അങ്ങനെ ഏറെ നാളത്തെ കാത്തിരിപ്പുകൾക്ക് ഒടുവിൽ ചിത്രം നേര് ഇന്ന് റിലീസ് ചെയ്യ്തിരിക്കുകയാണ്. സിനിമയെ കുറിച്ചുള്ള പ്രേക്ഷകരുടെ അഭിപ്രായം അറിയാൻ കാത്തിരിക്കുകയാണ് സോഷ്യൽ മീഡിയ. അതേസമയം കഴിഞ്ഞ ദിവസം സോഷ്യൽ മീഡിയ പേജുകളിലൂടെ നടൻ മമ്മൂട്ടി ലാലിന് ആശംസ അറിയിച്ച് എത്തിയിരുന്നു.
‘പ്രിയ സഹോദരൻ ലാലിന് എല്ലാവിധ ആശംസകളും നേരുന്നു’, എന്നാണ് മമ്മൂട്ടി കുറിച്ചത്. ഒപ്പം മോഹൻലാലിന്റെ നേര് ലുക്കും അദ്ദേഹം പങ്കുവച്ചു.
മമ്മൂട്ടിയുടെ ആശംസകൾക്ക് പിന്നാലെ നിരവധി പേരാണ് കമന്റുകളുമായി രംഗത്ത് എത്തിയത്. ‘ഇതിലും വലിയ പ്രമോഷൻ സ്വപ്നങ്ങളിൽ മാത്രം, ഇച്ചാക്കന്റെ ലാലു, തമ്മിൽ ചെളിവാരി എറിയുന്ന ഫാൻസുകാർ അറിയുന്നില്ല ഇവർ തമ്മിൽ ഉള്ള സ്‌നേഹ ബന്ധത്തിന്റെ ആഴം, ഇവരുടെ പേരിൽ തല്ലു പിടിക്കുന്ന ഫാൻസുകാർ എന്തുകൊണ്ട് ഇവരുടെ സ്‌നേഹബന്ധത്തിന്റെ ആഴം മനസ്സിലാക്കുന്നില്ല, എന്നിങ്ങനെ പോവുന്നു കമന്റുകൾ.
അതേസമയം സിനിമയുടെ കഥ തന്റേതാണെന്ന ആരോപണവുമായി എഴുത്തുകാരൻ ദീപക് ഉണ്ണി കഴിഞ്ഞ ദിവസം രംഗത്ത് എത്തിയിരുന്നു. ഹെക്കോടതിയിൽ ചിത്രത്തിന്റെ റിലീസ് തടയണമെന്ന് നൽകിയ ഹർജി തള്ളിയിരുന്നു. ജീത്തു ജോസഫ്, സഹ തിരക്കഥാകൃത്ത് ശാന്തി മായാദേവി, ആന്റണി പെരുമ്പാവൂർ തുടങ്ങിയവർക്ക് നോട്ടീസ് അയച്ചിട്ടുണ്ട്.
