ചെന്നൈ: ഇന്ത്യന്‍ പ്രീമിയര്‍ ലീഗില്‍ കിംഗ്സ് ഇലവന്‍ പഞ്ചാബിനെതിരായ മത്സരത്തിന് മുന്‍പ് ചെന്നൈ സൂപ്പര്‍ കിംഗ്സിന് വമ്പന്‍ തിരിച്ചടി.
പരിക്കേറ്റ ഓള്‍റൗണ്ടര്‍ ഡ്വെയ്ന്‍ ബ്രാവോയ്ക്ക് രണ്ടാഴ്ച കളിക്കാനാവില്ല. ചെന്നൈ സൂപ്പര്‍ കിംഗ്സ് ബാറ്റിംഗ് കോച്ച് മൈക്ക് ഹസിയാണ് വെള്ളിയാഴ്ച ഇക്കാര്യം വ്യക്തമാക്കിയത്.
ഗ്രേഡ് വണ്‍ ഹാംസ്ട്രിങ് ഇഞ്ചുറിയാണ് ബ്രാവോയ്ക്ക് സംഭവിച്ചത്. ഇന്ന് വൈകിട്ട് നാലിന് ചെന്നൈ ചെപ്പോക്ക് സ്റ്റേഡിയത്തിലാണ് ചെന്നൈ സൂപ്പര്‍ കിംഗ്സ് കിംഗ്സ് ഇലവന്‍ പഞ്ചാബ് മത്സരം.
ചെന്നൈ സൂപ്പര്‍ കിംഗ്സിനൊപ്പമാണ് മുന്‍കാല ചരിത്രം. ഇരുടീമും 19 കളിയില്‍ ഏറ്റുമുട്ടിയിട്ടുണ്ട്. പതിനൊന്നില്‍ ചെന്നൈയും എട്ടില്‍ പഞ്ചാബും ജയിച്ചു.
പരിചയസമ്പത്താണ് ചെന്നൈ സൂപ്പര്‍ കിംഗ്സിന്റെ കരുത്ത്. കഴിഞ്ഞ ദിവസത്തെ മല്‍സരത്തില്‍ ചെന്നൈ സൂപ്പര്‍ കിംഗ്സ് ഈ സീസണിലെ ആദ്യ പരാജയം ഏറ്റുവാങ്ങിയിരുന്നു.
