പുതിയ കുട്ടികള്‍ തങ്ങളുടെ കരിയര്‍ തുടങ്ങാന്‍ എന്തിനും തയാറാണെന്നും സിനിമ രംഗത്ത് ആരും ആരേയും ബലാത്സംഗം ചെയ്യുന്നില്ലെന്ന് ബോളിവുഡ് താരം രാഖി സാവന്ത്. ബോളിവുഡിലെ കാസ്റ്റിങ് കൗച്ച് വിവാദങ്ങളെക്കുറിച്ചു പ്രതികരിക്കുകയായിരുന്നു രാഖി. ആരും നിര്‍ബന്ധിതമായി ലൈംഗിക ദുരുപയോഗം ചെയ്യുന്നില്ല എന്ന സരോജ് ഖാന്റെ നിലപാടിനെ പിന്തുണച്ചാണു രാഖി സംസാരിച്ചത്. തനിക്കും ഇത്തരം പ്രശ്നങ്ങള്‍ അഭിമുഖികരിക്കേണ്ടി വന്നിട്ടുണ്ട്. എന്നാല്‍ അതില്‍ താന്‍ സമീപിച്ച എല്ലാ പ്രോഡ്യൂസര്‍മാരും എല്ലാ സംവിധായകരും അങ്ങനെയാണ് എന്നു പറയാന്‍ കഴിയില്ല.
പറ്റില്ലെന്നു പറയാന്‍ തനിക്കു കഴിഞ്ഞിരുന്നു. പുതിയ കുട്ടികള്‍ തങ്ങളുടെ കരിയര്‍ തുടങ്ങാന്‍ എന്തിനും തയാറാണ്. അപ്പോള്‍ പ്രൊഡ്യുസര്‍മാരെ മാത്രം കുറ്റം പറയുന്നത് എന്തിനാണ് എന്നും രാഖി ചോദിക്കുന്നു. നിലവില്‍ ഇത്തരം പ്രശ്നങ്ങള്‍ അഭിമുഖികരിക്കുന്നവര്‍ എല്ലാം ക്ഷമയോടെ കാത്തിരിക്കണം. കീഴടങ്ങരുത്. എളുപ്പവഴി ഉപയോഗിക്കാനുള്ള ത്വരയേ അടക്കണം എന്നും രാഖി പറയുന്നു ആരും ആരേയും ബലാത്സംഗം ചെയ്യാറില്ല എല്ലാം നടക്കുന്നത് സമ്മതത്തോടെയാണ്.
ബോളിവുഡില്‍ ഇത്തരം കാര്യങ്ങള്‍ ആരും തുറന്നു പറയാറില്ല. സ്വന്തം കണ്‍മുമ്പില്‍ നടക്കുന്നതു പോലും യാഥാര്‍ത്ഥ്യം വിളിച്ചു പറയാന്‍ സരോജ് കാണിച്ച ധീരതയെ അഭിനന്ദിക്കുന്നു എന്നും രാഖി പറഞ്ഞു. താന്‍ നേരിട്ട ബുദ്ധിമുട്ടുകളോടു രാഖിയുടെ പ്രതികരണം ഇങ്ങനെയായിരുന്നു. ”ജീവിതത്തിന്റെ എല്ലാ തുറകളിലുമെന്ന പോലെ ലൈംഗികമായ ദുരുപയോഗം സിനിമാ മേഖലയിലും ഉണ്ട്. എന്നെ സംബന്ധിച്ചിടത്തോളം തുടക്കകാലത്താണ് ഇത്തരം പ്രശ്‌നങ്ങളെ അഭിമുഖീകരിക്കേണ്ടി വന്നിട്ടുള്ളത്. എന്നാല്‍ എനിക്ക് അതിലേക്ക് വീഴേണ്ട സാഹചര്യമുണ്ടായിരുന്നില്ല. എനിക്ക് കഴിവുണ്ടായിരുന്നു.” -രാഖി പറഞ്ഞു
