സോഷ്യൽ മീഡിയ മുഴുവൻ തരംഗമായിത്തീർന്ന ‘അജഗജാന്തര’ത്തിലെ ഒളുളേരു ഒളുളേരു’ റീക്രിയേറ്റ് ചെയ്ത് ശ്രദ്ധേയ സിനിമാതാരം റോഷ്‌നാ ആൻ റോയ്

സോഷ്യൽ മീഡിയ മുഴുവൻ തരംഗമായിത്തീർന്ന ‘അജഗജാന്തര’ത്തിലെ സൈട്രാൻസ് ഗാനം ‘ഒളുളേരു ഒളുളേരു’ റീക്രിയേറ്റ് ചെയ്ത് ശ്രദ്ധേയ സിനിമാതാരം റോഷ്‌നാ ആൻ റോയ്. ആന്റണി വർഗീസ് – ടിനു പാപ്പച്ചൻ കൂട്ടുകെട്ടിൽ ഒരുങ്ങുന്ന സിനിമയാണ് അജഗജാന്തരം.

ഗാനത്തിൻറെ കിടിലൻ ബീറ്റുകൾക്ക് ചേർന്ന സ്റ്റെപ്പും നിറങ്ങളും കോസ്റ്റ്യുംസുമായി റീക്രിയേഷൻ വീഡിയോ ഇതിനകം ശ്രദ്ധിയ്ക്കപ്പെട്ടിരുന്നു. ഇൻസ്റ്റഗ്രാമിൽ പങ്കുവെച്ചിരിക്കുന്ന ഡാൻസ് വീഡിയോ ഇതിനകം ശ്രദ്ധ നേടിക്കഴിഞ്ഞിട്ടുണ്ട്.

ALSO READ

ബോളിവുഡ് സൂപ്പർ താരം ജോൺ എബ്രഹാം ചിത്രത്തിൽ നായികയാകാനുള്ള തയ്യാറെടുപ്പിൽ അനശ്വര

വിസ്മയിപ്പിക്കുന്ന ഈ ഡാൻസ് വീഡിയോയുടെ നൃത്തം ചിട്ടപ്പെടുത്തിയിരിക്കുന്നത് ഡി ഫോർ ഡാൻസ് ഫെയിം ഷുഹൈദ് കുക്കു ആണ്. നൃത്തം ചെയ്തിരിക്കുന്നത് റോഷ്നാ ആൻ റോയ്, ദീപ പോൾ സി, സ്മിത പയസ്, ജിഷ ജോർജ്, സുചിത്ര, സാന്ദ്ര മോഹൻ. വീഡിയോയുടെ ഛായാഗ്രഹണം അമീൻ സാബിൽ. എഡിറ്റിംഗ് അർജുൻ ഉണ്ണികൃഷ്ണൻ. കേശാലങ്കാരം രേഷ്മ. സ്റ്റുഡിയോ – മാക്‌സോക്രിയേറ്റീവ് സ്റ്റുഡിയോ.

ഇൻസ്റ്റാഗ്രാമിൽ വരുന്ന ഗാനത്തിൻറെ റീൽസ് ചാലഞ്ചിന് തുടക്കം കുറിക്കുന്ന വീഡിയോ കൂടിയാണ് ഇത്. 6 ദിവസം കൊണ്ട് 1.5 മില്യൺ കാഴ്ചക്കാരുമായി മുന്നേറുന്ന ഗാനത്തിന് ഏറെ സ്വീകാര്യതയാണുള്ളത്. ഗാനത്തിൻറെ റീൽസും ഷോർട്‌സും സൗത്ത് ഇൻഡ്യയൊട്ടാകെ വൈറലായിരിക്കുകയാണ്. #OLLULLERUCHALLENGE എന്ന ഹാഷ് ടാഗിലാണ് വീഡിയോ പങ്കുവയ്‌ക്കേണ്ടത്.

ആവിഷ്‌കാരത്തിലെ വ്യത്യസ്തതയോടൊപ്പം മാവിലൻ ട്രൈബൽ കമ്മ്യൂണിറ്റിയുടെ നാടൻ പാട്ടിനോടൊപ്പമുള്ള ട്രാൻസ് താളമാണ് ഗാനത്തെ മറ്റൊരു തലത്തിലേക്ക് എത്തിച്ചത്. ഒരിടവേളയ്ക്ക് ശേഷം തീയ്യേറ്ററുകൾ തുറക്കുമ്പോൾ, പഴയതുപോലെ തീയ്യേറ്ററുകൾ പൂരപ്പറമ്പാക്കാനും എല്ലാം മറന്ന് ആടിത്തിമിർക്കാനുമുള്ള എല്ലാ ചേരുവകളുമായാണ് അജഗജാന്തരം തീയേറ്ററുകളിൽ എത്തുന്നതെന്നാണ് റിപ്പോർട്ടുകൾ. ‘ഒളുളേരു’ എന്ന നാടൻ പാട്ടിനെ ട്രാൻസ് താളത്തിനൊപ്പം ഇണക്കിച്ചേർത്തത് സംഗീതസംവിധായകനായ ജസ്റ്റിൻ വർഗീസാണ്.

