മലയാളികള്‍ക്ക് ഏറെ പ്രിയപ്പെട്ട താരദമ്പതികള്‍ ആണ് നടന്‍ ദിലീപും ഭാര്യയും മുന്‍ നായിക നടിയായ കാവ്യാ മധവനും. നിരവധി സിനിമകളില്‍ ജോഡികളായി അഭിനയിച്ചിട്ടുള്ള ഇവര്‍ ഇവരുടെ രണ്ടു പേരുടേയും ജീവിതത്തിന്റെ ഒരു പ്രത്യേകഘട്ടത്തില്‍ ഇനി ഒന്നിച്ച് ജീവിക്കാം എന്ന് തീരുമാനിക്കുക ആയിരുന്നു.
രണ്ടു പേരുടേയും രണ്ടാം വിവാഹം ആയിരുന്നു. അതേ സമയം ഏറ്റവും കൂടുതല്‍ വിവാദങ്ങളില്‍ ഇടം പിടിച്ച താര ദമ്പതികളും ഇവര്‍ തന്നെയാണ്. വിവാഹത്തിന് മുന്‍പ് തന്നെ ഇവര്‍ പല തവണയായി വിവാഹിതരായി എന്ന് സൈബര്‍ ലോകം പ്രഖ്യാപിച്ചു.
Also Read:പ്രണയം പൂവണിയുന്നു, കെഎല്‍ രാഹുലും ആതിയ ഷെട്ടിയും ഒന്നിക്കുന്നു, ഇത് 2023ലെ ആദ്യ താര വിവാഹം
വിവാഹം കഴിഞ്ഞ് ഒരു മാസത്തിനുള്ളില്‍ തന്നെ വിവാഹ മോചിതര്‍ ആകുമെന്ന് വരെ പറഞ്ഞവരും ഉണ്ടായിരുന്നു. പക്ഷേ ഇരുവരും ഇപ്പോള്‍ രണ്ടു മക്കളുമായി സുഖമായി ജീവിക്കുകയാണ്. ദിലീപും ആയുള്ള വിവാഹ ശേഷം കാവ്യാ മാധവന്‍ അഭിനയരംഗത്ത് നിന്നും വിട്ടുനില്‍ക്കുകയാണ്.
ഇപ്പോഴിതാ ഈ പട്ടണത്തില്‍ ഭൂതം എന്ന സിനിമയുടെ ഷൂട്ടിനിടെ കാവ്യയുടെ കാര്‍ കൊക്കയിലേക്ക് മറുന്ന രംഗം ചിത്രീകരിക്കുന്നതിനിടെയുണ്ടായ അനുഭവം പങ്കുവെക്കുകയാണ് ഉല്‍പല്‍ വി നായനാര്‍. കാവ്യ കാറെടുത്ത് പോകുമ്പോള്‍ വില്ലന്‍മാര്‍ ഫോളോ ചെയയ്ുകയും അപ്പോള്‍ ബ്രേക്ക് നഷ്ടപ്പെട്ട് കാര്‍ കൊക്കയിലേക്ക് മറിയുന്നതാണ് രംഗം.
വാഗമണ്ണിലെ പരുന്തും പാറയില്‍ വെച്ചായിരുന്നു ഷൂട്ടിങ്. ക്യാമറയുമായി താനും കാവ്യയും മാത്രമായിരുന്നു കാറിലുണ്ടായിരുന്നതെന്നും ഷൂട്ട് ചെയ്യുന്നതിനിടെ കാവ്യയ്ക്ക് ശരിക്കും ബ്രേക്ക് കിട്ടിയില്ലെന്നും കാര്‍ പെട്ടെന്ന് കൊക്കയിലേക്ക് പോകാന്‍ പോയെന്നും എന്തോ ഭാഗ്യത്ത്ിന് കല്ലില്‍ തട്ടി നിന്നുവെന്നും ഇപ്പോഴും അത് ആലോചിക്കുമ്പോള്‍ പേടി തോന്നുമെന്നും അദ്ദേഹം പറയുന്നു.
