ഫുട്‌ബോള്‍ ഇതിഹാസം പെലെയുടെ വിയോഗം ഫുട്‌ബോള്‍ പ്രേമികളെ ഒന്നടങ്കം വേദനയിലാഴ്ത്തുകയാണ്. ക്യാന്‍സര്‍ ബാധിതനായ പെലെ തന്റെ എണ്‍പത്തിരണ്ടാം വയസ്സിലാണ് അന്തരിച്ചത്.
പല തലമുറകളുടെയും ആവേശമായിരുന്നു പെലെ എന്ന ഫുട്‌ബോള്‍ മാന്ത്രികന്‍. ഇപ്പോഴിതാ ഫുട്‌ബോള്‍ ഇതിഹാസം പെലെയക്ക് ആദരാഞ്ജലികള്‍ നേരുകയാണ് സംഗീത സംവിധായകന്‍ എ ആര്‍ റഹ്‌മാന്‍.
പെലെയുടെ ജീവിതകഥ തുറന്നുകാട്ടുന്ന ചിത്രമായ ‘പെലെ: ബെര്‍ത്ത് ഓഫ് എ ലെജെന്‍ഡി’ ന്റെ സംഗീത സംവിധായകന്‍ എ ആര്‍ റഹ്‌മാന്‍ ആയിരുന്നു. 2016 ല്‍ ആയിരുന്നു ചിത്രം പുറത്തിറങ്ങിയത്.
ഈ ചിത്രത്തില്‍ എആര് റഹ്‌മാന്‍ പാടുകയും ചെയ്തിരുന്നു. ഈ ചിത്രത്തിലെ താന്‍ ആലപിച്ച പാട്ട് പങ്കുവെച്ചുകൊണ്ടായിരുന്നു എആര് റഹ്‌മാന്‍ പെലെയ്ക്ക് ആദരാഞ്ജലികള്‍ നേര്‍ന്നത്. ഇതിഹാസമേ സമാധാനമായി വിശ്രമിക്കൂ എന്നാണ് എആര് റ്ഹമാന്‍ എഴുതിയിരിക്കുന്നത്.
Also Read: വീട്ടില്‍ ഒരു കുഞ്ഞുവാവ വരാന്‍ പോകുന്നു, സന്തോഷത്തില്‍ മതിമറന്ന് ലക്ഷ്മി നക്ഷത്ര, വീഡിയോ വൈറല്‍
അദ്ദേഹത്തിന്റെ ഇതിഹാസ ജീവിതത്തെ ആദരിച്ചുകൊണ്ട് ഈ ഗാനം സമര്‍പ്പിക്കുന്നുവെന്നും എആര് റഹ്‌മാന്‍ സോഷ്യല്‍മീഡിയയില്‍ കുറിച്ചു. ബ്രസീലിന്റെ പെലെ മൂന്ന് ലോകകപ്പുകള്‍ സ്വന്തമാക്കിയ താരമാണ്. 77 ഗോളുകളാണ് ബ്രസീലിന് വേണ്ടി പെലെ സ്വന്തമാക്കിയത്.
