ഒരുകാലത്ത് ഏഷ്യാനെറ്റിലെ സൂപ്പർ റിയാലിറ്റി ഷോ ആയിരുന്ന ഐഡിയ സ്റ്റാർ സിംഗറിലൂടെ വന്ന് പിന്നീട് മലയാളികളുടെ പ്രിയപ്പെട്ട ഗായികയായി മാറിയ താരമാണ് അമൃത സുരേഷ്. അമൃതയുടെ സഹോദരി അഭിരാമിയും അറിയപ്പെടുന്ന ഗായികയാണ്.
സഹോദരിയായി മാത്രമല്ല മൂത്ത മകളാണ് അഭിയെന്ന് അമൃത പറഞ്ഞിരുന്നു. ഏഷ്യാനെറ്റിലെ തന്ന റിയാലിറ്റി ഷോയായ ബിഗ് ബോസ് മലയാളം പതിപ്പിൽ ഇരുവരും ഒരുമിച്ച് മത്സരിക്കാനെത്തിയിരുന്നു.
വ്യത്യസ്തമായ ശബ്ദത്തിലൂടെ മലയാളി മനസ്സിൽ ചേക്കേറുക ആയിരുന്നു അമൃത സുരേഷും അഭിരാമി സുരേഷും.
കുട്ടിക്കാലത്ത് തന്നെ പാട്ടിൽ താൽപര്യം പ്രകടിപ്പിച്ചിരുന്നു അമൃതയും അഭിരാമിയും. അമൃത സംഗീതം പഠിക്കുന്നതും പരീശീലിക്കുന്നതുമൊക്കെ കണ്ടാണ് അഭിരാമിയും വളർന്നത്. ഇപ്പോഴിതാ ഇരുവരും തങ്ങളുടെ വിശേഷങ്ങൾ പങ്കുവെച്ച് രംഗത്തെത്തിയിരിക്കുകയാണ്.
കൈരളി ചാനലിൽ ജോൺ ബ്രിട്ടാസിന് നൽകിയ അഭിമുഖത്തിലായിരുന്നു അമൃതയും അഭിരാമിയും വിശേഷങ്ങൾ പങ്കുവെച്ചത്. സംഗീത മേഖലയിൽ നിന്നും വേണ്ടത്ര അവസരങ്ങൾ ലഭിച്ചിരുന്നില്ലെന്ന് പലപ്പോഴും തോന്നിയിട്ടുണ്ടെന്നാണ് അമൃത പറയുന്നത്.
സ്റ്റേജിലൊക്കെ അമൃത നിറഞ്ഞുപാടാറുണ്ട്. കിട്ടേണ്ട പാട്ടുകൾ അമൃതയ്ക്ക് കിട്ടിയിട്ടില്ലെന്ന് തോന്നിയിട്ടു ണ്ടോ എന്നായിരുന്നു ജോൺ ബ്രിട്ടാസ് ചോദിച്ചത്. ആ പാട്ട് എനിക്ക് കിട്ടിയിരുന്നുവെങ്കിൽ എന്ന് ആലോചിച്ച സന്ദർഭങ്ങളേറെയാണ്.
എനിക്ക് എന്തുകൊണ്ട് അവസരങ്ങൾ ലഭിക്കുന്നില്ല. ഏതെങ്കിലും പാട്ട് കിട്ടിക്കൂടേയെന്ന് വരെ ചിന്തിച്ചിട്ടുണ്ട്. പാട്ടുകാരല്ലാത്തവരെ പോലും പാടിപ്പിക്കുന്ന കാലഘട്ടമാണ്. ഇന്ന് ടെക്‌നോളജി വെച്ച് പാടിപ്പിക്കുന്നുണ്ട്. പാട്ടുകാരല്ലെന്ന് സ്വയം തോന്നാത്തവർ വരെ പാടുന്നുണ്ട്.
എനിക്ക് ശരിക്കും വിഷമം തോന്നുന്ന കാര്യമാണിത്. ചില സമയത്ത് എന്നെ ഡൗണാക്കിക്കളയും. എനിക്ക് ശേഷം വന്നവർ പോലും ഒരുപാട് ഉയരത്തിൽ നിൽക്കുമ്പോൾ കുറച്ച് കുശുമ്പും വിഷമങ്ങളുമൊക്കെ തോന്നാറുണ്ട്. വിഷമങ്ങളെല്ലാം മാതാ അമൃതാനന്ദമയി അമ്മയോട് പോയി പറയാറുണ്ട്.
പിന്നീട് അതേക്കുറിച്ച് ആലോചിക്കുമ്പോൾ സമയം ആയിട്ടില്ലെന്ന് മനസ്സിലാവുമെന്നും അമൃത സുരേഷ് പറയുന്നു. നമ്മൾ എപ്പോഴും നമ്മളുടെ ബെസ്റ്റ് തന്നെ പോർട്രയിറ്റ് ചെയ്യണം എല്ലായിടത്തുമെന്നായിരുന്നു അഭിരാമി സുരേഷ് പറഞ്ഞത്. എന്റെ പോലെ തന്നെ സെയിം എക്‌സ്പീരിയൻസ് അഭിരാമിക്ക് ഉണ്ടായിട്ടുണ്ടെന്നും അമൃത വ്യക്തമാക്കുന്നു.
