മലയാളത്തിന്റെ പ്രിയതാരം മോഹന്‍ലാലിനു പത്മഭൂഷന്‍ പുരസ്കാരം. കഴിഞ്ഞ ദിവസമാണ് രാജ്യം പത്മ അവാര്‍ഡുകള്‍ പ്രഖ്യാപിച്ചത്.
നാല്‍പ്പതു വര്‍ഷമായി സിനിമാ മേഖലയില്‍ നില്‍ക്കുന്ന താര രാജാവ് മോഹന്‍ലാലിനു പത്മഭൂഷന്‍. പത്മശ്രീ പുരസ്കാരത്തിന് പിന്നാലെ നീണ്ട വര്‍ഷത്തിന് ശേഷം പത്മഭൂഷന്‍ കൂടി ലഭിച്ചതിന്റെ സന്തോഷം താരം പങ്കുവയ്ക്കുന്നു.
മോഹന്‍ലാലിന്റെ ഈ പുരസ്കാരത്തിനു ഒരു കൌതുകമുണ്ട്. വര്‍ഷങ്ങള്‍ക്ക് , മുന്പ് സംവിധായകന്‍ പ്രിയദര്‍ശന്‍ ഒരുക്കിയ കാക്കക്കുയിലില്‍ അഭിനയിക്കുമ്ബോള്‍ ആയിരുന്നു പത്മശ്രീ കിട്ടിയത്.
ഇപ്പോള്‍ പ്രിയദര്‍ശന്‍ തന്നെ ഒരുക്കുന്ന ‘മരയ്ക്കാര്‍ അറബക്കടലിന്റെ സിംഹം’ എന്ന സിനിമ ഷൂട്ടിങ്ങിനിടെയാണ് പത്മഭൂഷന്‍ മോഹന്‍ലാലിനു ലഭിക്കുന്നത്.
‘ഇതുവരെ ലഭിച്ച എല്ലാ അംഗീകാരങ്ങളും ഒരുപാട് ഊര്‍ജ്ജം നല്‍കിയിട്ടുണ്ട്. തീര്‍ച്ചയായും മുന്നോട്ടുള്ള യാത്രയില്‍ ഈ പുരസ്കാരവും വലിയ പ്രചോദനമാവും എന്ന് പ്രതീക്ഷിക്കുന്നതായും’ മോഹന്‍ലാല്‍ വ്യക്തമാക്കി.
