ഏഷ്യാനെറ്റിലെ ജനപ്രിയ പരമ്പരയായിരുന്ന ചന്ദനമഴ എന്ന സീരിയലിലെ അമൃതയെ അവതരിപ്പിച്ച് മലയാളി കുടുംബ സദസ്സുകളുടെ പ്രിയപ്പെട്ട താരമായി മാറിയ നടിയാണ് മേഘന വിൻസെന്റ്. വിവാഹ ശേഷം സീരിയൽ രംഗത്ത് നിന്നും മേഘന വിടവാങ്ങിയെങ്കിലും താരത്തിന്റെ വിവാഹ ബന്ധത്തിന് അധികം ആയുസ്സുണ്ടായിരുന്നില്ല.
മേഘന വിൻസന്റിന്റെയും ഡോണിന്റെയും വിവാഹ മോചന വാർത്ത ഞെട്ടലോടെയാണ് ആരാധകർ കേട്ടത്. വെറും ഒരു വർഷം മാത്രമാണ് ദാമ്പത്യം നീണ്ടുനിന്നത്. പിരിഞ്ഞിട്ട് എട്ടുമാസം കഴിഞ്ഞതിന് ശേഷമാണ് വാർത്ത പുറത്തു വന്നത് തന്നെ. വിവാഹമോചന വാർത്ത സമ്മതിച്ച് ഇരുവരും രംഗത്തെത്തുക ആയിരുന്നു. പിന്നാലെ ഡോൺ പുനർ വിവാഹിതനാവുകയും ചെയ്തു.
വിവാഹമോചിതയായ ശേഷമാണ് മേഘന സ്റ്റുഡിയോ ബോക്‌സ് എന്ന പേരിൽ യുട്യൂബ് ചാനൽ ആരംഭിച്ചത്. ആരാധകർ ചോദിക്കുന്ന ചോദ്യങ്ങൾക്കാണ് മേഘന പ്രധനമായും ഉത്തരം നൽകുന്നത്.
ഇപ്പോൾ സോഷ്യൽ മീഡിയയിൽ വൈറലാകുന്നത് നടിയുടെ പുതിയ വീഡിയോയാണ്.
വീട്ടിലെത്തിയ പുതിയ സന്തോഷത്തെ കുറിച്ചാണ് മേഘ്‌ന വീഡിയോയിൽ പറയുന്നത്.ഒരുപാട് കാലത്തെ ആഗ്രഹമായിരുന്നു ഇതുപോലെയുള്ള ഒരു കുട്ടി വാവയെ വേണമെന്ന്. പെട്ടെന്ന് ഒരു ദിവസം ഞങ്ങൾ അത് തീരുമാനിക്കുകയായിരുന്നുവെന്നാണ് മേഘന പറയുന്നത്.
ഹാപ്പി കുടുംബത്തിൽ എത്തിയതിന് പിന്നെ വീടിന്റെ അന്തരീക്ഷം തന്നെ മാറി പോകുകയായിരുന്നു. ഞങ്ങൾ എണീക്കുന്ന സമയം മാറി. കിടന്നുറങ്ങുന്ന സമയം മാറി. നായക്കുട്ടിക്ക് ഹാപ്പി എന്ന സന്തോഷകരമായ പേര് നൽകിയതിനെ കുറിച്ചും മേഘ്‌ന പറയുന്നു. ഇവൾ കൂടെ ഉള്ളപ്പോ ഞങ്ങളെ എപ്പോഴും ഹാപ്പി ആയി തന്നെ വച്ചേക്കും.
അതുകൊണ്ടാണ് അവൾക്ക് ഞാൻ ഹാപ്പി എന്ന പേര് വച്ചതും. ഇവൾ വന്നതിനു ശേഷം എല്ലാവരും ഹാപ്പി ആണ്. 2017 ഏപ്രിൽ മുപ്പതിനായിരുന്നു ഡിംപിളിന്റെയും സഹോദരൻ ഡോണിന്റെയും മേഘനയുടെയും വിവാഹം. താരങ്ങളുടെ മനസമ്മതം ഒരുമിച്ചായിരുന്നു നടത്തിയിരുന്നു.
രണ്ട് താരവിവാഹങ്ങളായിരുന്നതിനാൽ വലിയ ആഘോഷത്തോടെയായിരുന്നു നടത്തിയതും. വിവാഹത്തിന് മുൻപുള്ളതും ശേഷമുള്ള വീഡിയോസും ഫോട്ടോഷൂട്ടുമെല്ലാം സോഷ്യൽ മീഡിയയിൽ തരംഗവുമായിരുന്നു. അതുകൊണ്ട് ഇവരുടെ വിവാഹമോചന വാർത്ത വന്നപ്പോൾ ആരാധകർക്ക് അത് വിശ്വസിക്കാനും കഴിഞ്ഞിരുന്നില്ല.
ചന്ദനമഴയിലെ അമൃത എന്ന കഥാപാത്രമായിരുന്നു മേഘന വിൻസെന്റിന് ഇത്രയധികം പ്രശസ്തി നേടി കൊടുത്തത്. ഒരു നാട്ടിൻപുറത്തുകാരിയുടെ അഭിനയം പ്രേക്ഷക പ്രശംസ നേടി കൊടുത്തു. അതിലൂടെ നിരവധി ആരാധകരെയും താരത്തിന് നേടി കൊടുത്തിരുന്നു.