ഒളുളേരു ചലഞ്ച് വീഡിയോ കാണാം

 

View this post on Instagram

 

A post shared by Roshna Ann Roy (@roshna.ann.roy)

ഗംഭീര ആക്ഷൻ സീക്വൻസുകളുമായി ഒരുങ്ങുന്ന ‘അജഗജാന്തരം’ ആന്റണി വർഗീസിന്റെ കരിയറിലെ ഏറ്റവും മുതൽ മുടക്കുള്ള ചിത്രമാണ്. വമ്പൻ ആക്ഷൻ രംഗങ്ങൾ കൊണ്ട് ചിത്രീകരണ സമയത്ത് തന്നെ ‘അജഗജാന്തരം’ സോഷ്യൽ മീഡിയയിൽ നിറഞ്ഞു നിന്നിരുന്നു.

ഉത്സവപ്പറമ്പിലേയ്ക്ക് ഒരു ആനയും പാപ്പാനും ഒപ്പം ഒരു കൂട്ടം യുവാക്കളും എത്തുന്നതും തുടർന്നവിടെ 24 മണിക്കൂറിനുള്ളിൽ നടക്കുന്ന ആകാംഷ നിറഞ്ഞ സംഭവങ്ങളാണ് ചിത്രത്തിന്റെ പ്രമേയം. അർജുൻ അശോകൻ, ചെമ്പൻ വിനോദ് ജോസ്, ജാഫർ ഇടുക്കി, രാജേഷ് ശർമ, സുധി കോപ്പ, കിച്ചു ടെല്ലസ്, ലുക്മാൻ, ശ്രീരഞ്ജിനി തുടങ്ങിയവരും ചിത്രത്തിൽ കഥാപാത്രങ്ങളായി എത്തുന്നുണ്ട്. ചിത്രത്തിന്റെ കഥാപശ്ചാത്തലത്തെ ഉൾക്കൊണ്ടുകൊണ്ടുള്ള സിനിമ പോസ്റ്ററുകൾക്ക് വലിയ അളവിൽ സ്വീകാര്യത ലഭിച്ചിരുന്നു.

ALSO READ

ജാതക ദോഷങ്ങൾ പരിഹരിക്കാൻ നയൻതാര ആദ്യം വരണ്യമാല്യം ചാർത്തുന്നത് വിഘ്നേഷ് ശിവനെയല്ല! ജ്യോതിഷിയുടെ നിർദ്ദേശപ്രകാരണമാണ് ഇത് ചെയ്യുന്നതെന്നാണ് പുറത്തുവന്ന റിപ്പോർട്ടുകൾ

സിൽവർ ബേ പ്രൊഡക്ഷൻസിൻറെ ബാനറിൽ എമ്മാനുവൽ ജോസഫും അജിത് തലാപ്പിള്ളിയും ചേർന്ന് നിർമ്മിക്കുന്ന സിനിമയുടെ തിരക്കഥയൊരുക്കിയിരിക്കുന്നത് കിച്ചു ടെല്ലസ്, വിനീത് വിശ്വം എന്നിവർ ചേർന്നാണ്. ലൈൻ പ്രൊഡ്യൂസർ മനു ടോമി, ഛായാഗ്രഹണം ജിൻറോ ജോർജ്, എഡിറ്റർ ഷമീർ മുഹമ്മദ്, സംഗീതം ജസ്റ്റിൻ വർഗീസ്, സൗണ്ട് ഡിസൈൻ രംഗനാഥ് രവി, ആർട്ട് ഗോകുൽ ദാസ്, വസ്ത്രാലങ്കാരം മഷർ ഹംസ, മേക്കപ്പ് റോണക്‌സ് സേവ്യർ, സ്റ്റണ്ട് സുപ്രീം സുന്ദർ, ഫോൾക് സോങ് സുധീഷ് മരുതലം, ചീഫ് അസോസിയേറ്റ് കണ്ണൻ എസ് ഉള്ളൂർ & രതീഷ് മൈക്കിൾ, വി.എഫ്.എക്സ് ആക്സെൽ മീഡിയ, ഫിനാൻസ് കൺട്രോളർ അനിൽ അമ്പല്ലൂർ, പ്രൊഡക്ഷൻ കൺട്രോളർ ബാദുഷ, സ്റ്റിൽസ് അർജുൻ കല്ലിങ്കൽ, പ്രൊഡക്ഷൻ എക്‌സിക്യൂട്ടീവ് ബിനു മനമ്പൂർ, ഓപ്പണിങ് ടൈറ്റിൽസ് ശരത് വിനു, ഡിസൈൻസ് അമൽ ജോസ്, പി.ആർ.ഒ. മഞ്ജു ഗോപിനാഥ്, മീഡിയാ പാർട്ണർ മുവീ റിപ്പബ്ലിക്, ഡിജിറ്റൽ മാർക്കറ്റിംഗ് ഹെയിൻസ് തുടങ്ങിയവരാണ്.

ഒളുളേരു ഗാനം കാണാം