മോഹന്‍ലാല്‍ അവതാരകനായി എത്തുന്ന ബിഗ് ബോസ് റിയാലിറ്റി ഷോയ്ക്ക് സെപ്റ്റംബര്‍ 30 ന് ഗ്രാന്‍ഡ് ഫിനാലെ. ഏഴുപേരുമായി അവസാനഘട്ടത്തിലേയ്ക്ക് കടക്കുന്ന ഷോയില്‍ നാലുപേരാണ് എലിമിനേഷന്‍ ലിസ്റ്റില്‍.
സാബു, പേളി, അര്‍ച്ചന, ഷിയാസ് ഇവരില്‍ ആരാകും ഷോയില്‍ നിന്നും പുറത്താകുകയെന്ന ആകാംഷയിലാണ് ആരാധകര്‍. ചാനല്‍ പുറത്തു വിട്ട പുതിയ പ്രമോ സമൂഹ മാധ്യമങ്ങളില്‍ ചര്‍ച്ചയാകുകയാണ്.
പ്രേക്ഷകരെ ഞെട്ടിപ്പിക്കുന്നൊരു തീരുമാനമാണ് ബിഗ് ബോസില്‍ ഇനി നടക്കുന്നതെന്നുസൂചന. ഞായറാഴ്ച നടക്കുന്ന എപ്പിസോഡിന്റെ പ്രമോയില്‍ സാബു മോന്‍ പുറത്തേക്ക് പോവുന്നതായിട്ടാണ് കാണിച്ചിരിക്കുന്നത്.
ഏറ്റവുമധികം ആരാധകരുള്ള മത്സരാര്‍ത്ഥികളില്‍ ഒരാളാണ് സാബു. അതിനാല്‍ സാബുവിനെ പുറത്താക്കിയാല്‍ വലിയ പ്രശ്‌നമുണ്ടാവും. അങ്ങനെയിരിക്കെ ഷോയുടെ പ്രമോയില്‍ കാണിച്ചിരിക്കുന്നതിന്റെ സത്യാവസ്ഥ സോഷ്യല്‍ മീഡിയ കണ്ടെത്തിയിരിക്കുകയാണ്.
പലപ്പോഴും ട്വിസ്റ്റ് കൊണ്ടുവരാന്‍ ഷോ ശ്രമിക്കാറുണ്ട്. ഹിമയുടെ നാടകീയമായ പുറത്താക്കല്‍ ഓര്‍മ്മിപ്പിച്ചു കൊണ്ട് സബ് മോന്‍ പുരത്താകില്ലെന്നു വാദിക്കുകയാണ് സോഷ്യല്‍ മീഡിയ. സാബുവിനെ പുറത്താക്കിയതായി കാണിച്ച്‌ പ്രേക്ഷകരെ മുള്‍മുനയില്‍ നിര്‍ത്താനുള്ള ശ്രമമാണിത്. എന്നാല്‍ സാബുവിന് പകരം ഇന്ന് രണ്ട് പേര്‍ എലിമിനേറ്റാവുമെന്നും ചിലര്‍ പറയുന്നു.
അര്‍ച്ചനക്കാണ് കുറവ് വോട്ട് ഉള്ളത്. അതുകൊണ്ട് തന്നെ രണ്ടാള്‍ പോവുന്നുണ്ടേല്‍ അര്‍ച്ചനയാകും അതില്‍ ഒരാള്‍ എന്നും സോഷ്യല്‍ മീഡിയ വിലയിരുത്തുന്നു. അര്‍ച്ചനയുടെ കൂടെ പേര്‍ളി അല്ലെങ്കില്‍ ഷിയാസ് ഉണ്ടാവും. രണ്ടു എലിമിനേഷന്‍ ഇല്ലേല്‍ ഫൈനല്‍ 6 പേര്‍ ആയിരിക്കുമെന്നുമാണ് സോഷ്യല്‍ മീഡിയയുടെ വിലയിരുത്തല്‍.
