മെഗാ സ്‌റ്റാര്‍ മമ്മൂട്ടി കേരളം സിംഹം പഴശിരാജയായി നിറഞ്ഞാടിയ ചിത്രമാണ് മമ്മൂട്ടി-ഹരിഹരന്‍-എം.ടി കൂട്ടുകെട്ടില്‍ പിറന്ന പഴശിരാജ. 2009ല്‍ പുറത്തിറങ്ങിയ ചിത്രം മലയാളത്തിലെ മികച്ച സൂപ്പര്‍ ഹിറ്റുകളിലൊന്നായിരുന്നു.
മമ്മൂട്ടിക്കൊപ്പം ശരത് കുമാര്‍, മനോജ് കെ ജയന്‍, സുമന്‍ എന്നിവര്‍ പ്രധാന വേഷങ്ങളില്‍ എത്തിയ ചിത്രം ദേശീയ പുരസ്‌കാരങ്ങളടക്കം നേടിയിരുന്നു.
ഇപ്പോഴിതാ ചിത്രത്തില്‍ നിന്ന് നീക്കം ചെയ്യപ്പെട്ട ഒരു രംഗം സോഷ്യല്‍ മീഡിയയില്‍ വൈറലാവുകയാണ്. റിലീസ് ചെയ്ത ആദ്യ ദിനങ്ങളില്‍ സിനിമയില്‍ നിന്നും നീക്കം ചെയ്ത ഈ രംഗം പിന്നീട് 75ാം ദിനം കൂട്ടിചേര്‍ക്കുകയായിരുന്നു.
എന്നാല്‍ സിനിമയുടേതായി പുറത്തിറങ്ങിയ ഡിവിഡി പ്രിന്റുകളില്‍ ഇത് ഉള്‍പ്പെടുത്തിയിരുന്നില്ല.
പഴശിരാജയും പഴയംവീടന്‍ ചന്തുവും തമ്മിലുള്ള അത്യുഗ്രന്‍ വാള്‍പയറ്റാണ് ഈ രംഗത്തില്‍ കാണാനാകുക. സിനിമയുടെ നീളക്കൂടുതല്‍ കാരണമാണ് ആക്ഷന്‍ രംഗം അണിയറപ്രവര്‍ത്തകര്‍ നീക്കം ചെയ്‌തത്.
