ഓർക്കുട്ട് ഒരു ഓർമക്കൂട്ട് എന്ന 2012ൽ പുറത്തിറങ്ങിയ സിനിമയിലൂടെയാണ് ചലച്ചിത്രരംഗത്തേക്ക് കടന്നുവന്ന താരമാണ് സാധിക വേണുഗോപാൽ. പിന്നീട് ചെറുതും വലുതുമായി നിരവധി ചിത്രങ്ങളിൽ സാധിക അഭിനയിച്ചെങ്കിലും മഴവിൽ മനോരമയിൽ സംപ്രേഷണം ചെയ്ത പട്ടുസാരി എന്ന പരമ്പരയിലൂടെയാണ് സാധിക പ്രശസ്തയാവുന്നത്.
ഇപ്പോൾ മലയാളി മിനിസ്‌ക്രീൻ ആരാധകരുടെയടക്കം പ്രിയപ്പെട്ടതാരമാണ് സാധിക. 2012ൽ പുറത്തിറങ്ങിയ ഫോട്ടോഷൂട്ടുകളിലൂടെയും ഹ്രസ്വചിത്രങ്ങളിലൂടെയും താരം സോഷ്യൽ മീഡിയയിൽ തിളങ്ങി നിൽക്കുകയാണ്താരം.
തന്റെ എല്ലാ ഫോട്ടോഷൂട്ട് ചിത്രങ്ങളും സാധിക സോഷ്യൽ മീഡിയയിൽ പങ്കുവെയ്ക്കാറുണ്ട്. ഗ്ലാമർ ചിത്രങ്ങൾ ഉൾപ്പടെയാണ് താരം ഷെയർ ചെയ്യാറുള്ളത്. ഇതിന്റെ പേരിൽ നിരവധി വിമർശനങ്ങളാണ് സമീപകാലത്ത് താരം നേരിട്ടത്.
ശരീരം തുറന്ന് കാട്ടിയെന്ന് വിമർശിച്ചവർക്ക് എന്റെ തൊഴിലിന്റ ഭാഗമാണ് ഫോട്ടോഷൂട്ടെന്നും അത് ഞാൻ ചെയ്യുമെന്നുമായിരുന്ന താരത്തിന്റെ മറുപടി. ഇപ്പോഴിതാ സാധിക വേണുഗോപാലിന്റെ ഇൻസ്റ്റഗ്രാം കുറിപ്പാണ് സോഷ്യൽ മീഡിയയിൽ ചർച്ചയായി മാറുന്നത്.
ഇൻസ്റ്റഗ്രാമിൽ മോശം സന്ദേശം അയച്ചെത്തിയ ആൾക്ക് തക്കതായ മറുപടി നൽകിയാണ് താരം കുറിപ്പായി പോസ്റ്റ് ചെയ്തിരിക്കുന്നത്. നിങ്ങളുടെ ഒരു ചിത്രം അയച്ചു നൽകാമോ എന്നാണ് സോഷ്യൽ മീഡിയ പ്രമോട്ടർ എന്ന പേരിൽ ഒരാൾ സാധികയ്ക്ക് സന്ദേശം അയച്ചത്. ഞാൻ ചിത്രങ്ങൾ ഷെയർ ചെയ്യാറില്ല എന്ന് സാധിക മറുപടിയും നൽകി.
നിങ്ങളുടെ കിടപ്പറ ഷെയർ ചെയ്യേണ്ട ജസ്റ്റ് ഫോട്ടോ മതി എന്നാണ് ഇയാൾ അതിന് മറുപടി നല്കിയത്. നിങ്ങൾ തമാശ പറയുകയാണോ എന്ന് ചോദിക്കുമ്പോൾ ഞാൻ കാര്യമായി തന്നെ പറഞ്ഞതാണ് ഞാൻ വേണമെങ്കിൽ തയ്യാറാണ് എന്നും ഇയാൾ മറുപടി നൽകുന്നു. പിന്നെ ദേഷ്യപ്പെടണ്ട എന്നും ഞാൻ ചുമ്മാ തമാശ പറഞ്ഞതാണ് നിങ്ങളുടെ ഒരു ആരാധകനാണ് എന്നും ഇയാൾ പറയുന്നു.
അതിന് സാധിക കൃത്യമായ മറുപടിയും നൽകി. നിങ്ങളുടെ വാളിലുള്ളത് എന്റെ ഗ്ലാമർ ചിത്രങ്ങൾ മാത്രമാണെന്നും അതിനാൽ തന്നെ നിങ്ങൾ എന്നെ പിന്തുണയ്ക്കുന്ന ആൾ എന്ന് പറയുന്നതിന്റെ കാര്യമില്ലെന്നും സാധിക പറയുന്നു.
ഞാൻ ഒരിക്കലും ആരോടും പറഞ്ഞിട്ടില്ല എന്നെ സപ്പോർട്ട് ചെയ്യണമെന്നും എന്റെ ചിത്രങ്ങൾ വാളിൽ പോസ്റ്റണമെന്നും. അത് ചെയ്യാതിരിക്കുന്ന പെരുമാറ്റമാകും ഉചിതം. ഞാൻ വിൽക്കുവാനും ഷെയർ ചെയ്യുവാനുമുള്ള പ്രോപ്പർട്ടി അല്ല, ഒരു പബ്ലിക്ക് പൊഫയിലിൽ നിന്ന് ചിത്രങ്ങൾ ഡൗൺലോഡ് ചെയയാനുള്ള അധികാരം നിങ്ങൾക്ക് ഉണ്ടെന്നും താരം വ്യക്തമാക്കുന്നു.
