ജനപ്രീയമായ മികച്ച സീരിയലുകൾ സംപ്രേഷണം ചെയ്യുന്നതിൽ എന്നും മുൻപന്തിയിൽ നിൽക്കുന്ന ചാനലാണ് ഏഷ്യാനെറ്റ്. അതിലൊന്നാണ് മൗനരാഗം. ഊമയായ പെൺകുട്ടിയുടെ കഥയാണ് സീരിയൽ പറയുന്നത്. ജീവിതത്തിൽ അവൾ അനുഭവിക്കുന്ന ദുരിതങ്ങളും ദുഖങ്ങളും അവഗണനകളുമാണ് സീരിയലിന്റെ ഇതിവൃത്തം.
തമിഴ് താരങ്ങളായ നലീഫ് ജിയയും ഐശ്വര്യ റാംസായുമാണ് സീരിയലിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഇവർക്കൊപ്പം തന്നെ സീരിയലിൽ പ്രേക്ഷകർ ഏറ്റെടുത്ത മറ്റൊരു പ്രണയ ജോഡികൾ കൂടിയുണ്ട്. സോണിയും വിക്രമും. ഇവരുടെ പ്രണയവും വിവാഹവുമൊക്കെ പ്രേക്ഷകർ ഏറ്റെടുത്തിരുന്നു.
സോണിയായി എത്തുന്നത് തമിഴ് നടി ശ്രീ ശ്വേതയാണ്. എന്നാൽ പിന്നീട് സീരിയൽ നിന്നും പിന്മാറിയിരുന്നു നടി. എങ്കിലും താരത്തിന്റെ ആരാധകരുടെ എണ്ണത്തിൽ ഒരു കുറവും സംഭവിച്ചിട്ടില്ല. വളരെ ചുരുങ്ങിയ കാലം കൊണ്ടാണ് ശ്രീ ശ്വേത പ്രേക്ഷകരുടെ പ്രിയങ്കരിയായി മാറി. തന്റെ പുതിയ ചിത്രങ്ങളെല്ലാം താരം സോഷ്യൽമീഡിയയിലൂടെ പങ്കുവെക്കാറുണ്ട്.
ഇപ്പോഴിതാ പുതുവർഷത്തെ ആവേശപൂർവം വരവേൽക്കുകയാണ് ശ്രീശ്വേത മഹാലക്ഷ്മി. ഇൻസ്റ്റാഗ്രാമിലെ റീലിലൂടെയാണ് ആഘോഷത്തോടെയും ആവേശത്തോടെയും 2024 നേ വരവേൽക്കുന്നതായി താരം അറിയിച്ചത്. താരത്തിനും നല്ലൊരു വർഷം ആശംസിക്കുകയാണ് ആരാധകർ.
