മലയാളം സിനിമാ പ്രേഷകര്‍ക്ക് ഏറെ പ്രിയങ്കരന്‍ ആയ നടനും ബിജെപിയുടെ പ്രമുഖ നേതാവും ആണ് സുരേഷ് ഗോപി. താരത്തിന്റെ രാഷ്ട്രീയം നിരവധി ശ ത്രു ക്ക ളെയാണ് താരത്തിന് സമ്മാനിച്ചത്. എന്നാല്‍ രാഷ്ട്രീയം മാറ്റി നിര്‍ത്തി സിനിമയിലേയ്ക്ക് ഇറങ്ങുമ്പോള്‍ ഏവര്‍ക്കും പ്രിയങ്കരന്‍ കൂടിയാണ് സുരേഷ് ഗോപി.
കണ്ടിട്ടുള്ളതില്‍ വെച്ച് പച്ചയായ മനുഷ്യന്‍ എന്നാണ് സുരേഷ് ഗോപിയെ പല താരങ്ങളും വിശേഷിപ്പിച്ചിരിക്കുന്നത്. എത്ര തിരക്കാണെങ്കിലും കുടുംബത്തിന് വലിയ പ്രാധാന്യം നല്‍കുന്ന ആള്‍ കൂടിയാണ് അദ്ദേഹം.
സുരേഷ് ഗോപിയെ പോലെ തന്നെ അദ്ദേഹത്തിന്റെ ഭാര്യ രാധികയും മലയാളികള്‍ക്ക് ഏറെ സുപരിചിതയാണ്. സുരേഷ് ഗോപി ചെയ്യുന്ന കാരുണ്യ പ്രവര്‍ത്തനങ്ങളെല്ലാം തന്നെ ഒത്തിരി പ്രശംസ അര്‍ഹിക്കുന്നതാണ്. ജന്മനാ അന്ധനായ മണികണ്ഠന് താങ്ങായി എത്തിയിരിക്കുകയാണ് സുരേഷ് ഗോപി ഇപ്പോള്‍.
സ്വന്തമായി ഒരു കിടപ്പാടമില്ലാത്ത മണികണ്ഠന്റെ അവസ്ഥ അറിഞ്ഞപ്പോള്‍ സഹായിക്കാനായി എത്തുകയായിരുന്നു താരം. മണികണ്ഠന് വീട് വെക്കാനായി ആവശ്യമായ സ്ഥലം വാങ്ങുന്നതിലേക്ക് പണം നല്‍കിയിരിക്കുകയാണ് താരം.
Also Read:എന്തൊരു ലുക്ക്, ഒന്നു ബോളിവുഡില്‍ ട്രൈ ചെയ്തൂടെ, സാനിയയുടെ പുതിയ ചിത്രങ്ങള്‍ കണ്ട് ഞെട്ടി ആരാധകര്‍
ഇരിങ്ങാലക്കുട പടിയൂരില്‍ നടന്ന പരിപാടിയില്‍ വെച്ച് സുരേഷ് ഗോപി മണികണ്ഠന് ചെക്ക് കൈമാറി. കഷ്ടപ്പെടുന്നവര്‍ക്ക് താങ്ങായും തണലായും എത്തുന്ന താരത്തിന്റെ നല്ല മനസ്സിനെ വാഴ്ത്തുകയാണ് ഇന്ന് മലയാളികള്‍.
