തെന്നിന്ത്യ മുഴുവൻ ആരാധകരുള്ള മലയാളി താരസുന്ദരിയാണ് പാർവ്വതി തിരുവോത്ത്. കിരൺ ടി വിയിൽ അവതാരക ആയിട്ടാണ് പാർവതി തന്റെ കരിയർ ആരംഭിച്ചത് ഔട്ട് ഓഫ് സിലബസ്സ് എന്ന 2006ൽ പുറത്തിറങ്ങിയ ചിത്രത്തിലൂടെയാണ് മലയാള സിനിമാ ലോകത്ത് പാർവതി തിരുവോത്ത് അരങ്ങേറ്റം കുറിച്ചത്.
പിന്നീട് മലയാളത്തിലും തെലുങ്കിലും യുവനടിമാരിൽ ഒരാളായി ശ്രദ്ധേയയാകാൻ പാർവ്വതിക്ക് അധികകാലം വേണ്ടിവന്നില്ല. തുടക്ക കാലത്ത് മലയാളത്തിൽ വിനോദയാത്ര, ഫ്ളാഷ്, നോട്ട്ബുക്ക് തുടങ്ങിയ ചിത്രങ്ങളിൽ അഭിനയിച്ച് ശ്രദ്ധ നേടിയിരുന്നു താരം.
തുടർന്ന് കന്നടയിലും തമിഴിലും പോയ നടി കുറച്ച് കാലം അഭിനയ രംഗത്ത് നിന്നും മാറി നിൽക്കുകയുണ്ടായി.ഏകദേശം മൂന്നു വർഷക്കാലം താൻ അഭിനയ രംഗത്ത് നിന്നും മാറി നിന്നെന്നും അന്ന് തനിക്ക് അവസരങ്ങൾ ഒന്നും വന്നിട്ടുണ്ടായിരുന്നില്ലെന്നുമാണ് പാർവതി പറയുന്നത്.
ALSO READ- എല്ലാം പെട്ടന്നായിരുന്നു; വിവാഹ വേഷത്തില്‍ വീണ നായര്‍
ഇപ്പോഴിതാ പാർവതി വിക്രം നായകനായി എത്തുന്ന തങ്കലാൻ എന്ന തമിഴ് ബിഗ് ബജറ്റ് ചിത്രത്തിന്റെ ഭാഗമായിരിക്കുകയാണ്. താരം സിനിമയുടെ റിലീസിന്റെ മുന്നോടിയായുള്ള പ്രൊമോഷൻ തിരക്കുകളിലാണ്.
ഇതിനിടെ പാർവതി റെഡ് എഫ്എമ്മിന് നൽകിയ ഒരു അഭിമുഖത്തിൽ പറഞ്ഞ കാര്യങ്ങളാണ് ചർച്ചയാകുന്നത്. സൂപ്പർ സ്റ്റാർഡം എന്ന രീതിയെ ചോദ്യം ചെയ്യുകയാണ് പാർവതി. സൂപ്പർ സ്റ്റാർഡം ആർക്കും ഒന്നും കൊടുത്തിട്ടില്ലെന്നും ഇതുകൊണ്ട് ആർക്കാണ് ഗുണം ഉണ്ടായിട്ടുള്ളതെന്നും പാർവതി ചോദിക്കുകയാണ്.
സൂപ്പർ സ്റ്റാർഡം ആർക്കും ഒന്നും കൊടുത്തിട്ടില്ല. സമയം പാഴാക്കാനുള്ള കാര്യം മാത്രമാണത്. സൂപ്പർ സ്റ്റാർ എന്നത് എന്താണ് എന്ന് പോലും മനസിലാകുന്നില്ല. അതുകൊണ്ട് ഇവിടെ ആർക്കാണ് ഗുണം ഉണ്ടായിട്ടുള്ളതെന്ന് പാർവതി ചോദിക്കുന്നു.
ALSO READ- മുക്തയുടെ പിറന്നാള്‍ ദിനത്തില്‍ റിങ്കു കൊടുത്ത സമ്മാനം, മറുപടിയും ആയി താരം
തനിക്ക് ഇതുവരെ സൂപ്പർ സ്റ്റാറിന്റെ അർത്ഥം എന്താണെന്ന് മനസിലായിട്ടില്ല. ഇൻഫ്‌ലുവൻസ് ആണോ, ഇമേജ് ആണോ താരാരാധന മൂത്ത് ഭ്രാന്തായി ആൾക്കാര് ഇടുന്നതാണോ എന്നൊന്നും തനിക്കറിയില്ലെന്ന് പാർവതി വിശദീകരിക്കുന്നു.
തന്നെ സൂപ്പർ ആക്ടർ എന്ന് വിളിച്ചാൽ താൻ ഹാപ്പി ആണ്. ഫഹദ് ഫാസിൽ, ആസിഫ് അലി, റിമ കല്ലിങ്കൽ എന്നിവരാണ് തന്നെ സംബന്ധിച്ചിടത്തോളം കേരളത്തിലെ സൂപ്പർ ആക്ടേഴ്‌സ് എന്നും പാർവതി വിശദീകരിച്ചു.
നേരത്തെ, പാർവതി മ്മൂട്ടിയുടെ കസബ എന്ന സിനിമയെ വിമർശിച്ച് രംഗത്തെത്തിയത് വലിയ വിവാദമായിരുന്നു. പാർവതിയുടെ ഈ വീഡിയോ പുറത്തുവന്നതിന് പിന്നാലെ വലിയ സൈബർ ആക്രമണവും താരം നേരിട്ടിരുന്നു.
