നിരവധി മലയാള ചിത്രങ്ങളില്‍ ഭാഗമായ നടനാണ് ടി പി മാധവന്‍. ഇതുവരെ അറുനൂറിലധികം സിനിമകളില്‍ അദ്ദേഹം വേഷമിട്ടിട്ടുണ്ട്. 40ാം വയസ്സില്‍ അഭിനയരംഗത്തെത്തിയ അദ്ദേഹത്തിന്റെ ആദ്യചിത്രം രാഗം ആയിരുന്നു. ഈ ചിത്രം 1975 ലാണ് പുറത്തിറങ്ങിയത്.
സിനിമയില്‍ മാത്രമല്ല, സീരിയിലിലും താരം നിറസാന്നിധ്യമായിരുന്നു. മുമ്പ് സിനിമ ആര്‍ട്ടിസ്റ്റുകളുടെ സംഘടനയായ ‘അമ്മ’ യുടെ സെക്രട്ടററി ആയിരുന്നു ടിപി മാധവന്‍. മലയാളികളെ ചിരിപ്പിച്ച ഒരുപിടി നല്ല കഥാപാത്രങ്ങള്‍ സമ്മാനിച്ച അദ്ദേഹം ഇപ്പോള്‍ ആരോരുമില്ലാതെ അഭയകേന്ദ്രത്തില്‍ കഴിയുകയാണ്.
മാധവന്‍ സുധയെയാണ് വിവാഹം ചെയതത്. എന്നാല്‍ ഈ ബന്ധം അധികകാലം തുടര്‍ന്നില്ല. ഇവര്‍ക്ക് ഒരു മകന് ഉണ്ട്, ഇന്ന് ബോളിവുഡില്‍ അറിയപ്പെടുന്ന പ്രമുഖ സംവിധായകരില്‍ ഒരാളായ രാജാകൃഷ്ണ മേനോന്‍ ആണ് മാധവന്റെയും സുധയുടെയും മകന്.
അഭിനയ മോഹം കാരണം ഒരുകാലത്ത് ഭാര്യയെയും മകനെയും ഉപേക്ഷിച്ച് പോയ അദ്ദേഹം ഇപ്പോള്‍ കൊല്ലം ജില്ലയിലുള്ള ഗാന്ധിഭവന്‍ വയോധിക മന്ദിരത്തിലാണ് ജീവിക്കുന്നത്. അതിനിടെ അദ്ദേഹം തന്റെ വലിയ ആഗ്രഹത്തെ കുറിച്ച് തുറന്നുപറഞ്ഞിരിക്കുകയാണ്.
തന്റെ മകനെ ഒന്നു കാണണമെന്നുള്ള ആഗ്രഹമാണ് അദ്ദേഹം അറിയിച്ചിരിക്കുന്നത്. ഗാന്ധി ഭവന്‍ സ്ഥാപകനായ പുനലൂര്‍ സോമരാജന്‍ വഴി ഒരു ടെലിവിഷന്‍ പരിപാടിയിലൂടെയാണ് അദ്ദേഹം തന്റെ ആഗ്രഹം പറഞ്ഞത്. മകന് രണ്ടര വയസ്സുള്ളപ്പോഴാണ് നടന് ഇവരെ ഉപേക്ഷിച്ചിട്ട് പോയത്.
എന്നാല്‍ പിന്നീട് ഒരുനോക്കുകാണാന്‍ ആഗ്രഹം പ്രകടിപ്പിച്ചപ്പോള്‍ മകന് അത് നിരസിച്ചു. രണ്ട് ആഗ്രഹങ്ങളാണ് അയാളുടെ ജീവിതത്തില്‍ ഉണ്ടായിരുന്നത്, ഒന്ന് സിനിമ നടന് മോഹന്‌ലാലിനെ കാണണമെന്നും രണ്ട്, ഇപ്പോള്‍ തന്റെ മകനെ തനിക്ക് കാണണമെന്നും ആണെന്ന് സോമരാജന്‍ പറയുന്നു.
അതേസമയം, പിതാവിനെ തനിക്ക് കാണേണ്ട എന്നാണ് മകന് പറയുന്നത്.. ‘ ഞാന്‍ കുഞ്ഞായിരിക്കുമ്പോള്‍ എന്നെ ഉപേക്ഷിച്ചു പോയ വ്യക്തിയാണ് അച്ഛന്‍. എന്നാല്‍ ഇപ്പോള്‍ അദ്ദേഹം ഒരു അഭയ കേന്ദ്രത്തില്‍ ആണെന്ന് അറിഞ്ഞു. എനിക്ക് കാണാന്‍ യാതൊരു താല്പര്യവും ഇല്ല.’ എന്ന് ഒരു അഭിമുഖത്തില്‍ മകന് പറഞ്ഞതായി സോമരാജന്‍ പറയുന്നു.
