കമൽ സംവിധാനം ചെയ്ത് 2004ൽ പുറത്തിറങ്ങിയ ഹിറ്റ് ചിത്രമായിരുന്നു മഞ്ഞുപോലൊരു പെൺകുട്ടി. ഈ സിനിമയിലെ നായികയുടെ കൂട്ടുകാരിയായ ധന്യ എന്ന കഥാപാത്രത്തിനെ അവതരിപ്പിച്ചുകൊണ്ട് മലയാളത്തിന്റെ വെള്ളിത്തിരയിലെത്തിയ താര സുന്ദരിയാണ് ഷംന കാസ്സിം.
പിന്നീട് എന്നിട്ടും, ഡിസംബർ, പച്ചക്കുതിര,ഭാർഗവചരിതം മൂന്നാം ഖണ്ഡം തുടങ്ങിയ സിനിമകളിൽ ചെറുതെങ്കിലും ശ്രദ്ധേയമായ വേഷങ്ങൾ ചെയ്തു. ആദ്യ തെലുങ്ക് ചിത്രമായ ശ്രീ മഹാലക്ഷ്മിയിലായിരുന്നു ഷംന ആദ്യമായൊരു പ്രധാനവേഷം ചെയ്യുന്നത്. 2007ൽ പുറത്തിറങ്ങിയ ഈ സിനിമയിൽ ടൈറ്റിൽ കഥാപാത്രമായിരുന്നു ഷംന.
തൊട്ടടുത്തവർഷം മുനിയാണ്ടി വിളങ്ങിയാൽ മൂൻട്രാമാണ്ട’ എന്ന സിനിമയിലെ നായികാവേഷത്തിലൂടെ തമിഴ് സിനിമാരംഗത്തുമെത്തി. അതേ വർഷം തന്നെ ജോഷ് എന്ന സിനിമയിലൂടെ കന്നടയിലും എത്തി.
മലയാളത്തിൽ ആദ്യമായി നായികയാവുന്നത് 2012ൽ പുറത്തിറങ്ങിയ ‘ചട്ടക്കാരി’ എന്ന സിനിമയിലായിരുന്നു.
പിന്നീടിങ്ങോട്ട് മികച്ച ഒരു പിടി കഥാപാത്രങ്ങളെ അനശ്വരമാക്കി പ്രേക്ഷക മനസ്സിൽ ഇടം നേടി ഷംന കാസിം. മലയാളത്തിനു പുറമേ മറ്റു ഭാഷകളിലും അഭിനയിച്ച് മുന്നേറുകയാണ് താരം ഇപ്പോൾ. നൃത്തത്തിലും അഭിനയത്തിലും ഒരുപോലെ തിളങ്ങിയ താരത്തിന് നിരവധി ആരാധകരുണ്ട്.
സ്റ്റേജ് ഷോകളിലും അവാർഡ് നിഷകളിലും ഷംനയുടെ ഡാൻസ് പെർഫോമൻസ് കാണാൻ കാണികൾ ഏറെയാണ്. സോഷ്യൽ മീഡിയയിൽ സജീവമായ താരം പങ്കുവെക്കുന്ന ചിത്രങ്ങളെല്ലാം വൈറലാകാറുണ്ട്.
ഇപ്പോഴിതാ താരം സാരിയിലുള്ള ചിത്രങ്ങളാണ് പങ്കുവെച്ചിരിക്കുന്നത്.
തന്റെ ശരീരത്തിന് ഇണങ്ങുന്നതും ഏറ്റവും പ്രിയപ്പെട്ടതുമായ വസ്ത്രം സാരിയാണെന്ന് ഷംന ക്യാപ്ഷനിൽ പറയുന്നു. വെള്ള നിറത്തിലുള്ള സാരിയിൽ ചുവപ്പ് പൂക്കളുളള ഡിസൈൻ സാരിയാണ് താരം ധരിച്ചിരിക്കുന്നത്. ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലാണ്.
അതേ സമയം മറുഭാഷകളിൽ പൂർണ എന്ന പേരിലാണ് ഷംന അറിയപ്പെടുന്നത്. ചെറിയ കുട്ടി ആയിരിക്കുമ്പൊഴേ കഥക്, മോഹിനിയാട്ടം, ഭരതനാട്യം തുടങ്ങിയ നൃത്ത ഇനങ്ങളിൽ പരിശീലനം നേടിയിട്ടുള്ള ഷംന കാസിം, 2003ലെ അമൃതാ ടി വി സൂപ്പർ ഡാൻസർ റിയാലിറ്റി ഷോയിൽ മൂന്നാം സ്ഥാനം നേടിയതോടെയാണ് ശ്രദ്ധിയ്ക്കപ്പെടുന്നത്.
സ്‌കൂൾ വിദ്യാർത്ഥിനി ആയിരുന്നപ്പോൾ തുടർച്ചയായ നാലു വർഷം കണ്ണൂർ ജില്ലാ കലാതിലകം ആയിരുന്നു. 2003ൽ ദേശീയ റോളർ സ്‌കേറ്റിംഗ് ചാമ്പ്യൻഷിപ്പിൽ സ്വർണമെഡൽ നേടിയിട്ടുണ്ട് ഷംന കാസ്സിം.
