താര പുത്രിമാരില്‍ ബോളിവുഡില്‍ തിളങ്ങുന്ന നടിയായി മാറിയിരിക്കുകയാണ് സാറ അലി ഖാന്‍. നിരവധി ആരാധകരാണ് നടന്‍ സെയ്ഫ് അലി ഖാന്റെ മകള്‍ സാറയ്ക്കുള്ളത്. ബോളിവുഡിലെ സൂപ്പര്‍ താരങ്ങളുടെ ചിത്രങ്ങളാണ് ഇന്ന് സാറയെ കാത്തിരിക്കുന്നത്.
പതിവായി ആര്‍ഭാടപൂര്‍വ്വം പ്രത്യക്ഷപ്പെടുന്ന നടിമാരില്‍ നിന്നെല്ലാം തികച്ചും വ്യത്യസ്തയാണ് സാറ അലി ഖാന്‍. വളരെ സിംപിള്‍ ആണ് താരമെന്നാണ് ആരാധകര്‍ പറയുന്നത്. സെയ്ഫ് അലി ഖാന്റെയും അമൃത സിംഗിന്റെയും മകള്‍ എന്ന ലേബലില്‍ നിന്നും വിട്ടുമാറി സ്വന്തമായി ഒരു ഐഡന്റിറ്റി ഉണ്ടാക്കിയെടുക്കാന്‍ താരത്തിന് കഴിഞ്ഞിട്ടുണ്ട്.
ഇന്ന് സോഷ്യല്‍മീഡിയയിലും ഏറെ സജീവമാണ് സാറ. ഇപ്പോഴിതാ സാറ അലിഖാന്റെ വീഡിയോയും ചിത്രങ്ങളുമാണ് വൈറലായിക്കൊണ്ടിരിക്കുന്നത്. ലാക്‌മേ ഫാഷന്‍ വീക്കിന്റെ റാംപില്‍ ചുവടുവെക്കുന്ന സാറയുടെ വീഡിയോയും ചിത്രങ്ങളുമാണ് വൈറലായത്.
ശരീരത്തില്‍ പൊള്ളലേറ്റ പാടുകള്‍ ഒന്നും മറക്കാതെയായിരുന്നു സാറ റാംപില്‍ ചുവടുവെച്ചത്. ഏതാനും ദിവസങ്ങള്‍ക്ക് മുമ്പായിരുന്നു താരത്തിന് പൊള്ളലേറ്റത്. സ്ത്രീകള്‍ അവളുടെ അടയാളങ്ങള്‍ ആശ്ലേഷിക്കുന്നുവെന്നും ഇത് വിജയത്തിന്റെ വടുവാണ് എന്നാണ് വീഡിയോ പങ്കിട്ട് കുറിച്ചിരിക്കുന്നത്.
Also Read:മോഹന്‍ലാലിന്റെ 360മത്തെ ചിത്രം; തന്റെ പുതിയ സിനിമയെ കുറിച്ച് ലാല്‍
അത് ആത്മവിശ്വാസത്തിന്റെ വടുവാണ്, വളരെ ഭംഗിയായിട്ട് അവള്‍ അതിനെ വഹിക്കുന്നത് നോക്കൂ, നിന്നെ കുറിച്ച് ഓര്‍ത്ത് അബിമാനിക്കുന്നു സാറ എന്നും കുറിച്ചിട്ടുണ്ട്. സിലവര്‍ എംബ്രോയിഡറി വര്‍ക്കിലുള്ള ലെഹങ്കയായിരുന്നു സാറ അണിഞ്ഞത്.
