മിനിസ്‌ക്രീന്‍ പ്രേക്ഷകര്‍ക്ക് ഏറെ സുപരിചിതനായ താരമാണ് റോണ്‍സണ്‍. ഏഷ്യാനെറ്റ് സംപ്രേക്ഷണം ചെയ്ത വിഗ്രഹം എന്ന പരമ്പരയിലൂടെയാണ് തുടക്കമെങ്കിലും ശ്രദ്ധിക്കപ്പെടുന്നത് ഭാര്യയിലൂടൊണ്. സീരിയല്‍ അവസാനിച്ചിട്ടും ഇന്നും നടനെ പ്രേക്ഷകരുടെ ഇടയില്‍ അറിയപ്പെടുന്നത് ഭാര്യയിലെ നന്ദന്‍ എന്ന കഥാപാത്രത്തിലൂടയൊണ്.
ഈ സീരിയലിന് ശേഷം ജനപ്രിയ പരമ്പരകളുടെ ഭാഗമാവാന്‍ റോണ്‍സണ്ണിന് കഴിഞ്ഞു. മലയാളത്തില്‍ മാത്രമല്ല മറ്റ് തെന്നിന്ത്യന്‍ ഭാഷകളിലും സജീവമാണ് താരം. താരം ബിഗ്ബോസ് സീസണ്‍ നാലിലെ മത്സരാര്‍ത്ഥിയായും എത്തിയിരുന്നു.
സിനിമ കുടുംബത്തില്‍ ജനിച്ച് വളര്‍ന്ന റോണ്‍സണിന്റെ ജീവിത പങ്കാളിയും സിനിമയില്‍ നിന്നാണ്. ഒരു കാലത്ത് ബാലതാരമായി മലയാള സിനിമയില്‍ നിറഞ്ഞ് നിന്നിരുന്ന ഡോക്ടര്‍ നീരജയാണ് നടന്റെ നല്ലപാതി. പഠനത്തിനായി അഭിനയം വിട്ട നീരജ ഇപ്പോള്‍ തന്റെ കരിയറുമായി മുന്നോട്ട് പോവുകയാണ്.
ഇരുവരും സോഷ്യല്‍മീഡിയയില്‍ ഒത്തിരി സജീവമാണ്. ഇപ്പോഴിതാ റോണ്‍സണ്‍ പങ്കുവെച്ച ഒരു പോസ്റ്റാണ് വൈറലായിക്കൊണ്ടിരിക്കുന്നത്. ഡോക്ടറായ ഭാര്യ നീരജയെ കുറിച്ചുള്ളതായിരുന്നു റോണ്‍സന്റെ പോസ്റ്റ്. ഒരു വിദേശ യാത്രക്കിടെ ഫ്‌ലൈറ്റില്‍ എമര്‍ജന്‍സി സിറ്റുവേഷന്‍ വന്നുവെന്നും ഭാര്യയാണ് തുണയായതെന്നും റോണ്‍സണ്‍ പറയുന്നു.
സമയോചിതമായി ഇടപെട്ട് രോഗിയുടെ ജീവന്‍ രക്ഷിച്ചത് നീരജയാണെന്നും താന്‍ എപ്പോഴും ഭാര്യയെ ഓര്‍ത്ത് അഭിമാനം കൊള്ളുന്നുവെന്നും റോണ്‍സണ്‍ വീഡിയോയില്‍ പറയുന്നു. വീഡിയോയ്ക്ക് താഴെ നിരവധി പേരാണ് നീരജയെ അഭിനന്ദിച്ച് കമന്റ് ചെയ്തത്.
