പ്രിയ നടന്‍ മോഹന്‍ലാല്‍ തന്നെ, പക്ഷേ മമ്മൂട്ടി? ടിനി ടോമിന്റെ വെളിപ്പെടുത്തല്‍

13

സിനിമയില്‍ മമ്മൂട്ടിയുടെ ബോഡി ഡബിളായാണ് ടിനി ടോം സിനിമയിലേക്ക് ചുവടുവെയ്ക്കുന്നത്. മമ്മൂട്ടിയെ കുറിച്ച് ഒരു സ്വകാര്യ ചാനലുമായുള്ള അഭിമുഖത്തില്‍ ടിനി മനസ് തുറക്കുന്നു. തന്റെ പ്രിയ നടന്‍ മോഹന്‍ലാലാണെങ്കിലും മമ്മൂട്ടിയാണ് തന്റെ പാഠപുസ്തകമെന്ന് ടിനി ടോം പറയുന്നു.

Advertisements

മിമിക്രിയില്‍ അദ്ദേഹത്തെ സ്ഥിരമായി അനുകരിക്കുന്നത് കണ്ട് അദ്ദേഹം തന്നെ എന്നെ ഡ്യൂപ്പായി വിളിക്കുകയായിരുന്നു. തുടര്‍ന്ന് അണ്ണന്‍ തമ്പി, പാലേരി മാണിക്യം, പട്ടണത്തില്‍ ഭൂതം എന്നീ സിനിമകളില്‍ അദ്ദേഹത്തിന്റെ ബോഡി ഡ്യൂപ്പായി.

പിന്നീട് മുഖം കാണിച്ച് അഭിനയിക്കണമെന്ന് സംവിധായകന്‍ രഞ്ജിത്തിനോട് തുറന്ന് പറഞ്ഞതിനെ തുടര്‍ന്ന് പ്രാഞ്ചിയേട്ടന്‍ ആന്‍ഡ് ദ സെയിന്റ് എന്ന സിനിമയില്‍ ശ്രദ്ധിക്കപ്പെടുന്ന വേഷം നല്‍കി.

മമ്മൂട്ടിയും മോഹന്‍ലാല്‍ രണ്ടു പുസ്തകങ്ങളാണ്. എന്റെ ഇഷ്ടപ്പെട്ട നടന്‍ മോഹന്‍ലാല്‍ ആണെങ്കിലും സിനിമ കഴിഞ്ഞാല്‍ തികഞ്ഞ കുടുംബനാഥനായ ആരേയും അറിയിക്കാതെ ഒരുപാട് പേരെ സഹായിച്ച മമ്മൂട്ടിയെയാണ് ഞാന്‍ പഠിച്ചത് ടിനി പറഞ്ഞു.

Advertisement