ഫുഡ്‌ബോള്‍ മാലാഖ ലയണല്‍ മെസിക്ക് ബാഴ്സലോണയില്‍ റെക്കോഡ് നേട്ടം. ക്ലബിന്റെ എക്കാലത്തേയും മികച്ച ഗോള്‍ കണ്ടെത്താനായി നടത്തിയ വോട്ടെടുപ്പിലാണ് മെസി അമ്പരിപ്പിക്കുന്ന നേട്ടം സ്വന്തമാക്കിയത്.
ഏറ്റവും മികച്ച ആദ്യ മൂന്നു ഗോളുകളും മെസി സ്വന്തം പേരിലാക്കി. ഒന്നാം സ്ഥാനത്ത് 2006-07 കോപ്പ ഡെല്‍ റെ സെമിയില്‍ ഗെറ്റാഫെയ്ക്കെതിരെ മെസി കരസ്ഥമാക്കിയ ഗോളാണ് ഇടംപിടിച്ചിരിക്കുന്നത്.
ഡിയാഗോ മറഡോണയെ അനുസ്മരിപ്പിക്കുതായി ഫുട്ബോള്‍ ലോകം വിലയിരുത്തുന്ന നേട്ടമാണിത്. ഇതേ രീതിയിലുള്ള ഗോളാണ് 1986 ല്‍ ഇംഗ്ലണ്ടിനെതിരെ മറഡോണയുടെ കാലുകള്‍ നേടിയത്.
45 ശതമാനം വോട്ടാണ് ഈ ഗോള്‍ സ്വന്തമാക്കിയത്. കോപ്പ ഡെല്‍ റെ ഫൈനലില്‍ അത് ലറ്റികോ മാഡ്രിഡിനെതിരെ 2014-15 ല്‍ നേടിയ ഗോള്‍ രണ്ടാം സ്ഥാനത്തും 2010-11 ല്‍ റയല്‍ മാഡ്രിഡിനെതിരെ കരസ്ഥമാക്കിയ ഗോള്‍ മൂന്നാം സ്ഥാനത്തും എത്തി.
നാലാം സ്ഥാനത്തുള്ള ഗോള്‍ 2017 ല്‍ സ്പാനിഷ് താരം സെര്‍ജിയോ റോബര്‍ട്ടോ സ്വന്തമാക്കിയതാണ്. പിഎസ്ജിക്കെതിരെ 2017 ല്‍ നടന്ന മത്സരത്തിലാണ് സെര്‍ജിയോയുടെ ഗോള്‍ പിറന്നത്.
