മലയാളത്തിൽ റിലീസിന് തയ്യാറെടുക്കുന്ന ഏറ്റവും പുതിയ സിനിമയാണ് കുടുക്ക് 2025. കൃഷ്ണശങ്കർ, ദുർഗ കൃഷ്ണ എന്നിവർ കേന്ദ്ര കഥാപാത്രങ്ങളായി എത്തുന്ന കുടുക്ക് 2025ലെ പ്രണയ ഗാനം പുറത്തിറങ്ങിയിരുന്നു. മാരൻ മറുകിൽ ചോരും എന്ന് തുടങ്ങുന്ന ഗാനം ആലപിച്ചിരിക്കുന്നത് സിദ്ദ് ശ്രീറാമും ഭൂമിയും ചേർന്നാണ്.
ഇപ്പോഴിതാ ഈ പാട്ടിന്റെ ചിത്രീകരണ വേളയിൽ സംഭവിച്ച ചില രസകരമായ സംഭവങ്ങളും ഷൂട്ടിങ് വിശഷ ങ്ങളും പങ്കുവെച്ചിരിക്കുകയാണ് ഇരുവരും. കൃഷ്ണ ശങ്കറും ദുർഗാ കൃഷണയും ഒരുമിച്ച് എത്തുന്ന ചിത്രത്തിലെ ഗാനത്തിലെ ലിപ് ലോക്ക് രംഗത്തെ കുറിച്ചാണ് ഇരുവരും രസകരമായി സംസാരിച്ചിരിക്കുന്നത്.
ലിപ് ലോക്കിന് മുമ്പ് കിച്ചു മൊയ്‌സ്ചറൈസർ, പെർഫ്യും ഒക്കെ അടിപ്പിക്കും. താൻ മുമ്പ് രണ്ട് സിനിമയിൽ ലിപ് ലോക്ക് ചെയ്തിട്ടുണ്ടെന്നും ദുർഗ കൃഷ്ണ പറയുന്നു. ലിപ് ലോക്ക് ചെയ്യാൻ കിച്ചുവിന് നാണമായിരുന്നു എന്നും താരം പറയുന്നു. സിനിമയ്ക്ക് സ്‌ക്രിപ്റ്റ് ഉണ്ടായിരുന്നില്ല. കഥ പറഞ്ഞ് തരും.
ഒരു സ്മൂച്ച് ചെയ്യേണ്ടതുണ്ട് എന്നാണ് സംവിധായകൻ ബിലഹരി പറഞ്ഞത്. നാണമുണ്ടായിരുന്ന കിച്ചു ആക്ഷൻ പറഞ്ഞപ്പോൾ വൻ പെർഫോമൻസായിരുന്നു ദുർഗ കൃഷ്ണ പറഞ്ഞു. നമ്മുടെ ജോലിയല്ലേ തൊഴിലല്ലേ എന്ന വിചാരത്തിലാണ് ഇത്തര രംഗങ്ങൾ ചെയ്യുന്നത്.
സിനിമാ ചിത്രീകരണത്തിനിടെ ഫൈറ്റ് ചെയ്ത് മുട്ട് പ്രശ്‌നമായി മൂന്നാഴ്ച കിടന്നിട്ട് ആരും ഒന്നും ചോദിച്ചില്ലെന്നും രണ്ട് സെക്കൻഡ് ലിപ് ലോക്ക് കഴിഞ്ഞതോടെ എല്ലാവരും അതിനെ കുറിച്ച് അന്വേഷിക്കുക ആയിരുന്നുവെന്നും ദുർഗ പറയുന്നു.
ലിപ് ലോക്ക് സീൻ കാണിച്ചത് ഭയങ്കര സ്ലോമോഷനിലായിരുന്നു. ആക്ഷൻ പറഞ്ഞ് കഴിഞ്ഞാൽ പിന്നെ കട്ടില്ല. വേണ്ടത് എടുക്കാൻ പറ്റുമെന്ന ലൈനാണ് ബിലഹരിക്ക്. താനും കിച്ചുവും കൂടി ലിപ്ലോക് ചെയ്യുന്നു.
ആദ്യം നെറ്റിയിൽ പിന്നെ മൂക്കിൽ ഇനി എവിടെയെന്ന് സ്വകാര്യത്തിൽ കിച്ചു തന്നോട് ചോദിക്കുന്നുണ്ടാ യിരുന്നു. ഒടുവിൽ ലിപ് ലോക്ക് കഴിഞ്ഞ് തങ്ങൾ കട്ട് എന്ന് പറഞ്ഞപ്പോഴാണ് നിർത്തിയത് എന്നും ദുർഗ പറയുന്നു.
