കല്യാണത്തിന് താലിവാങ്ങാൻ കാശ് തന്ന് സഹായിച്ച മമ്മൂട്ടിയോട് ശ്രീനിവാസൻ പറഞ്ഞു നിങ്ങൾ കല്ല്യാണത്തിന് വരരുത് വന്നാൽ കല്യാണം മുടങ്ങും; പിന്നെ സംഭവിച്ചത്

654

മലയാളികളുടെ പിയപ്പെട്ട നടനും തിരക്കഥാകൃത്തും സംവിധായകനും ഒക്കെയാണ് ശ്രീനിവാസൻ. 1984ൽ ആണ് ശ്രീനിവാസൻ വിവാഹം കഴിച്ചത്. പ്രണയ വിവാഹം ആയിരുന്നു. ഇന്നസെന്റും ഡേവിഡ് കാച്ചപ്പള്ളിയും നിർമ്മിച്ച ഒരു കഥ ഒരു നുണക്കഥ എന്ന ചിത്രത്തിന്റെ ലൊക്കേഷനിൽ വച്ചാണ് വിവാഹത്തെ കുറിച്ചുള്ള തീരുമാനം ഉണ്ടാകുന്നത്.

ആരെയും ക്ഷണിക്കുന്നില്ലെന്നും രജിസ്റ്റർ ഓഫീസിൽ വെച്ചാണ് വിവാഹമെന്നും ശ്രീനിവാസൻ ഇന്നസെന്റിനോട് പറഞ്ഞു.
സെറ്റിൽ നിന്ന് ഇറങ്ങാൻ നേരം ഇന്നസെന്റ് കൈയ്യിൽ ഒരു പൊതി തന്നു. അതിൽ 400 രൂപയുണ്ടായിരുന്നു. ഇന്നത്തെ പോലെയല്ല അന്ന് നാനൂറ് രൂപയ്ക്ക് വിലയുണ്ട്.

Advertisements

ഇതെങ്ങനെ സംഘടിപ്പിച്ചു എന്ന് ചോദിച്ചപ്പോൾ, ഭാര്യയുടെ രണ്ട് വളകൂടെ വിറ്റു എന്നായിരുന്നു ഇന്നസെന്റിന്റെ മറുപടി. ഇന്നസെന്റ് കൊടുത്ത പണം കൊണ്ട് വധുവിനുള്ള സാരിയും മറ്റുമൊക്കെ വാങ്ങി. അതിരാത്രം സിനിമയുടെ ഷൂട്ടിങ് സെറ്റിൽ വെച്ചാണ് മമ്മൂട്ടിയെ ക്ഷണിച്ചത് കണ്ണൂരാണ് ലൊക്കേഷൻ.

Also Read
അച്ഛൻ മരിച്ച കുട്ടികൾ അമ്മ ഡിപ്രഷനിലൂടെ പോകുന്നത് കണ്ട് വിഷമിച്ചു; വിവാഹ ശേഷം സിനിമയിൽ നിന്ന് വിട്ട് നിന്നു; നടി ശാന്തി പ്രിയ മനസ്സ് തുറക്കുന്നു

മമ്മൂട്ടി താമസിച്ചിരുന്ന ഹോട്ടൽ മുറിയുടെ വാതിൽ തുറന്നതും ഞാൻ പറഞ്ഞു നാളെ എന്റെ വിവാഹമാണ്. എനിക്കൊരു രണ്ടായിരം രൂപ വേണം, രജിസ്റ്റർ വിവാഹമാണ് ആരെയും ക്ഷണിക്കുന്നില്ലെന്നും ഞാൻ മമ്മൂട്ടിയോട് പറഞ്ഞു. തുക തന്നിട്ട് അദ്ദേഹം പറഞ്ഞു കല്യാണത്തിന് ഞാനും വരും.

അത് കേട്ടപ്പോൾ ഞാൻ പറഞ്ഞു കല്യാണത്തിന് വരരുത് വന്നാൽ കല്യാണം കലങ്ങും. അദ്ദേഹം വരുമെന്ന് ഉറപ്പിച്ച് പറഞ്ഞു. ഞാൻ വീണ്ടും പറഞ്ഞു ആരും അറിയാതെ രെജിസ്റ്റർ ചെയ്യാനാണ് പ്ലാൻ. എന്നെ ഇവിടെ ആർക്കും അറിയില്ല. പക്ഷെ നിങ്ങൾ അങ്ങനെയല്ല അറിയപ്പെടുന്ന താരമാണ്.

നിങ്ങൾ വന്നാൽ സംഭവം എല്ലാവരും അറിയും. അതുകൊണ്ട് വരരുത് എന്നാൽ വരുന്നില്ലെന്ന് മമ്മൂട്ടി പറഞ്ഞു. അങ്ങനെ സ്വർണതാലി വാങ്ങി, രജിസ്റ്റർ ഓഫീസിന്റെ വരാന്തയിൽ വെച്ചായിരുന്നു ശ്രീനിവാസന്റെ താലി കെട്ട്. ഒരു ക്രിസ്ത്യാനി തന്ന നാനൂറ് രൂപ, മുസ്ലീമായ മമ്മൂട്ടി തന്ന 2000 രൂപ, ഹിന്ദുവായ പെൺകുട്ടിയുടെ കഴുത്തിൽ കെട്ടിയ സ്വർണ താലി. ഇങ്ങനെയായിരുന്നു തന്റെ വിവാഹമെന്ന് ശ്രീനിവാസൻ പറയുന്നു.

മുമ്പ് ഒരു ചാനൽ പരിപാടിയിൽ മത സൗഹാർദത്തെ കുറിച്ച് സംസാരിക്കവെയാണ് നടൻ ശ്രീനിവാസൻ തന്റെ കല്യാണത്തെ കുറിച്ച് ഇങ്ങനെ പറഞ്ഞത്.

Also Read
ദിലീപിന് ഒപ്പം അഭിനയിക്കണം, നായിക ആയില്ലെങ്കിലും അതോരു നല്ല വേഷമാകണം, തന്റെ വലിയ ആഗ്രഹവും അതിന്റെ കാരണവും വെളിപ്പെടുത്തി നടി ഷക്കീല

Advertisement