കൊച്ചി: മീ ടൂ കാമ്പയിനില് പല പ്രമുഖ നേതാക്കളും ആരോപണങ്ങള് നേരിടുമ്പോള് ശോഭനാ ജോര്ജ്ജ് രംഗത്ത്. മീ ടൂ? എന്നാണ് അവര് തന്റെ ഫേസ്ബുക്കില് കുറിച്ചിരിക്കുന്നത്. ഇതിന്റെ താഴെ നിരവധി അഭിപ്രായങ്ങളാണ് വരുന്നത്.
കോണ്ഗ്രസ്സുകാര് പരിഹസിച്ചും സിപിഎമ്മുകാര് അനുകൂലിച്ചുമാണ് കമന്റ്. എന്തെങ്കിലും ഉണ്ടായിട്ടുണ്ടെങ്കില് പറയൂ എന്ന് ധൈര്യം കൊടുക്കുന്നതും കാണാം. ചിലരുടെ പരിഹാസം ട്രെയിന് പിടിച്ചു വരേണ്ടി വരുമെന്നാണ്.
മറ്റ് ചിലര് മുന്നറിയിപ്പുമായി രംഗത്തുണ്ട്, വേണ്ട കേരള രാഷ്ട്രീയം മലീമസമാകും എന്നാണ് മുന്നറിയിപ്പ്. എന്തായാലും വരും ദിവസങ്ങളില് മീ ടൂ കാമ്പെയിന് രാഷ്രീയ മുതലെടുപ്പുകള്ക്കായി ഉപയോഗിക്കപ്പെടുമെന്ന സൂചനയാണ് കാണുന്നത്.
കഴിഞ്ഞ ദവസം നടനും എംഎല്എയുമായ മുകേഷിനെതിരെയും സംഗീതസംവിധായകന് ഗോപി സുന്ദറിനെതിരെയും മീ ടി കാമ്പയനില് യുവതികള് രംഗത്തെത്തിയിട്ടുണ്ട്. മലയാള സിനിമയിലെ പലരുടെയും മുഖംമൂടി വരുദിവസങ്ങളില് മീ ടു കാമ്പെയിനിലൂടെ വലിച്ചുകീറുമെന്നാണ് റിപ്പോര്ട്ടുകള്.
ടെലിവിഷന് പരിപാടിയുടെ ചിത്രീകരണത്തിനിടയില് പത്തൊന്പത് വര്ഷം മുന്പ് നടന്ന സംഭവം ടെസ് ജോസഫ് ആണ് വെളിപ്പെടുത്തിയത്. അന്ന് ചിത്രീകരണത്തിനിടയില് നടന് മുകേഷ് നിരന്തരം വിളിച്ച് തന്റെ അടുത്ത റൂമിലേക്ക് മാറാന് നിര്ബന്ധിച്ചെന്നാണ് ടെലിവിഷന് പരിപാടിയുടെ സാങ്കേതിക പ്രവര്ത്തകയായിരുന്ന ടെസ് ജോസഫ് പറയുന്നത്. കൊല്ക്കത്ത സ്വദേശിയായ ടെസ് ഇപ്പോള് കാസ്റ്റിങ് ഡയറക്ടറായി പ്രവര്ത്തിക്കുകയാണ്.
സംഗീതവുമായി ബന്ധമുള്ള ഗോപീ സുന്ദറുമായി ചേര്ന്നു പ്രവര്ത്തിക്കണം എന്നാഗ്രഹിച്ച പെണ്കുട്ടിയാണ് വെളിപ്പെടുത്തല് നടത്തിയിരിക്കുന്നത്. ഇന്ത്യാ പ്രൊട്ടസ്റ്റ് എന്ന ട്വിറ്റര് പേജാണ് ഗോപീസുന്ദറിനെതിരെ ഗുരുതരമായ ആരോപണങ്ങള് അടങ്ങിയ വെളിപ്പെടുത്തല് പുറത്തുവിട്ടത്. അതേസമയം പെണ്കുട്ടിയുടെ പേരു വെളിപ്പെടുത്താതെയാണ് മീടു കാമ്പെയിനുമായി പ്രവര്ത്തിക്കുന്ന ഇന്ത്യാ പ്രൊട്ടസ്റ്റ് ആരോപണം ഉന്നയിച്ചത്. ചെറിയ പ്രായത്തില് തന്നെ സംഗീതലോകവുമായി ചേര്ന്നു പ്രവര്ത്തിക്കുന്ന പെണ്കുട്ടിയാണ് താനെന്ന് പറഞ്ഞു കൊണ്ടാണ് പെണ്കുട്ടിയുടെ വെളിപ്പെടുത്തല് തുടങ്ങുന്നത്.
