മലയാളത്തിന്റെ ജനപ്രിയ നായകൻ ദിലീപിനെ നായകനാക്കി ഹിറ്റ് മേക്കർ ലാൽ ജോസ് ഒരുക്കിയ രസികൻ എന്ന ചിത്രത്തിലെ നായികാ വേഷം ചെയ്ത് കൊണ്ട് മലയാള സിനിമയിലേക്ക് രംഗപ്രവേശനം ചെയ്ത താരസുന്ദരിയാണ് സംവൃത സുനിൽ. രസികനിലെ തങ്കമണി എന്ന കഥാപാത്രവും സംവൃത എന്ന നടിയും ഏറെ ശ്രദ്ധിക്കപ്പെട്ടതോടെ പിന്നീട് താരത്തിന് കൈനിറയെ അവസരങ്ങൾ എത്തുകയായിരുന്നു.
മമ്മൂട്ടി മോഹൻലാൽ അടക്കമുള്ള മലയാളത്തിന്റെ താരരാജാക്കൻമാർക്കും അതേ പോലെ യുവതാരങ്ങൾക്കും ഒപ്പം ഒരേ സമയം സംവൃതയ്ക്ക് തിളങ്ങാൻ കഴിഞ്ഞിരുന്നു. നിരവധി സൂപ്പർഹിറ്റ് സിനിമകളിലൂയെ മലയാളികളുടെ പ്രിയ നടിയായി മാറിയ സംവൃത സുനിൽ 2012ലാണ് വിവാഹിതയാകുന്നത്. അഖിൽ ജയരാജ് ആണ് സംവൃതയുടെ ഭർത്താവ്. വിവാഹ ശേഷം താരം സിനിമയിൽ നിന്നും ഇടവേള എടുക്കുകയായിരുന്നു.
Also Read
അവള്‍ എന്റെ ചോര തന്നെ, എന്റെ പൊന്നുമോള്‍, മകളുടെ ജനനത്തെക്കുറിച്ച് മനസ്സ് തുറന്ന് രേവതി
2012ൽ പുറത്തിറങ്ങിയ 101 വെഡ്ഡിംഗ്‌സ് എന്ന ചിത്രത്തിന് ശേഷം നീണ്ട ഇടവേളയായിരുന്നു താരം എടുത്തത്. അതേ സമയം സത്യം പറഞ്ഞാൽ വിശ്വസിക്കുമോ എന്ന ചിത്രത്തിലൂടെ 2019ൽ സംവൃത വീണ്ടും സിനിമാരംഗത്തേക്ക് തിരിച്ചെ ത്തിയിരുന്നു. ബിജു മേനോൻ ആയിരുന്നു ഈ സിനിമയിൽ സംവൃതയുടെ നായകൻ ആയി എത്തിയത്.
സിനിമയിൽ അത്ര സജീവമല്ലെങ്കിലും താരം സോഷ്യൽ മീഡിയകളിൽ പ്രത്യക്ഷപ്പെടാറുണ്ട്. തന്റെ വിശേഷങ്ങളെല്ലാം ആരാധകരുമായി താരം പങ്കുവെയ്ക്കാറുണ്ട്. ഇടയ്ക്ക് ചില മലയാളം ടിവി ഷോകളിലും താരം പങ്കെടുത്തിരുന്നു. കുടുംബത്തോടൊപ്പം സംവൃത ഇപ്പൊൾ അമേരിക്കയിലാണ് സ്ഥിര താമസം.
ഇപ്പോളിതാ സോഷ്യൽ മീഡിയയിൽ വൈറലായി മാറുന്നത് സംവൃത സുനിലിന്റെ ഒരു പുതിയ ചിത്രമാണ്. തന്റെ ഇൻസ്റ്റാഗ്രാം പേജിൽ പങ്കുവെച്ച ചിത്രമാണ് ആരാധകർ ഏറ്റെടുത്തിരിക്കുന്നത്. ഭർത്താവും കുടുംബവും ഒത്ത് ഇപ്പോൾ നടി താമസിക്കുവന്ന അമേരിക്കയിലെ നോർത്ത് കരോലിന ആഷ്വില്ലയില് നിന്നുമാണ് ഈ ചിത്രം നടി പങ്കുവച്ചിരിക്കുന്നത്.
കറുത്ത ഡ്രസ്സ് അണിഞ്ഞ് കൂളിംഗ് ഗാസും വെച്ച് ബോട്ട് ഓടിക്കുന്ന കിടിലൻ ലുക്കിലുള്ള ഫോട്ടോയാണ് സംവൃത ആരാധകർക്കായി പങ്കുവെച്ചിരിക്കുന്നത്.
ഇതിനോടകം തന്നെ നിരവധി ആരാധകരാണ് താരത്തിന്റെ മനോഹര ചിത്രത്തിന് ലൈക്കും കമൻറ്റും ഷെയറും ആയി എത്തിയിരിക്കുന്നത്. സംവൃത പറക്കുക ആണെന്ന് തോന്നുമെന്നാണ് ചിൽ ചിലർ കമന്റ് ചെയ്യുന്നത്. അതേ സമയം സംവൃതയുടെ അടുത്ത സിനിമ എന്നായിരിക്കും എന്നും മറ്റ് ചിലർ ചോദിക്കുന്നുണ്ട്.
