മലയാള സിനിമാ രംഗം ഇപ്പോൾ വലിയ പ്രതിസന്ധിയിലൂടെയാണ് കടന്നു പോകുന്നത്. കൊവിഡും ലോക്ഡൗണും കാരണം സിനിമാ ചിത്രീകരണം നിർത്തിവെയ്ക്കുകയും തിയറ്ററുകൾ അടച്ച് പൂട്ടുകും ചെയ്തതോടെ കോടികളുടെ നഷ്മാണ് ഈ രംഗത്ത് ഉണ്ടായിരിക്കുന്നത്.
തിയറ്ററുകൾ അടച്ച് പൂട്ടിയതോടെ പ്രേക്ഷകരും നിരാശയിലാണ്. സിനിമകൾ ഒടിടി റിലീസ് ആയി എത്തുന്നു എന്നത് മാത്രമാണ് പ്രതീക്ഷ. അതേ സമയം കുറച്ചുകാലമായി തിയ്യറ്ററുകലിൽ മലയാളത്തിന്റെ ജനപ്രിയ നായകൻ ദിലീപിന്റെ സിനിമകളുടെ അഭാവത്തെ കുറിച്ചുള്ള ചർച്ചകളും സോഷ്യൽ മീഡിയയിൽ ശ്രദ്ധേയം ആവുകയാണ്.
സിനിമാസ്വാദകരുടെ ഗ്രൂപ്പായ മൂവി സ്ട്രീറ്റിൽ ഒരാൾ എഴുതിയ കുറിപ്പിലാണ് ദിലീപിന്റെ അസാന്നിധ്യം മൂലം മലയാള സിനിമയ്ക്ക് നഷ്ടപ്പെട്ട ഹാസ്യ സിനിമകളെ കുറിച്ച് സൂചിപ്പിച്ചിരിക്കുന്നത്. കുറിപ്പിന്റെ പൂർണരൂപം ഇങ്ങനെ:
ദിലീപിന്റെ അസാനിധ്യവും നഷ്ടമായ ഹാസ്യവും. പൊതുവെ ഇപ്പോൾ ദിലീപ് എന്ന നടന്റെ സിനിമകൾ ചളി, യുക്തി സഹമല്ലാത്തത് എന്നിങ്ങനെ പല തരത്തിൽ ഉള്ള താഴ്ത്തികെട്ടലിലൂടെ ആണ് പോയി കൊണ്ടിരിക്കുന്നത്.
പക്ഷെ സത്യം എന്തെന്നാൽ പലരും പുച്ഛത്തോടെ ഇപ്പോൾ പറയുന്ന മായാമോഹിനിയും ശൃംഗാരവേലനും ഒക്കെ തീയേറ്റർ നിറഞ്ഞു തുളുമ്പി നിർത്താത്ത ചിരി പരത്തിയ ഉത്സവ ചിത്രങ്ങൾ ആയിരുന്നു. ഇന്ന് ഒരു ഓണം വന്നാലോ ക്രിസ്മസ് വന്നാലോ തീയേറ്ററിൽ പോയി ആഘോഷിക്കാൻ പറ്റാത്തത്തിന്റെ പ്രധാന കാരണം ദിലീപ് പടങ്ങൾ ഇല്ലാത്തത് തന്നെ ആണ്.
നല്ല ഒരു ആഘോഷ ദിവസം ഡാർക്ക് ത്രില്ലറുകളും, പ്രകൃതി പടങ്ങളും തരുന്നതിന്റെ ഇരട്ടി അനുഭവം ആണ് ഒരു നല്ല കോമഡി പടം തരുന്നത്. അത് നല്ല കോമഡി പടങ്ങൾ അല്ലെ തരാറുള്ളു, ദിലീപിന്റെ ചളികളിൽ കിട്ടില്ലല്ലോ എന്ന് പറയുന്നവരിൽ പലരും ഈ ചിത്രങ്ങൾ കുടുംബസമേധമോ കൂട്ടുകാരോടൊപ്പമോ കണ്ടു പൊട്ടിച്ചിരിച്ചു ആഘോഷിച്ചു തീയേറ്റർ വിട്ടവരായിരിക്കും.
ഇടക്കാലത്തു ചില വില്ലാളിവീരൻ, നാടോടിമന്നൻ, സെൻട്രൽ ജയിൽ പോലെ ആവർത്തന വിരസമായ അബദ്ധങ്ങൾ സംഭവിച്ചതും, അത് കഴിഞ്ഞ ഉടനെ വ്യക്തി ജീവിതത്തിൽ സംഭവിച്ച രസകരമാല്ലാത്ത കാര്യങ്ങളും, തിരിച്ചു വന്നതിനു ശേഷം ഒരു മുഴു നീള കോമഡി പടം പോലും ചെയ്യാത്തതും ദിലീപിനെ ഇപ്പോൾ തിയേറ്ററിൽ കാണാൻ സാധിക്കാത്തതിന്റെ പ്രധാന കാരണമാണ്.
കേശു ഈ വീടിന്റെ നാഥനിലൂടെ തിരിച്ചു വരുമെന്ന് പ്രതീക്ഷിക്കാം. രണ്ടായിരത്തിനു ശേഷം ഇത്രയും അധികം റിപീറ്റ് വാല്യൂ ഉള്ള സിനിമകളും, തിയേറ്ററിൽ എല്ലാ പ്രേക്ഷകരെയും സംതൃപ്തിപ്പെടുത്തിയ സിനിമകളും പേരിൽ ഉള്ള ഒരു നടൻ വേറെ ഉണ്ടാവില്ല.
ടിവിയിൽ കോമഡി മാത്രം കാണിക്കുന്ന കോമഡി ടൈം പോലെ ഉള്ള പരിപാടികളിൽ ഇന്നത്തെ സിനിമയിലെ ഹാസ്യം എന്ന് പറയുന്ന സംഭവങ്ങൾ ഇട്ടാൽ ഇവിടെ എത്ര പേർക്ക് ചിരി വരാറുണ്ട് എന്നതും, ദിലീപിന്റെ കണ്ടു മടുത്ത ചളികൾ ഇപ്പോഴും കണ്ട് ചിരിക്കുന്നവർ എത്ര പേരുണ്ടെന്നും ഉള്ളത് ചിന്തിക്കേണ്ട ഒരു കാര്യമാണ്.
1 മിനിറ്റ് എങ്കിലും തിടർച്ചയായി ചിരിക്കാൻ പറ്റുന്ന കോമഡി സീൻ ഉള്ള സിനിമകൾ ഇന്ന് ഇല്ലെന്നു തന്നെ പറയാം. അവിടെ ആണ് മുക്കാൽ ഭാഗവും തലകുത്തി ചിരിക്കാൻ പറ്റിയ ഐറ്റം ഇറക്കി ദിലീപിന്റെ ചളികൾ വിജയിക്കുന്നത എന്നായിരുന്നു ആകുറിപ്പ്.
അതേ സമയം ഈ പറക്കും തളിക, സി ഐഡി മൂസ, മീശ മാധവൻ, ചാന്തുപൊട്ട്, തിളക്കം, തെങ്കാശി പട്ടണം, തുടങ്ങി എണ്ണിയാൽ ഒടുങ്ങാത്തത്ര സിനിമകളിൽ കൂടിയാണ് ദിലീപ് നമ്മളെ പൊട്ടിച്ചിരിപ്പിച്ചട്ടുള്ളത്.
