INDIA @PTTVOnlineNews @pibchennai @ANI pic.twitter.com/rsPMLKKc7Z
— Dr Tamilisai Soundararajan (@DrTamilisaiGuv) January 27, 2022
