ആരാധകരുടെ പ്രിയപ്പെട്ട ബോളിവുഡ് നടിയും മോഡലുമാണ് ദീപിക പദുകോണ്. 1986 ജനുവരി 5നാണ് താരത്തിന്റെ ജനനം. പ്രശസ്ത ഇന്ത്യന് ബാഡ്മിന്റണ് താരമായിരുന്ന പ്രകാശ് പദുക്കോണ് ആണ് ദീപികയുടെ പിതാവ്. ദീപിക ജനിച്ചതു വളര്ന്നതും ഡെന്മാര്ക്കിലാണ്.
ദീപികക്ക് 11 വയസ്സുള്ളപ്പോള് അവരുടെ കുടുംബം ബാംഗ്ലൂരിലേക്ക് താമസം മാറിയത്. ബാഡ്മിന്റണില് നേട്ടമുണ്ടാക്കിയ താരം പിന്നീട് മോഡലിംഗ് കരിയറായി തിരഞ്ഞെടുക്കുകയായിരുന്നു. ദീപിക ആദ്യമായി അഭിനയിച്ചത് കന്നട ചിത്രമായ ഐശ്വര്യയില് ആണ്.
പിന്നീട് ഓം ശാന്തി ഓം എന്ന ഷാരൂഖ് ചിത്രത്തിലൂടെ നായികയായി ബോളിവുഡില് അരങ്ങേറിയ ദീപികയ്ക്ക് തിരിഞ്ഞു നോക്കേണ്ടി വന്നിട്ടില്ല. നടന് രണ്വീര് സിങിനെ വിവാഹം ചെയ്ത ശേഷവും താരം കരിയറില് ശക്തയായ തുടരുകയാണ്.
കഴിഞ്ഞ ദിവസമാണ് ദീപിയുടെയും രണ്ബീറിന്റെയും ജീവിതത്തിലെ സന്തോഷ വാര്ത്ത പുറത്തുവന്നത്. തങ്ങള് ആദ്യത്തെ കണ്മണിക്കായുള്ള കാത്തിരിപ്പിലാണെന്ന് പരസ്യമായി പറഞ്ഞിരിക്കുകയാണ് ദീപികയും രണ്ബീറും. ഈ സാഹചര്യത്തില് രണ്ബീര് നേരത്തെ പറഞ്ഞ ചില കാര്യങ്ങളാണ് ശ്രദ്ധനേടുന്നത്.
തനിക്കൊരു പെണ്കുഞ്ഞിനെ വേണം. ഭാര്യ ദീപിക പദുക്കോണിനെ പോലെ തന്നെയുള്ള പെണ്കുഞ്ഞിനെയാണ് തനിക്ക് വേണ്ടതെന്നും ദീപിക കുട്ടിക്കാാലത്ത് എന്തൊരു ക്യൂട്ടായിരുന്നുവെന്ന് കുട്ടിക്കാലഫോട്ടോ നോക്കി താന് അവളോട് പറയാറുണ്ടെന്നും രണ്ട് വര്ഷങ്ങള്ക്ക് മുമ്പത്തെ ഒരു അഭിമുഖത്തില് രണ്ബീര് പറഞ്ഞിരുന്നു.