പെണ്കുട്ടിയുടെ വെളിപ്പെടുത്തല് ഇങ്ങനെ: അന്ന് ഹൈസ്ക്കൂളില് പഠിക്കുന്ന പ്രായമായിരുന്നു അത്. 18 വയസു പൂര്ത്തിയായിരുന്നില്ല, അന്നാണ് തനിക്ക് ആദ്യം ദുരനുഭവും ഉണ്ടായത്. അന്ന് ഗോപീസുന്ദറിന് 34 വയസു വരെ പ്രായമേ കാണൂ. അന്ന് തനിക്ക് അദ്ദേഹം റോള് മോഡല് ആയിരുന്നു. താന് ആകട്ടെ കരിയറില് ഉന്നതികള് ആഗ്രഹിക്കുന്ന വ്യക്തിയും.
ഒരു ദിവസം അദ്ദേഹം എന്നെ ഫോണില് വിളിച്ചു. അതില് പ്രത്യേകിച്ചൊന്നും തോന്നിയില്ല. എന്നാല് പിന്നീട് സംസാരത്തിത്തിന്റെ ഗതി മാറുകയാണ് ഉണ്ടായത്. അദ്ദേഹത്തിന് ഞാനുമായി ബന്ധം സ്ഥാപിക്കുകയാണ് വേണ്ടതെന്ന് പറഞ്ഞു. അത് സമൂഹത്തിന് അംഗീകരിക്കാന് സാധിക്കാത്ത കാര്യങ്ങളായിരുന്നു. ഇതോടെ ഞാന് ഭയന്നു പോയി.
പിന്നീടും അദ്ദേഹം ഈ സംസാരം ആവര്ത്തിച്ചു. അന്ന് വളരെ മോശമായ വിധത്തിലായിരുന്നു. ഒരു ദിവസം അദ്ദേഹം എന്നോടു പറഞ്ഞു. താന് സ്വയംഭോഗം ചെയ്യുകയാണെന്ന്. താന് അഡല്ട്ട് സിനിമകള് കാണാറുണ്ടോ എന്നും ചോദിച്ചു. എന്താണ് സ്വയംഭോഗം എന്നതിന്റെ അര്ത്ഥം പോലും തനിക്ക് അറിയാത്ത പ്രായമായിരുന്നു അത്. ഇതിന് ശേഷം പിന്നെയും ഒരു വര്ഷത്തോളവും അദ്ദഹത്തില് നിന്നും ദുരനുഭവം ഉണ്ടായി. ഞാന് കോളേജില് എത്തിയപ്പോള് ഞാന് കന്യകയാണോ എന്നു ചോദിച്ചു കൊണ്ടുള്ള മെസേജ് അദ്ദേഹം അയച്ചു. ഒരിക്കല് സംഭോഗത്തിനും അദ്ദേഹം ചോദിച്ചു.
ഇത്രയും ആയതോടെ തനിക്ക് ഇക്കാര്യത്തില് താല്പ്പര്യമില്ലെന്ന് തുറന്നു പറഞ്ഞു. എന്നിട്ടും തന്റെ ശല്യപ്പെടുത്തുകയാണ് ഉണ്ടായത്. ഒരിക്കല് അദ്ദേഹം എന്നോടു പറഞ്ഞത്, എനിക്കു വേണ്ടി ഒരു പാട്ടു കണ്ടുവെച്ചിട്ടുണ്ടെന്നാണ്. അതില് പാടണമെന്നും പറഞ്ഞു. കൂടുതല് പാട്ടുകളും തനിക്കായി ഉണ്ടെന്നും ഗോപീസുന്ദര് പറഞ്ഞു.എന്നാല് അതിനു മുമ്പായി എന്റെ വീട്ടില് വരണമെന്നായിരുന്നു അദ്ദേഹം ആവശ്യപ്പെട്ടത്. തുടര്ന്ന് നമുക്ക് വിശദമായി ചര്ച്ച ചെയ്യാമെന്നും ചോദിച്ചു. അന്നു ചോദിച്ചത് ഞാനൊരു കന്യകയാണോ എന്നാണ്.