മലയാളത്തിന്റെ യൂത്ത് ഐക്കൺ പൃഥ്വിരാജ്, ഇന്ദ്രജിത്ത്, ജയസൂര്യ എന്നിവരെ കേന്ദ്ര കഥാപാത്രങ്ങളാക്കി ലാൽജോസ് ഒരുക്കിയ ക്ലാസ്മേറ്റ്‌സ് എന്ന ചിത്രത്തിലൂടെ മലയാള സിനിമയിലേക്ക് ചേക്കേറിയ താരമാണ് രാധിക. തുടർന്ന് നിരവധി സിനിമകളുടെ ഭാഗമാകാൻ താരത്തിന് സാധിക്കുകയും ചെയ്തു.
എന്നാൽ ഇപ്പോൾ തന്റെ സിനിമാ കരിയറിനെ കുറിച്ചും ഫോട്ടോഷൂട്ടിനെ കുറിച്ചും നടി മനസു തുറന്നിരിക്കുകയാണ്. സിനിമ എന്തെന്നറിയാതെ സിനിമയിൽ വന്നതാണെന്ന് രാധിക പറയുന്നു. കുറച്ച് ഇഷ്ടപ്പെട്ട കഥാപാത്രങ്ങളൊക്കെ ചെയ്തു.
കുറച്ചൂകൂടെ സീരിയസാകാം എന്ന് ചിന്തിച്ച് തുടങ്ങിയപ്പോഴത്തേക്കും ആ ഫീൽഡ് എന്റെ കൈയ്യിൽ നിന്ന് പോവുകയായിരുന്നു. എല്ലാം ഒരു സമയത്തിന്റെ ഭാഗ്യമാണെന്നും രാധിക പറഞ്ഞു. ഇനിയും ചെയ്യാൻ താൽപര്യമുണ്ടോ എന്ന് ചോദിച്ചാൽ തീർച്ചയായും ഉണ്ട്.
പക്ഷേ എന്താണ് ദൈവം വിധിച്ചിരിക്കുന്നതെന്ന് അറിയില്ല. നല്ല കഥാപാത്രങ്ങൾ ലഭിച്ചാൽ എന്തായാലും ചെയ്യും. അതിന് യാതൊരുവിധ ബുദ്ധിമുട്ടുമുണ്ടാവില്ല. നടി പറയുന്നു. അടുത്തിടെ തരംഗമായ തന്റെ ഫോട്ടോഷൂട്ടിനെ കുറിച്ചും മനസുതുറന്നിരുന്നു താരം.
പതിനഞ്ച് വർഷത്തിന് ശേഷം കരിയറിൽ ശ്രദ്ധിക്കപ്പെട്ട ഒരു കഥാപാത്രമായി കുറച്ച് മണിക്കൂറുകളിലേക്ക് എങ്കിലും വീണ്ടും ജീവിക്കാൻ പറ്റുക എന്നത് ഒരു ഭാഗ്യമാണെന്ന് രാധിക പറയുന്നു. എത്ര പേർക്ക് ആ ഭാഗ്യം കിട്ടിയിട്ടുണ്ടാകുമെന്ന് അറിയില്ല,. ആ ഭാഗ്യം എനിക്ക് കിട്ടിയെന്നാണ് വിശ്വസിക്കുന്നതെന്നും നടി പറഞ്ഞു.
Also Read
ഒരു സന്തോഷ വാർത്തയുണ്ടെന്ന് അനുക്കുട്ടി, എന്താണെന്ന് അറിയാനുള്ള ആകാംഷയിൽ ആരാധകർ
അതാണ് എറ്റവും വലിയ സന്തോഷം, ഗ്ലോഡ് ബ്ലെസ്ഡ് എന്ന് തോന്നുന്ന ഒരു നിമിഷമാണ് ഇതെന്നും രാധിക പറഞ്ഞു. വീണ്ടും റസിയയായി ക്യാമറയ്ക്ക് മുൻപിൽ എത്തുമ്പോൾ പണ്ടത്തെ റസിയയെ വീണ്ടും കാണുന്ന പ്രേക്ഷകർ എന്തൊക്കെ മാറ്റങ്ങൾ കണ്ടെത്തുമെന്നും അവരൊക്കെ എന്ത് പറയുമെന്ന് അറിയാനൊരു ക്യൂരിയോസിറ്റി ഉണ്ടായിരുന്നെന്നും രാധിക പറഞ്ഞു.
ഇപ്പോഴും റസിയ എന്ന് തന്നെയാണ് വിളിക്കുന്നത്. രാധിക എന്ന പേര് മറന്നവരോ ഒരുപക്ഷേ അറിയാത്തവരോ ആകാം. പക്ഷേ അവരിപ്പോഴും ആ കഥാപാത്രത്തെ ഓർത്തിരിക്കുന്നു. അതൊരൂ അംഗീകാരമാണല്ലോ, അഭിമുഖത്തിൽ നടി പറഞ്ഞു.
