വിരലിലെണ്ണാവുന്ന ചിത്രങ്ങളില്‍ മാത്രമേ അഭിനയിച്ചിട്ടുള്ളൂവെങ്കിലും മലയാള സിനിമാപ്രേമികളുടെ ഇഷ്ട നടിമാരുടെ ലിസ്റ്റില്‍ കയറിപ്പറ്റിയ ആളാണ് അപര്‍ണ ഗോപിനാഥ്. ചാര്‍ളി, ബൈസിക്കിള്‍ തീവ്‌സ്, സ്‌കൂള്‍ ബസ്, എബിസിഡി തുടങ്ങി ഏതാനും ചിത്രങ്ങളിലാണ് അപര്‍ണ നായികയായി എത്തിയത്.
ചെയ്ത സിനിമകളിലെല്ലാം വളരെ ബോള്‍ഡായ കഥാപാത്രങ്ങളെയായിരുന്നു അപര്‍ണ അവതരിപ്പിച്ചത്. ചാര്‍ളിയിലെ അപര്‍ണയുടെ കഥാപാത്രം പ്രേക്ഷശ്രദ്ധനേടിയിരുന്നു. എന്നാല്‍ സിനിമാനടി മാത്രമല്ല, ഒരു തിയ്യേറ്റര്‍ ആര്‍ട്ടിസ്റ്റും ഡാന്‍സറും കൂടിയാണ് അപര്‍ണ.
ഇന്ന് സിനിമയില്‍ അത്രത്തോളം ആക്ടിവല്ലെങ്കിലും സോഷ്യല്‍മീഡിയയില്‍ ഒത്തിരി ആക്ടിവാണ് താരം. ഇപ്പോഴിതാ അപര്‍ണ സോഷ്യല്‍മീഡിയയില്‍ പങ്കുവെച്ചിരിക്കുന്ന ചിത്രങ്ങളും ക്യാപ്ഷനുമാണ് ആരാധകരെ ഒന്നടങ്കം കുഴപ്പിച്ചിരിക്കുന്നത്.
ബ്ലാക്ക് ആന്‍ഡ് വൈറ്റ് തീമിലാണ് താരം ചിത്രങ്ങള്‍ പങ്കുവെച്ചിരിക്കുന്നത്. തിരിച്ചുവരില്ലെന്ന് കരുതിയിടത്ത് നിന്നും മനോ ധൈര്യം കൊണ്ടും വിധി അതായതുകൊണ്ടും പ്രാര്‍ത്ഥന കൊണ്ടും തിരിച്ചുവന്നുവെന്നും കുറിച്ചുകൊണ്ടായിരുന്നു അപര്‍ണ തന്റെ പുതിയ ചിത്രങ്ങള്‍ പങ്കുവെച്ചിരിക്കുന്നത്.
മറ്റൊരു ഫോട്ടോയ്ക്ക് പഴയ അവസ്ഥയിലേക്ക് തിരിച്ചെത്തിയെന്നും ദൈവത്തിന് നന്ദിയെന്നുമാണ് അപര്‍ണ ക്യാപ്ഷനായി നല്‍കിയത്. ചിത്രങ്ങള്‍ കണ്ട് ആശങ്കയിലായിരിക്കുകയാണ് ആരാധകര്‍. അപര്‍ണക്ക് എന്താണ് പറ്റിയതെന്ന് ആരാധകര്‍ ഒന്നടങ്കം ചോദിക്കുന്നു.
