ഈ അടുത്ത് ഹിറ്റായ സിനിമയാണ് ആര്‍ഡിഎക്‌സ്. സിനിമ വലിയ വിജയമാണ് നേടിയത്. നടി മഹിമ നമ്പ്യാര്‍ ആണ് ചിത്രത്തില്‍ പ്രധാനപ്പെട്ട കഥാപാത്രത്തെ അവതരിപ്പിച്ചത്. തമിഴ് സിനിമയിലാണ് മഹിമ കൂടുതലും അഭിനയിച്ചത്. എങ്കിലും താരം മലയാളത്തില്‍ ഒരു കഥാപാത്രത്തെ സ്വീകരിച്ചപ്പോള്‍ ആ ചിത്രം തന്നെ ഹിറ്റ് ആവുകയായിരുന്നു. ഇപ്പോള്‍ തന്റെ പുതിയ സിനിമയുടെ പ്രമോഷന്‍ തിരക്കിലാണ് മഹിമ. ഇതിനിടെ തന്റെ വിശേഷങ്ങള്‍ നടി പങ്കുവെച്ചു.
തന്റെ സ്വഭാവത്തെക്കുറിച്ചും രീതികളെക്കുറിച്ചും ആണ് താരം സംസാരിച്ചത്. ഒരു നടിയായാല്‍ ചില കാര്യങ്ങള്‍ തുറന്നു പറയാന്‍ പാടില്ല എന്നുണ്ട് , എല്ലാ വിഷയങ്ങളിലും പ്രതികരിക്കരുത് വയസ്സ് പറയരുത് എന്നാല്‍ എനിക്ക് അതിനോട് യോജിപ്പില്ലെന്ന് താരം പറഞ്ഞു. ഞാന്‍ എല്ലാം പറയുമെന്നും സത്യസന്ധമായി നടി പറഞ്ഞു. വളരെ സത്യസന്ധമായി പെരുമാറാന്‍ ആണ് എനിക്കിഷ്ടം.
മറച്ചുവെച്ച് സംസാരിക്കാന്‍ എനിക്ക് അറിയില്ല. യഥാര്‍ത്ഥ ജീവിതത്തിലും അഭിനയിക്കുകയാണോ , ഇത്രയ്ക്കും നിഷ്‌കളങ്കത അഭിനയിക്കണോ എന്നൊക്കെയുള്ള നെഗറ്റീവ് കമന്റുകള്‍ വന്നിട്ടുണ്ട്. പക്ഷേ ശരിക്കും ഞാന്‍ ഇങ്ങനെ തന്നെയാണ് . എന്നെ അടുത്ത് അറിയുന്നവര്‍ക്ക് അത് അറിയാം. എനിക്ക് ജീവിതത്തില്‍ ദേഷ്യം വരില്ല. ദേഷ്യമേ എനിക്ക് വരാറേയില്ല.
എന്നെ ഒരുപാട് ശല്യപ്പെടുത്തുന്ന ആളുകളുണ്ടെങ്കില്‍ അവിടെനിന്ന് ഞാന്‍ മാറി നില്‍ക്കാറാണ് പതിവ്. അല്ലെങ്കില്‍ സൈലന്റ് ആയി നില്‍ക്കും , അല്ലാതെ ഉച്ചത്തില്‍ ശബ്ദം വെക്കുകയോ , ദേഷ്യപ്പെടുകയോ ചെയ്യാറില്ലെന്ന് മഹിമ പറഞ്ഞു. അതേസമയം താരത്തിന്റെ പുതിയ സിനിമയിലെ കഥാപാത്രം ആരാധകര്‍ക്ക് ഒത്തിരി ഇഷ്ടപ്പെട്ടു. സിനിമയിലെ ഡാന്‍സും അടിപൊളി തന്നെ.
15ാം വയസ്സില്‍, മലയാള സിനിമയായ കാര്യസ്ഥന്‍ എന്ന സിനിമയില്‍ ദിലീപിന്റെ സഹോദരിയായി അഭിനയിച്ചു തുടക്കം കുറിച്ച മഹിമ , പിന്നീട് കൂടുതലും തമിഴ് ചിത്രത്തിലാണ് അഭിനയിച്ചത്. താരം ഒരു പരസ്യ മോഡലായി ജോലി ചെയ്യുകയായിരുന്നു, സംവിധായകന്‍ സാമി നടിയെ സിന്ധു സമവേലി (2010) എന്ന ചിത്രത്തിനായി കാസ്റ്റ് ചെയ്യാന്‍ ശ്രമിച്ചെങ്കിലും വ്യക്തിപരമായ കാരണങ്ങളാല്‍ അവള്‍ക്ക് ഓഫര്‍ നിരസിക്കേണ്ടി വന്നു.
