ലോകകപ്പിലെ ആവേശപോരാട്ടത്തിൽ പാക്കിസ്ഥാൻ ബൗളർമാരെ അടിച്ചോടിച്ച് ഹിറ്റ്മാൻ രോഹിത് ശർമയ്ക്ക് സെഞ്ചുറിത്തിളക്കം.
വെറും 35 പന്തിൽ 50 റൺസ് കടന്ന രോഹിത് 85 പന്തിൽ മൂന്നക്കം കടന്നു. ഇന്ത്യ ശക്തമായ നിലയിൽ നിൽക്കേ രോഹിതും കോലിയുമാണ് ക്രീസിൽ.
പാക്കിസ്ഥാനെതിരെതിരെ ഇന്ത്യക്ക് മികച്ച തുടക്കമാണ് ലഭിച്ചത്. ബാറ്റിങ് ദുഷ്‌കരമായ പിച്ചിൽ ടോസ് നഷ്ടപ്പെട്ട് ബാറ്റിങ് ആരംഭിച്ച ഇന്ത്യ 30 ഓവർ പിന്നിടുമ്പോൾ ഒരു വിക്കറ്റ് നഷ്ടത്തിൽ 172 റൺസെടുത്തിട്ടുണ്ട്.
അർദ്ധ സെഞ്ചുറി നേടിയ കെ എൽ രാഹുലിനെ(57) 24ാം ഓവറിൽ വഹാബ് റിയാസ്, ബാബർ അസമിൻറെ കൈകളിലെത്തിച്ചു. ഓപ്പണിംഗിൽ 136 റൺസ് പിറന്നു.
ഒരു മാറ്റവുമായിട്ടാണ് ഇന്ത്യ ഇറങ്ങിയത്. പരിക്കേറ്റ ശിഖർ ധവാന് പകരം വിജയ് ശങ്കർ ടീമിലെത്തി. ധവാന് പകരമാണ് രാഹുൽ ഓപ്പണറായെത്തിയത്.
മധ്യനിരയിലാണ് വിജയ് ശങ്കറിനും അവസരം നൽകിയത്. എന്നാൽ സാഹചര്യമനുസരിച്ചായിക്കും നാലാം നമ്പറിൽ ആര് കളിക്കുമെന്ന് തീരുമാനിക്കുക. ഇരു ടീമുകളും രണ്ട് സ്പിന്നർമാരുമായാണ് കളിക്കുന്നത്.
