തെന്നിന്ത്യൻ സിനിമയിലെ യുവ നായികമാരിൽ ശ്രദ്ധേയമായ നടിയാണ് അനുമോൾ. ചായില്യം എന്ന ചിത്രത്തിലൂടെയായിരുന്നു താരം മലയാള സിനിമയിൽ ശ്രദ്ധ നേടുന്നത്. തുടർന്ന് വെടിവഴിപാടടക്കമുള്ള നിരവധി ചിത്രങ്ങളിലൂടെ മലയാളികൾക്ക് പ്രിയങ്കരിയായി.
നിരവധി തമിഴ് ചിത്രങ്ങളിലും താരം വേഷമിട്ടിട്ടുണ്ട്. സോഷ്യൽ മീഡിയയിൽ സജീവമായ അനുമോൾ തന്റെ ചിത്രങ്ങളും വിശേഷങ്ങളുമൊക്കെ പങ്കുവയ്ക്കാറുണ്ട്. തന്റെ ചിത്രങ്ങൾക്ക് കമന്റിടുന്നവരുമായി സംവദിക്കാനും താരം മടിക്കാറില്ല.
അതേസമയം തന്നെ തന്റെ പോസ്റ്റുകൾക്ക് മോശം കമന്റുകളുമായി എത്തുന്നവർക്ക് കൃത്യമായി മറുപടി നൽകാനും താരം ശ്രദ്ധിക്കാറുണ്ട്. സിനിമയിൽ ബോൾഡ് വേഷങ്ങൾ അഭിനയിച്ചാണ് താരം ഏറെയും ശ്രദ്ധനേടിയത്. ബിടെക് റാങ്ക് ഹോൾഡ്‌റായ അനുമോൾ അനുയാത്ര എന്ന വ്‌ലോഗിൽ കൂടി തന്റെ വിശേഷങ്ങളും ആരാധകർക്കായി പങ്കുവെയ്ക്കാറുണ്ട്.
സോഷ്യൽ മീഡിയയിൽ അനുമോൾ പങ്കുവെയ്ക്കുന്ന ഫോട്ടോസിന് പലപ്പോഴും അശ്ലീല കമന്റുകൾ വന്ന് നിറയാറുമുണ്ട് ഇത്തരക്കാർക്ക് നല്ല മറുപടി കൊടുക്കാനും അനുമോൾ മടിക്കാറില്ല. കഴിഞ്ഞ ദിവസം അനുമോൾ പങ്കുവെച്ച പാടത്ത് വിത്ത് വിതയ്ക്കുന്ന ചിത്രം മനോരമ ഓൺലൈൻ വാർത്തയാക്കിയിരിന്നു. ഇൻസ്റ്റാഗ്രാമിൽ ഇ ന്യൂസ് അനുമോൾ ഷെയർ ചെയ്തിരുന്നു.
എന്നാൽ ഇതിന് താഴെ അനുമോൾ എന്തിനാണ് ഹോട്ട് സീൻ ഫിലിംസിൽ മാത്രം അഭിനയിക്കുന്നത് എന്നാണ് ഒരാൾ കമന്റ് ഇട്ടത് അതിന് മറുപടിയായി നിങ്ങൾ അത് മാത്രം എന്തിനാണ് തിരഞ്ഞുപിടിച്ച് കാണുന്നത് ഞാൻ ചെയ്ത സിനിമകൾ അങ്ങനെയല്ലലോ അധികവും പെണ്ണുങ്ങളെ കാണുമ്പോൾ ഹോട്ടാണ് എന്ന് തോന്നാൻ കാരണമെന്താണെന്നും അനുമോൾ ചോദിക്കുന്നു.
അനുമോളെ പിന്തുണച്ചു കൊണ്ട് നിരവധി പേരാണ് ഇ കമ്ന്റിന് താഴെ എത്തിയത്. ഇപ്പോഴിതാ തന്റെ പുതിയ ചിത്രത്തിന് ഒരാൾ എഴുതിയ കമന്റിന് നടി അനു മോൾ നൽകിയ മറുപടി ആരാധകർ ഏറ്റെടുത്തിരിക്കുകയാണ്.
പുസ്തകം വായിക്കുന്ന ഒരു ഫോട്ടോ അനുമോൾ സമൂഹമാധ്യമത്തിൽ പോസ്റ്റ് ചെയ്തിരുന്നു. കർഷകശ്രീ അവാർഡൊക്കെ വിട്ട് ചേച്ചി നോവലിസ്റ്റ് ആവാനുള്ള പ്ലാൻ ആണോ എന്നായിരുന്നു ഒരാളുടെ കമന്റ്. അയാൾക്ക് ചുട്ട മറുപടിയുമായി രംഗത്ത് വന്നിരിക്കുകയാണ് അനുമോൾ. കർഷകർക്ക് നോവൽ വായിക്കാൻ പാടില്ലേ എന്നായിരുന്നു അനുമോൾ ചോദിച്ചത്.
