മലയാളത്തിന്റെ താരരാജാവ്‌ മോഹന്‍ലാല്‍ തിരക്കോടുതിരക്കിലാണ് . ഇപ്പോള്‍ കെ വി ആനന്ദ് സംവിധാനം ചെയ്യുന്ന സൂര്യ ചിത്രത്തില്‍ അഭിനയിച്ചുവരികയാണ് താരം. പ്രധാനമന്ത്രിയായാണ് മോഹന്‍ലാല്‍ ഈ തമിഴ് ചിത്രത്തില്‍ വേഷമിടുന്നത്.
ഉടന്‍ തന്നെ ആ സിനിമയുടെ ഷൂട്ടിംഗില്‍ നിന്ന് ബ്രേക്ക് എടുത്ത് ഒടിയന്‍റെ ഷൂട്ടിംഗിനായി മോഹന്‍ലാല്‍ എത്തും. ഇനി മൂന്ന് ദിവസത്തെ ഷൂട്ടിംഗാണ് ഒടിന് ബാക്കി നില്‍ക്കുന്നത്.
ഒക്ടോബര്‍ 17 മുതല്‍ 19 വരെയുള്ള മൂന്ന് ദിവസങ്ങളില്‍ ഒടിയന്‍ ചിത്രീകരിക്കാനാണ് പരിപാടി. അതിന് ശേഷം തമിഴ് ചിത്രത്തിലേക്ക് മടങ്ങുന്നതിന് മുമ്ബ് മോഹന്‍ലാല്‍ ലൂസിഫറിന്‍റെ ചിത്രീകരണത്തിലും പങ്കെടുക്കും.
ലൂസിഫറില്‍ മോഹന്‍ലാലിന്‍റെ കിടിലന്‍ ആക്ഷന്‍ രംഗങ്ങള്‍ ഇനി ചിത്രീകരിക്കാനുണ്ട്. അതില്‍ ഒരു ആക്ഷന്‍ സീന്‍ പൂര്‍ണമായും ഷൂട്ട് ചെയ്ത ശേഷം മോഹന്‍ലാല്‍ വീണ്ടും തമിഴ് ചിത്രത്തിനായി വിദേശത്തേക്ക് പോകുമെന്നാണ് അറിയുന്നത്.
ഇതിനിടയില്‍ കുഞ്ഞാലിമരക്കാര്‍ ചിത്രീകരണം ഉടന്‍ തുടങ്ങാനും പദ്ധതിയുണ്ട്.
