കൊച്ചി: കാറപകടത്തില് ഗുരുതരമായി പരിക്കേറ്റ് ആശുപത്രിയില് ചികിത്സയില് കഴിയുന്ന ബാലഭാസ്കറിന്റെ ഭാര്യ ലക്ഷ്മിയുടെ ആരോഗ്യനിലയില് നേരിയ പുരോഗതി.
വെന്റിലേറ്ററിന്റെ സഹായം 80 ശതമാനമായി കുറച്ചിട്ടുണ്ട്. ഇടയ്ക്ക് മകളെയും ഭര്ത്താവിനെയും തിരക്കാറുണ്ട്.
അവര് ചികിത്സയിലാണെന്നാണ് ബന്ധുക്കള് ലക്ഷ്മിയെ ധരിപ്പിച്ചിരിക്കുന്നത്. ലക്ഷ്മിയുടെ തോളിലെ ഞരമ്പിന് സാരമായ ക്ഷതമേറ്റിട്ടുണ്ട്. കാല്മുട്ടിനും തലച്ചോറിനുമേറ്റ പരിക്കുകള് ഭേദപ്പെട്ടുവരികയാണെന്ന് ആശുപത്രി അധികൃതര് വ്യക്തമാക്കി. ബന്ധുക്കളെ തിരിച്ചറിയുന്നുണ്ട്.
ലക്ഷ്മിയുടെ ശാരീരികാവസ്ഥ കണക്കിലെടുത്ത് മാനസികാഘാതമുണ്ടാക്കുന്ന ഒരു കാര്യവും പറയരുതെന്ന് ഡോക്ടര്മാര് ബന്ധുക്കളോടു പറഞ്ഞിട്ടുണ്ട്. ഇത് കണക്കിലെടുത്ത് ബാലഭാസ്കറും മകളും മരിച്ചവിവരം ഇതുവരെയും അറിയിച്ചിട്ടില്ല.
അപകടത്തില് ബാലബാസ്കറിന്റെ രണ്ട് വയസ്സായ മകള് തേജസ്വിനി ബാല(ജാനി) മരിച്ചിരുന്നു. ആശുപത്രിയില് ചികിത്സയിലായിരുന്ന ബാലഭാസ്കര് ഹൃദയസ്തംഭനത്തെത്തുടര്ന്ന് ചൊവ്വാഴ്ചയാണ് മരിച്ചത്. അപകടത്തില് പരിക്കേറ്റ ഡ്രൈവര് അര്ജുനനെ തീവ്രപരിചരണ വിഭാഗത്തില്നിന്ന് വാര്ഡിലേക്കു മാറ്റി.