മലയാളത്തിന്റെ മുന്‍കാല സൂപ്പര്‍ താരം സുകുമാരന്റെ മകനായ പൃഥ്വിരാജ് സുകുമാരന്‍ ഇന്ന് പാന്‍ ഇന്ത്യന്‍ തലത്തില്‍ ശ്രദ്ധേയനായ യുവ താരമാണ്. മലയാള സിനിമയുടെ യൂത്ത് ഐക്കണ്‍ കൂടിയായ പൃഥ്വിരാജ് അഭിനയിത്തിന് പുറമേ സംവിധാനം, നിര്‍മ്മാണം, ഗാനാലാപനം തുടങ്ങി വിവിധ മേഖലകളില്‍ അദ്ദേഹം തിളങ്ങി നില്‍ക്കുകയാണ്.
രാജസേന്‍ സംവിദാനം ചെയ്ത ഒരിടത്ത് ഒരു രാജകുമാരന്‍ അവനുണ്ടൊരു രാജകുമാരി എന്ന ചിത്രത്തിലൂടെയാണ് അരങ്ങേറിയതെങ്കിലും രഞ്ജിത്തിന്റെ നന്ദനത്തിലൂടെയാണ് താരം ശ്രദ്ധിക്കപ്പെട്ടത്. പിന്നീട് വളരെ പെട്ടെന്ന് മലയാള സിനിമയിലെ മുന്‍നിര യുവ താരങ്ങളില്‍ ഒരാളായി മാറുകയായിരുന്നു പൃഥ്വിരാജ്.
മുംബൈയിലെ മാധ്യമ പ്രവര്‍ത്തക ആയിരുന്ന സുപ്രിയ മേനോനെ ആണ് പൃഥ്വിരാജ് വിവാഹം കഴിച്ചിരിക്കുന്നത്. പ്രണയ വിവാഹം ആയിരുന്നു ഇരുവരുടേയും. ഒരു അഭിമുഖവുമായി ബന്ധപ്പെട്ട് ആയിരുന്നു ഇരുവരും ആദ്യമായി കാണുന്നത്. പിന്നീട് ഇരുവരും സൗഹൃദത്തിലാവുകയും അത് പ്രണയത്തില്‍ എത്തുകയും ചെയ്തു.
പിന്നീട് ഇരുവീട്ടുകാരുടെയും ആശംസകളോടെ ഇവര്‍ വിവാഹിതരാവുക ആയിരുന്നു. ഇപ്പോള്‍ മലയാള സിനിമയിലെ മുന്‍നിര നിര്‍മ്മാതാക്കളില്‍ ഒരാളാണ് സുപ്രിയ പൃഥ്വിരാജ്. പൃഥ്വിരാജ് പ്രൊഡക്ഷന്‍ ബാനറില്‍ ഒരുങ്ങുന്ന ചിത്രങ്ങള്‍ എല്ലാം തന്നെ നിര്‍മ്മിക്കുന്നത് സുപ്രിയ ആണ്.
സുപ്രിയ നിര്‍മാതാവായി മാറിയതിനെ കുറിച്ച് മുന്‍പ് പലപ്പോഴും താരദമ്പതിമാര്‍ സംസാരിച്ചിട്ടുണ്ട്. എന്നാല്‍ തന്റെ ജോലി എളുപ്പമാക്കുന്ന സുപ്രിയയുടെ ഇടപെടലുകളെ കുറിച്ചാണ് പൃഥ്വിരാജ് ഇപ്പോള്‍ സംസാരിക്കുന്നത്. ജേണലിസ്റ്റായ സുപ്രിയ ആ ജോലി മിസ് ചെയ്യുന്നുണ്ടെന്നാണ് പൃഥ്വിരാജ് പറയുന്നത്. പൃഥ്വിരാജിനെ വിവാഹം കഴിക്കുന്നതിന് മുന്‍പേ ബിബിസിയുടെ അടക്കം റിപ്പോര്‍ട്ടര്‍മാരില്‍ ഒരാളായിരുന്നു സുപ്രിയ മേനോന്‍.
ചെന്നൈ വെള്ളപ്പൊക്കെ കുറിച്ചടക്കം സുപ്രിയ റിപ്പോര്‍ട്ട് ചെയ്യുന്ന പല വീഡിയോസും സോഷ്യല്‍ മീഡിയയിലൂടെ പ്രചരിച്ചിരുന്നു. പൃഥ്വിയുമായിട്ടുള്ള വിവാഹത്തിന് ശേഷം കരിയറില്‍ ബ്രേക്ക് എടുത്ത സുപ്രിയ ഇപ്പോള്‍ കുടുംബകാര്യവും നിര്‍മാണ കമ്പനിയും മനോഹരമായി കൈകാര്യം ചെയ്യുന്നുണ്ടെന്നാണ് പൃഥ്വിയും പറയുന്നത്.
ഇപ്പോഴിതാ സുപ്രിയ ഇന്‍സ്റ്റഗ്രാമില്‍ പങ്കുവെച്ച ഒരു ചിത്രമാണ് വൈറലായിക്കൊണ്ടിരിക്കുന്നത്. ഇട്ടിമാണി സിനിമയില്‍ മോഹന്‍ലാല്‍ ഉപയോഗിച്ച 2255 നമ്പര്‍ ലാംബര്‍ട്ട സ്‌കൂട്ടറില്‍ ഇരിക്കുന്ന പൃഥ്വിയുടെയും സുപ്രിയയുടെയും ചിത്രമാണ് സുപ്രിയ പങ്കുവെച്ചിരിക്കുന്നത്.
നടന്‍ മോഹന്‍ലാല്‍ കൊച്ചിയില്‍ സ്വന്തമാക്കിയ പുതിയ ഫ്‌ലാറ്റിന്റെ എന്‍ട്രന്‍സില്‍ ഈ സ്‌കൂട്ടര്‍ സ്ഥാപിചിട്ടുണ്ട്. കൊച്ചിയില്‍ നടന്ന ജന ഗണ മനയുടെ വിജയാഘോഷ പരിപാടിയില്‍ പങ്കെടുത്ത ശേഷം എമ്പുരാനെക്കുറിച്ചുള്ള ചര്‍ച്ചകള്‍ക്കായി മോഹന്‍ലാലിന്റെ ഫ്‌ലാറ്റില്‍ എത്തിയതായിരുന്നു പൃഥ്വിയും ഭാര്യ സുപ്രിയയും.
അപ്പോള്‍ എടുത്ത ചിത്രമായിരുന്നു ഇത്. ചിത്രങ്ങള്‍ ഇതിനോടകം തന്നെ സോഷ്യല്‍മീഡിയയില്‍ വൈറലായിട്ടുണ്ട്. സാരിയില്‍ അധികം മേക്കപ്പില്ലാതെ സുന്ദരിയായാണ് സുപ്രിയ എത്തിയത്. സുപ്രിയയുടെ ഈ ലുക്കിനെയും ആരാധകര്‍ പ്രശംസിക്കുന്നുണ്ട്.
