രാമലീല എന്ന് സൂപ്പര്‍ഹിറ്റിന് ശേഷം അരുണ്‍ഗോപി സംവിധാനം ചെയ്യുന്ന ചിത്രം ഇരുപത്തിയൊന്നാം നൂറ്റാണ്ടിനായുള്ള പ്രണവ് മോഹന്‍ലാലിന്റെ സാഹസിക സര്‍ഫിങ് വീഡിയോ വൈറലാകുന്നു.
വമ്പന്‍ സംഘട്ടന രംഗങ്ങള്‍ ആണ് ഈ ചിത്രത്തിന്റെ ഹൈലൈറ്റ് എന്നാണ് റിപ്പോര്‍ട്ടുകള്‍ പറയുന്നത്. പ്രണവ് മോഹന്‍ലാലിന്റെ സര്‍ഫിങ് രംഗങ്ങള്‍ക്കു ഒപ്പം ഒരു ട്രെയിന്‍ ഫൈറ്റും ഈ ചിത്രത്തിന്റെ ഭാഗം ആണ്.
പുലിമുരുകനിലെയും ഒടിയനിലെയും മോഹന്‍ലാലിന്റെ വിസ്മയകരമായ സംഘട്ടന രംഗങ്ങളുടെ സ്റ്റണ്ട് മാസ്റ്റര്‍ പീറ്റര്‍ ഹെയ്‌നാണ് ഈ ചിത്രത്തിനും സംഘടനം ഒരുക്കുന്നത്.
ചിത്രത്തില്‍ നായികയായി എത്തുന്നത് സയ ഡേവിഡ് ആണ്. ആന്റണി പെരുമ്പാവൂരും ചിത്രത്തില്‍ അഭിനയിക്കുന്നുണ്ടെന്നതും ശ്രദ്ധേയമാണ്.
പ്രണവ് നായകനായി അരങ്ങേറ്റം കുറിച്ച ആദിയില്‍ ആന്റണി പെരുമ്പാവൂരായി തന്നെയാണ് അഭിനയിച്ചത്. ഇരുപത്തിയൊന്നാം നൂറ്റാണ്ടിലും ആന്റണി പെരുമ്പാവൂര്‍ ‘ആന്റണി’യായി എത്തുന്നു.
ആന്റണി ബാവൂര്‍ എന്ന പൊലീസ് കഥാപാത്രമായാണ് അദ്ദേഹം ഈ ചിത്രത്തിലെത്തുന്നത്. പതിവില്‍നിന്നു വ്യത്യസ്തമായ, അല്‍പം പ്രാധാന്യമുള്ള വേഷമാണിത്.
ചിത്രം നിര്‍മിക്കുന്നത് ടോമിച്ചന്‍ മുളകുപാടമാണ്. കലാഭവന്‍ ഷാജോണ്‍, മനോജ് കെ. ജയന്‍, ഗോകുല്‍ സുരേഷ് എന്നിവരാണ് മറ്റു താരങ്ങള്‍.
പുതുമുഖം സായ ഡേവിഡ് നായികയാകുന്നു. ചിത്രം ജനുവരി 26ന് തിയറ്ററുകളിലെത്തും.
